WANGSHEMBU MWOT 8:3 - OTSAO BAIBEL (BSI)

³ Ikoxlechu Sol-e müimüithom pün ang azong. Chix hom-hom to ngui ilaxle mongong mixbu sheko lüka pangwüi linle alai ilaxle hwom pangnusa wüi kun ma sho.

WANGSHEMBU MWOT 8:3 ပူးပေါင်းရင်းမြစ်များ

1 TIMOTHI 1:13

chix thotha angkya ku asukya ang lax ilaxle kamle kopkya khoma kue chix ang münchong fapu. Ikoxlechu Zange ku to chingcha chemthüikoxle ipongma ku ma mongong matüi üntoxle ikhoma kue chemmok laxpuix kue chitsing.

FILIPI 3:6

üntoxle kue zongbak jaojaole müimüithom zothup. Wanlom tokya tokhange khünak otsao ang achang angkya le jangchang thüikoxlechu, ku thaikya ojao chitüikya mix changle.

GALATIA 1:13

Kue Jehudi zanglom twonle ngopongma ku chemle ngokya hex. Chingcha jaojao chitüi le kue Zang müimüithom zo chemle thupkya hex ilaxle ija oli thule amüt ang ku zongbakle azongkya bama hünzom hama wündaoa.

1 KORIN 15:9

Ku a wangshembu khama oshuk oza tix changlax a, ilaxle kue Zang müimüithom zothup daokya khoma, ku ang wangshem le nyak koxlechu chiasu.

WANGSHEMBU MWOT 22:19

Kue lan, ‘Jowanpa, kue sinagok to nguilaxle nang to ongkyabu to tüle fitmüi le hwonkya hwome abakle awan ngole.

WANGSHEMBU MWOT 9:21

Chix kaxzing atatkyabu pangwüi abüt ilaxle tata ma atüi: “Ija mixsün a Jerusalem ma Jisu mün ma zangshwom ngokyabu lang-huakkya mix münchangkox hia? Üntoxle chix ikhato nguikyachu wüi nguakhobu hato iningkyabu koplaxle chat ang nguikya münchang hia?”

WANGSHEMBU MWOT 7:58

üntoxle tingnu akaile alai laxle hwome chix long füi thuple lang. Sol le amünkya naosün tuita chitong ma nyehüio le hakhibue hwom nyiza tox.

JAKOP 2:6

Hünzome ibu zasabu wün ahaipu! Ikoxle hünzom to zothupkya tamchu kaxfün mixbu thüntho to hünzom linle apüikya; ibu a hakpa luapabu münchang hia?

WANGSHEMBU MWOT 8:2

Züizüi zanglom to mongkoxkyabue akhongle sopngale Stefen mangtsa ilaxle akhün.

WANGSHEMBU MWOT 16:19

Ija shekosae hwom ang ngun achakle alap koxngokya owüi ashukpu le awankya zuma she hopupa hwome Pol hia Sila nyi koplaxle pünpa-chongwangbu hato noknue ngünle linle apüi.