WANGSHEMBU MWOT 9:20 - OTSAO BAIBEL (BSI)

²⁰ Chix tangthole sinagok to ngui ilaxle Jisu bama hwon-ano ang süt. Chixe thüi: “Jisu ang Zang Hosa changle.”

WANGSHEMBU MWOT 9:20 ပူးပေါင်းရင်းမြစ်များ

JUHAN 20:28

Thoma-e lanle chix ang thüi: “Ku Jowanpa tamchu Ku Zang.”

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

JUHAN 1:49

Nathanel-e chix ang thüi: “Rabai, nang a Zang Hosa; nang a Israel wanghom changle.”

MATHI 27:43

Chixe Zang to ongle; chix ma Zang jangtüi thüiningle chixe naxazün koxa; chemthüikoxle chixe ma Zang Hosa changpule akaxle.”

MATHI 4:3

Iponge bao chix hato hüilaxle thüi: “Nang Zang Hosa jangchang thüiba ija long füi an ang achang angkya akax kox.”

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

MÜNCHUAK-TSAI 2:7

Wanghompa-e thüi: “Jowanpae chem akax daopuix ija kue apuküi. Chixe ku ang thüi: ‘Nang a kusa changle; anyix ku hünpa ang achangpu.

MIKNGÜN-OHÜN 2:18

“Thaitira ma tüikya müimüithom angkya kaxtaimix hato zalax: “Ija kaxho a mik wün lailaile üntoxle cha fwotle atsyet thomkya khop lailaile tüikya Zang Hosa tokhange hüikya changle.

ROM NOK HATO ZAKYA POL LAIZA 1:4

chix otsao chifün ma, zidaokya chatle azangle zo ang tomkya makhange chix a Zang Hosa changpu le fua-hi-zangle aho.

WANGSHEMBU MWOT 13:14

Okhi Perga makhangechu thuithui le lele Pisidia angkya Antiok alop; ilaxle nazakle nuikya nyix hokhi sinagok to ngui üntoxle thung.

WANGSHEMBU MWOT 13:5

Otue hokhi Saipras to nguipuix, Jehudi nok sinagokbu to hokhie Zang kax apuk-apua. Okhi füito mwot to fong ang Juhan Mark chuwüi kop.

WANGSHEMBU MWOT 9:22

Ikoxsisile Sol-e chix hwon-nwot makhange khünaknu okop okople kop üntoxle Jisu a Messaiah changpu le chixe kaxkhi fakya changtomtapu le thüikya khoma Damaska ma ngokya Jehudi khünakbue chix kax to lan ang chitho.

WANGSHEMBU MWOT 8:36

Ile hokhi lomjang fole ahamle hüi pongma jongta kha ti tüikya nui to ngui, ilaxle ija alixachonge thüi: “Ikhama ti hidaole atungle tüingünlaxle! Chemtan-chemnye ngoüi, athax wüi baptiüi jangwüia?”

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

JUHAN 19:7

Jehudi khünakbue chix kax to lan: “Kwom ang wanlom tuita tüile, ilaxle ija wanlom ma chix zi angkya changle. Chemthüikoxle chixe alüile chix a Zang Hosa changpu le akaxle.”

MATHI 27:54

Süpahi akhokya hia chix füi tomle Jisu nyele ngokya mama süpahibue bütix sikya hia idule changkyabu ngünlaxle abanlaxle thüi: “Chix a otsingtsing ma Zang Hosa wüi changdaoa!”

WANGSHEMBU MWOT 13:33

Zange kem pupa hwom füi moküi hexo le tsaokya mwot Jisu Khrista azangle zo ang koxkya makhange Zange kem hwom susabu hanpakma üntoxlechu nok hanpakmale mokdaoa. Ija a anyi lükya Münchuak Tsai ma zale tüikya ningle: ‘Nang kusa changle, Anyix ku Hünpa ang achangpu.’

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 14:1

Ikoniam machu ile wüi chang. Pol hia Barnaba nyi Jehudi nok sinagok to ngui ilaxle akax ikoxle Jehudi nok hia Grik khünakbu huanuma, chix to ongkyabu ang achangle Jisu hato hüi.

WANGSHEMBU MWOT 16:13

Nazakle nuikya nyix kwom tingkhua pan thaile shua tüikya chito Jehudi khünakbue zangjopkya nui tüiüi le thütlaxle pao. Thunglaxle kwome ikhama asoxkya shekobu füi zangwün.

WANGSHEMBU MWOT 17:2

Opo chix wanlom ningle, Pol sinagok to ngui. Ikhato hatdang azom mong ma khünaknu füi Otsao Lai kax e-e laxle anwot-ano le nui;

WANGSHEMBU MWOT 17:10

Ija jaja wüi zangnak füi tomle, tüinaobue Pol hia Sila nyi Beria to akat. Ikha alopkya ma, hokhi Jehudi nok sinagok to ngui.

WANGSHEMBU MWOT 17:17

Ikhoma Jehudi nok hia mixnok Zang shwomkya khünakbu füi sinagok ma ala, ilaxle le-zyenüi khünaknu füi tingjang lomnu to ala.

WANGSHEMBU MWOT 18:4

Jehudi khünak hia Grik khünak pangnu wüi anom-anai ang azongle, nazakle nuikya nyix chithaile chixe sinagok ma hwom hama kaxkhi fa.

WANGSHEMBU MWOT 18:19

Hwome Efisia alop, ilaxle Pol-e Prisila hia Akuila nyi ima tox. Chix sinagok to nguilaxle Jehudi khünakbu hato kaxkhi fa.

WANGSHEMBU MWOT 19:8

Pol sinagok to dong, ilaxle lyetkua azom ojao chizale khünaknu hama zangwün ilaxle Zang Wangting bama chix akaxle ngokya bama otsingtsing changpu le chixe kaxkhi fa.

GALATIA 1:16

Üntoxle mixnokbu khato chix bama Kaxho Müikya kue apuk-apua angkya hanpakma otue chixe ku hato Hosa ngaile aho ang mongtex azut tsuaklaxpuix, izuma ku zünkax-saikax lom ang owa hatochu chipao,

WANGSHEMBU MWOT 8:37

Filip-e chix ang thüi: “Nange nang mong tokhange abakle jangong thüikoxle nang bapti ang tsuaküi.” Chixe lan: “Kue ongle, Kue Jisu a Zang Hosa changle le ongle.”