WANGSHEMBU MWOT 8:37 - OTSAO BAIBEL (BSI)

³⁷ Filip-e chix ang thüi: “Nange nang mong tokhange abakle jangong thüikoxle nang bapti ang tsuaküi.” Chixe lan: “Kue ongle, Kue Jisu a Zang Hosa changle le ongle.”

WANGSHEMBU MWOT 8:37 ပူးပေါင်းရင်းမြစ်များ

WANGSHEMBU MWOT 8:36

Ile hokhi lomjang fole ahamle hüi pongma jongta kha ti tüikya nui to ngui, ilaxle ija alixachonge thüi: “Ikhama ti hidaole atungle tüingünlaxle! Chemtan-chemnye ngoüi, athax wüi baptiüi jangwüia?”

WANGSHEMBU MWOT 8:38

Ija alixachonge kanlin azak, ilaxle hokhi pangnyi wüi, Filip hia ija alixachong nyi tikha to ju, üntoxle Filip-e tima chix bapti le kox.

MATHI 16:16

Simon Pitar-e lan: “Nang a ozün ma tüikya Zang Hosa Messaiah changle.”

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

MARK 16:16

Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

JUHAN 9:35

Hwome ija khünak jwonle apaodaoale Jisu-e atat ang kop; ilaxle chix atakkya zuma thüi: “Nange Khünak Hosa to mong ongcha?”

JUHAN 11:27

She-e lan: “Ongpu, Jowanpa, Chaxwannu to hüiüi tüikya Khrista nang changpu le kue ongle.”

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

WANGSHEMBU MWOT 8:12

Ikoxle otue hwome Zang Wangting hia Jisu Khrista mün bama Kaxho Müikya Filip makhange atatle laxpuix, hwom sheko lüka pangwüi tima bapti.

WANGSHEMBU MWOT 8:21

Kwom mwottho ma nang kwom üitho jao münchang, chemthüikoxle Zang miksho ma nang mong ojao münsu.

WANGSHEMBU MWOT 9:20

Chix tangthole sinagok to ngui ilaxle Jisu bama hwon-ano ang süt. Chixe thüi: “Jisu ang Zang Hosa changle.”

ROM NOK HATO ZAKYA POL LAIZA 10:10

Chemthüikoxle kwome mong ma ong ilaxle tix Zang füi muamüipu; kwome tun ma ngai ilaxle tix khosün atakpu.

1 KORIN 12:3

Zang Chasae zunlaxle ahamkya mix owaechu “Jisu thomün-mwonün”, le münthüi tsuak ilaxle Otsao Chasae lom chizunkya mix owaechu “Jisu a Jowanpa changpu”, le ngai ang müntsuak. Ija hünzome awan kopkoxle müi angkya oli changpu.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

1 JUHAN 4:15

Owawae Jisu a Zang Hosa changpu le jangngai thüiba, notom ma chix Zang füi tamchu Zang chix füi le ngole.

1 JUHAN 5:1

Jisu Khrista to Messaiah changpu le ongkya mix a Zang susa changle; üntoxle Hopa to mongkünkya mixe Hosa tochu mongkünle.

1 JUHAN 5:5

Chaxwannu to anao ang: Jisu a Zang Hosa changpu le ongkya mixe tix thole.

1 JUHAN 5:10

Idaile Hosa to mongongkyabu ang ma mongto ija kaxkhi tüile; ikoxlechu Zang to chiongkyabue chix atsekya mix ang achangle, chemthüikoxle chix Hosa bama Zange chem akaxdaopuix ija to mong chiong.