WANGSHEMBU MWOT 9:16 - OTSAO BAIBEL (BSI)

¹⁶ Üntoxle ku mün awan ang kox angkya bama chixe sikngün apong angkya pangnu kue chix hama wünle koxüi.”

WANGSHEMBU MWOT 9:16 ပူးပေါင်းရင်းမြစ်များ

1 THESALONIKA 3:3

tamchu ija a hünzom opupuchu ija zothup khoma chatle samkya chitüi angkya kuxma changle. Ija ningkya zothup a kem hanpakma Zang mongtex changpu le hünzome jaochu awanle ngopu.

WANGSHEMBU MWOT 21:11

Chix kwom hato hüi, Pol kux züpak lax, ija füi chix cha hia chix chak to kha, ilaxle thüi: “Ija a Otsao Chasae akaxkya kax changle: Ija züpak hopupa to Jerusalem ma Jehudi khünakbue ilailaile khaüi, ilaxle hwome chix mixnokbu chak to owüiole koxüi.”

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

MATHI 5:11

“Otue khünaknue ku khoma hünzom to ajaole sikngün faüi hex, ilaxle hünzom füi alünle kaxma pangnu akaxüi hex; izuma hünzom mohiman.

MATHI 24:9

“Ifüima khünaknue hünzom kopüi, ilaxle sikangün ang hia lang ang tomüi. Ku mün khoma hexle khünaknue hünzom thua anuüi.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.

WANGSHEMBU MWOT 21:4

Ikhato kwom thoma mongong mixbu züita bang. Hatdang tuita ibu füi nuile tox. Otsao Chasa zong makhange hwome Pol ang Jerusalem to taxka le akax.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

WANGSHEMBU MWOT 9:14

Üntoxle chix a Damaska to nang shwomtole ngokyabu pangnu kop angkya hanpakma nguakhobu angkya laiza koplaxle hüikya changle.”

ISAIA 33:1

Kem zanpabu a maxdaoa! Hwom to opupuechu papalole chichangba khohangle chichang khato, hwome papalole chang tamchu khohangle changle. Ikoxlechu hwome papalole lax angkya hia khohang angkya hwom hanpak ashukdaoüi, ilaxle hwom mix alüile ija papalole laxkya hia khohang mütkop ma ngoüi.

WANGSHEMBU MWOT 9:6

ikoxlechu nang zolax üntoxle tingkhua to donglax; ikhato nange chemle moküi hex ija owawae apuale faüihex”, le ija kaxzinge thüi.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

WANGSHEMBU MWOT 21:13

Ikoxlechu Pol-e lan: “Büthüipu! Hünzome ile sople ku mong mix ahikle hi? Jerusalem ma khak angkya ning chem, Jowanpa Jisu kuxma ku zi angkya ngaxchu achwonle tüile.”