WANGSHEMBU MWOT 8:23 - OTSAO BAIBEL (BSI)

²³ Chemthüikoxle nang a osing nüfuxe awangle tüile, ilaxle ochax kun ma kople thomkya mix changa le kue ngünle.”

WANGSHEMBU MWOT 8:23 ပူးပေါင်းရင်းမြစ်များ

ISAIA 58:6

“Kue lomkya chisax-chilingle atsaokya olom a ija changle: mix to zothupkya khak-kha dahai ilaxle chisukya kaxfün dang apaodao, ilaxle zothup ma ngokyabu mongtex ma aham ang dankox.

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

JUHAN 8:34

Jisu-e hwom kax to lan: “Otsingtsingma kue hünzom ang thüipu, ochax lyenle ngokya mix a ochax da changpu;

2 PITAR 2:19

Ma alüile omüt da ang achangle ngo, üntoxle ibue hwom ang khangkho zang angaikox angkya tsaole; ikoxle kem to cheme lüt ang tompuix ija chak to kem dahaibu ang ngotüi.

2 PITAR 2:4

Kaxtaimix ngaxchu, ochax lyenkyabu to Zange chishan, ikoxle kaxfün angkya nyix tanle nui ang oja zangnak khato hwom khakle thompuix, ija haolum to hwom tswonle awüt.

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

MANGSOP 3:19

Ku to tsütle kakkya ajangkya, ku ang hom-hax chitüikya, ija a ku zongto khaxkya zik-hing ang changle.

MANGSOP 3:5

Küntsik-mongma ashukle ngo angkya kun khato chixe ku hakle thom.

JEREMIA 9:15

Ikhoma, ku, Jowanpa Israel nok Khüthak Zang-e chemle moküihex apalax: Kue ku khünakbu a khaxkya pün sax ang koxüi ilaxle zik-hing ti ling ang tomüi.

JEREMIA 4:18

Nang ngokya zanglao hia nange mokle hüikya mwotbu makhange Judah nange ija nange alüile nang hato apüilaxpu. Nang ochaxbu makhange ija thangnak apong ang tomlaxpu; ijae nang mongtsang apatle tsundaoa.

ISAIA 28:22

Kue hünzom ang kaxkhün koxle ngokya cha taxnyi! Hünzome nyile jangchang, hünzom khangkhom hanpak tamtaitaikya mwottsak ang achangle paoüi. Jowanpa Khüthak Zang-e chaxwan pangwüi amüt angkya zangwün tsuakkya kue atatdaoa.

MÜNCHUAK-TSAI 116:16

Jowanpa, ku a nang dapa changle; anu lailaile kue chuwüi nang thothapu. Ozik-omüt tokya ku nange sünpu.

JOB LAIPEX 20:14

Ikoxlechu ija süt hwom wok khato khaxkya ang achang, khun-hing tütali ningle tüle kax wüi khaxle.

EFISIA 4:31

Khüt-kopkyabu pangnu, mongtsik hia mongma, ibu füi atsaile ngolax. Akhong-akhakya chichangba adix-adakya tamchu miktsak mongngwom chemchu taxtüi.