WANGSHEMBU MWOT 9:22 - OTSAO BAIBEL (BSI)

²² Ikoxsisile Sol-e chix hwon-nwot makhange khünaknu okop okople kop üntoxle Jisu a Messaiah changpu le chixe kaxkhi fakya changtomtapu le thüikya khoma Damaska ma ngokya Jehudi khünakbue chix kax to lan ang chitho.

WANGSHEMBU MWOT 9:22 ပူးပေါင်းရင်းမြစ်များ

WANGSHEMBU MWOT 18:5

Sila hia Timothi nyi Mesidonia tokya ngui füima, Pol-e Jehudi khünakbu hato Jisu a Messaiah changpu le ahole Kaxho Müikya apuk angkya ma chix hanpak ahom.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

ISAIA 40:29

Otsak-ozong chitüikyabu ang chixe tsak-zong koxle.

1 KORIN 1:27

Jetüi hwonlangkyabu tha ajao ang chaxwannu angkya ongatbu tamchu tsakpa zongpa ang thünzak kox angkya hanpakma chaxwannu angkya zong chitüikyabu, Zange chaktung ma zünle koppu.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

FILIPI 4:13

Tüta ningkya osho füichu apong tsuak angkya kuxma Khrista-e fakya zong tüipu.

WANGSHEMBU MWOT 17:3

üntoxle Messaiah a sikngün apong angkya jao ilaxlechu anaole azangle zo angkya jao le apuale awan ang tom ilaxle Otsao Lai kax ma tüikya ile otsingtsing changpu le aho. Pol-e thüi: “Kue hünzom hama apua ngokya Jisu a ija Messaiah changle.”

MÜNCHUAK-TSAI 84:7

Hwom paole ngopongma sisile tsak-zong tüile chang; hwome Zaion ma baozangbu thak angkya Zang ngün ang kopüi.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

PONGWANG LAIPEX 49:24

Ikoxlechu chix hapnu a shingmong lüwüi tüikya, ilaxle Israel nok long chunnyetpa tuita mün ma, Jakop Khüthak Zang chak füi, chix chak a tüle shingmongle tüikya.

MÜNCHUAK-TSAI 51:13

Ifüima ochaxbu hama kue nang kaxtombu apuaüi, üntoxle hwom a nang hato chatle achatüi.

WANGSHEMBU MWOT 9:20

Chix tangthole sinagok to ngui ilaxle Jisu bama hwon-ano ang süt. Chixe thüi: “Jisu ang Zang Hosa changle.”

WANGSHEMBU MWOT 9:21

Chix kaxzing atatkyabu pangwüi abüt ilaxle tata ma atüi: “Ija mixsün a Jerusalem ma Jisu mün ma zangshwom ngokyabu lang-huakkya mix münchangkox hia? Üntoxle chix ikhato nguikyachu wüi nguakhobu hato iningkyabu koplaxle chat ang nguikya münchang hia?”

WANGSHEMBU MWOT 9:23

Hanpak namhom homkya füima, Jehudi khünakbu asox ilaxle Sol lang angkya katzua lax.

WANGSHEMBU MWOT 9:27

Iponge Barnaba chix to fong ang hüi ilaxle chix wangshembu hato apüi. Sol-e Damaska panja ma Jowanpa apongkya üntoxle Jowanpa-e chix füi akaxkyabu pangwüi chixe hwom hama thutle wün. Damaska to Sol-e mongchyen füi Jisu mün ma hwon-anokya bamachu wüi chixe hwom hama wün.

GALATIA 1:18

Zangpua azom füima tix Pitar füi apong laxle zangwün angle ku Jerusalem to paopu, ilaxle chix füi tomle hatdang anyi nuile toxpu.

1 TIMOTHI 1:12

Mwot mok angkya tsakzong ku ang owae fapuix, kem Jowanpa Jisu, chix ang kue münchong fapu. Ledaokya ma kue chix mo amale wün ilaxle chix to zothup tamchu adix-adale changdao koxlechu,