WANGSHEMBU MWOT 8:27 - OTSAO BAIBEL (BSI)

²⁷ Filip achwon ilaxle pao. Iponge Etheopia nok mixsün tuita eunak (zwom züidaokya mix) apong. Chix a Etheopia wangcha Kanda khwa ma, she tuina to hume angkya mix alixachong tuita changkya,

WANGSHEMBU MWOT 8:27 ပူးပေါင်းရင်းမြစ်များ

ZEFANIA 3:10

Tsailo nok Etheopia tokhange ngaxchu ku khünakbue ku hato töbu apüile koxüi.

MÜNCHUAK-TSAI 68:31

Alixachongbu Ijip nok tokya ngui angkya changle; Etheopia noke Zang to jople hwom chakbu nwonüi.

JEREMIA 38:7

Ikoxlechu, Etheopia nok Ebedmelek wanghom homlo ma mokle ngokya zwom züidaokya mixsün tuitae, hwome ku tswomkha to adütkya atatle lax. Ipongkhae wanghompa-e a Benjamin Zünkai ma khwa ma tsetwon kaxfün laxle tüile asukya.

MÜNCHUAK-TSAI 87:4

“Kue Ijip hia Babilon nok chuwüi wom ang tomüi ku kax ma laxle tüikya jat-li akiakle zakopkya zuma; Filistia, Tair hia Etheopia nok angkya khünakbu a Kue Jerusalem nokpu khato akiaküi.”

JUHAN 12:20

Pangpwon tukma Zangshwom angkya hanpakma Jerusalem to dongkya khama züizüi Grik nokchu wüi tüikya;

MATHI 12:42

Handünchi tokya wangchanu Sheba-e ija tsünthom füi kaxfün nui to ajongüi ilaxle ija tsünthom ajaoüi; chemthüikoxle chaxwannu oshuk tokya she a Solomon hwon-je to apa ang nguipu ikoxle hulax, Solomon füi süchongkya tuita ikhama tüile.

JEREMIA 13:23

Khünakbue ma tsangtsa khwon zong ajüi ang tho ang cha, chichangba chaxnu tuitae chix tsangtsa ma zakya awüt ang tho ang cha? Ija hwome tsuak koxba, ochax boma chemchu chimok tsuakkya nange changkya mwot mok ang awanle laxse.

ISAIA 66:19

ilaxle hwom to sikngün ang tomkya a ku changpule awan ang kopüi. “Ikoxlechu kue hwom züizüi sünle tüiüi ilaxle ku mün hia ku zaxzangle changkya matsingkya tsailo nokbu to hwom apaoüi: Spain nok to, Libia nok to, ilaxle Lidia, hwom mankya sanhap mix füi, ilaxle Tubal hia Grik nok to. Ibu chaxwannu nok khato hwome ku chuak-chongle tüikya apuküi.

ISAIA 60:6

Midi hia Efah tokya utbu jenlole hünzom hato nguiüi. Hwom Sheba tokhange nguiüi, hwome hun hia ongan müikya müngabu apüiüi. Jowanpae chem mokdaopuix ija bama khünaknue müikya kaxho faüi!

ISAIA 60:3

Chaxwannu nok pangwüi hünzom zangngai hato bele apüiüi, Ilaxle wanghombu a hünzom hanpak nyizün dongkya hato apüiüi.

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

MÜNCHUAK-TSAI 68:29

Jerusalem angkya nang Zangshwom-Hom makhange. Ijongkha a wanghombue nang hato hinghobu apüikya onui changle.

1 WANGHOMBU 10:1

Sheba nok wangchanue Solomon mün fuale wünkya atat, ilaxle chix to atuakle wan ang Jerusalem to ngui.

IBRI 11:8

Zange chix ang koxüihex le tsao saxkya chaxwan to laile pao ang nyak pongma Abraham ang Zang kax ma lax ang tom. Chix ochichi to pao angkya hex opak chitik homtoxle chixe ma chaxwan danle tox.

JEREMIA 39:16

Etheopia nok Ebedmelek hama Jowanpa, Israel nok Khüthak Zang-e kax apuale kox angle thüi: “Chemle chemle moküile akax daolaxpuix, kue ija tingnu hato okop-olwot münchang ikoxle thomshix thama apüi angkya changle. Ibu chemtue changle ngaiüihex, ibu ngün ang nang a ikhato ngole asuüi.

ISAIA 18:7

Shuanubue atsyenlaxle tüikya haxtok, tsak-zong hia zaxzangle tüikya jat-li, tomchong-hualole tamchu tsangtsa khwon nünfuile tüikya khünakbu, opang thua zangfang pangwüi zale akong ngopuix, ibu koxkya töbu pongle kop angkya Jowanpa Khüthak Zang hato hanpak nguile hüile. Hwom a Jowanpa Khüthak Zang to shwomkya Zaion Haxnu to ngui angkya changle.

WANGSHEMBU MWOT 8:28

üntoxle chix a hom to chatüi man-kanlin khoma ngalaxle ajepa Isaia Laipex akhongle enga le hüi.

TSAITONG-KAXTONG 30:13

Ija a molo tinu tachi towüi lechu münchang. ‘Kwome atatlaxle ija kax ma laxle tüi angkya hanpakma tinu tale paolaxle ija kwom hato owae apüile faüi?’ le hünzome atüingo angkya fang münchang.