WANGSHEMBU MWOT 9:10 - OTSAO BAIBEL (BSI)

¹⁰ Damaska to Anania le amünkya Jisu wangshem tuita tüikya. Chixe mikngün ohün ngün, ijama chix füi Jowanpa-e ile akax: “Anania.” Chixe lan: “Jowanpa, ku ikhama tüile.”

WANGSHEMBU MWOT 9:10 ပူးပေါင်းရင်းမြစ်များ

WANGSHEMBU MWOT 22:12

“Damaska ma tüikya Jehudi nokbue achuak achenle twonkya kwom Wanlom tokya otsao khünak tuita Anania le amünkya mixsün tüikya.

WANGSHEMBU MWOT 10:3

Nyixta tsomfüi azom baji shen changkya, Chixe mikngün ohün tuita ngün. Ijama chixe Zang kaxtaimix nguikya atsingsho le ngün ilaxle chixe mün lünle nyak: “Kornelia.”

PONGWANG LAIPEX 22:1

Ifüima alüile chingo homtoxle Zang-e Abraham to thwontsing; chixe Abraham nyak: “Abraham a!” Ilaxle Abraham-e lan: “Ui, ku ikhama tüile!”

ISAIA 6:8

Ifüima kue Jowanpa kax atat: “Kue opupu apaüi? Kem kaxhomix ang owa changüi?” Kue lan: “Ku paoüi! Ku tomfa!”

1 SAMUEL 3:4

Jowanpae Samuel nyak. Chixe lan: “Alixachong, ku ikhama tüile!”

LAIPAO 3:4

Chemtue chix ija to hu ang azyemle zapuix, Jowanpae ngünle lax ilaxle ija fumkho ma chuale ngokya wünle makhange Zang-e chix nyak: “Mosa! Mosa!” Chixe lan: “Ku ikhama tüile!”

PONGWANG LAIPEX 31:11

Wünmang chito Jowanpa kaxtaimix tuitae ku füi akaxle thüi: ‘Jakop, hule koplax;

WANGSHEMBU MWOT 2:17

“Zange thüile: ‘Hanpak ashukle hüikya zuma khünaknu ang kue Chasa thokle koxüi. Hünzom susabue Haxzang Kaxho khünaknu hato apuküi; hünzom naosünbue mikngün ohün ngünüi, hünzom azupabue wünmang amangüi,

DANEL 2:19

Ifüima ija jaja wüi mikngün-ohün ma Danel hato ija huxsa wünmang ngaile apuale kox, ikhoma hwome zangkangting tokya Zang mün achuakle thüi:

2 SAMUEL 15:26

Ikoxlechu chix ang ku füi mongzom müikya chitüi thüiningle: chixe chemle mokse tsupuix, ku to naxmokkox.”

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

PONGWANG LAIPEX 14:15

Ikhato chixe ma khünakbu othom-othom ang ahan. Hwome zan to zangnak ma sing ilaxle hwom to anao. Chixe hwom Damaska zongma shuakux chikao Hobah alople achua.

WANGSHEMBU MWOT 9:9

Nyix azom bama chixe chemchu chingün, ilaxle ija bama chixe chemchu chisax chiling.

WANGSHEMBU MWOT 11:5

“Ku a Chopa tingnu ma zangjople ngokya, ipongma kue mikngün ohün ngün. Chongkya tsap tuita ningle lituta zongkhing ali ma koplaxle ding tokya juüi kue ngün, ilaxle ija ku zuima zak.

WANGSHEMBU MWOT 12:9

Pitar chix man tole kunkha angkya lai, ikoxlechu chix kunkha angkya laile paokya otsingtsing chichang changpuix chixe chiawantsuak. Chixe mikngün ohün ngünkya ang laxle ngo.

WANGSHEMBU MWOT 16:9

Pol-e ija ja mikngün ohün ngün. Ijama chixe Mesidonia tokya mixsün tuita ajong laxle: “Mesidonia to nguilaxle kwom to süfonghüi!”, le chix sekya ngün.

WANGSHEMBU MWOT 16:10

Pol-e ija mikngün ohün ngünkya füi shemle kwom Mesidonia to pao ang achwon, chemthüikoxle ikha tokya khünakbu hato kaxho apua ang Zange sekya changpu le kwome lax.

WANGSHEMBU MWOT 18:9

Jata Pol-e mikngün ohün ngün. Ijama Jowanpa-e chix ang thüi: “Taxza! Ikoxle Kaxho Müikya opuk opukle apukkox, tütle dan taxtox;

2 KORIN 11:32

Ku Damaska ma ngotanto, wanghompa Aretas-e kamle thomkya Gowarnor-e ku kop angkya hanpakma tingnu pan ma nyetmix danle thom.

GALATIA 1:17

chichangba ku thoto wüi wangshem ang achangle ngoünkyabu füi apong angle ku Jerusalem to paopu lüchu chichang. Itülüi, ima wüi ku thuile Arabia to pao, ifüima Damaska to chat.

WANGSHEMBU MWOT 9:12

üntoxle mikngün ohün ma chixe Anania le amünkya khünak tuita nguilaxle chixe chatle ngün ang kop angkya kuxma chix to chake twonle ngündaoa.”