WANGSHEMBU MWOT 8:12 - OTSAO BAIBEL (BSI)

¹² Ikoxle otue hwome Zang Wangting hia Jisu Khrista mün bama Kaxho Müikya Filip makhange atatle laxpuix, hwom sheko lüka pangwüi tima bapti.

WANGSHEMBU MWOT 8:12 ပူးပေါင်းရင်းမြစ်များ

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

WANGSHEMBU MWOT 1:3

Chix ozün ma tüile le mongaokya chitüi tang chix zi füima nyix punyi bama obi thomthom ma hexle hwom hato ngai. Hwome chix ngün, ilaxle chixe hwom füi Zang Wangting bama zangwün.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

ROM NOK HATO ZAKYA POL LAIZA 10:10

Chemthüikoxle kwome mong ma ong ilaxle tix Zang füi muamüipu; kwome tun ma ngai ilaxle tix khosün atakpu.

1 KORIN 11:11

Ikoxlechu Jowanpa ma kem tsün a sheko a lüka zangfang ma ngopu, ilaxle lükachu wüi sheko ziamong ma ngopu, opupuchu tata zünkai to ngokya münchang.

WANGSHEMBU MWOT 28:31

Ile mongchong laxle tamchu owaechu chipoxle, chixe Zang Wangting bama hwon-ano üntoxle Jowanpa Jisu Khrista bama apua.

WANGSHEMBU MWOT 20:25

“Zang Wangting bama apuk-apua ang ku hünzom khato ahamle ngopu. Ikoxle athax a hünzom opupuechu ku sün chatle ngün ang münkopüi le kue awanle.

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

WANGSHEMBU MWOT 18:8

Sinagok ma alixachong sün Krispa üntoxle hwom homkha pangnue wüi Jowanpa to ong; ilaxle Korin angkya khünaknue Pol kaxho apa, ija to mongong ilaxle hwom bapti.

WANGSHEMBU MWOT 11:20

Üntoxle Saipras hia Sirini tokya mongong mixbu züizüi Antiok alople, mixnokbu hato Jisu Khrista bama Kaxho Müikya apukle pao.

WANGSHEMBU MWOT 5:14

Ikoxlechu khünaknu, Jowanpa to ongkyabu thom, sheko-lüka pangnu, hwom othom khato sühak-sühak le hakle hüi.

KAXHO MÜIKYA LUK 9:60

Jisu-e lan: “Zikyabu ma zuk-zuk to zu ang toxdao. Nang paokox ilaxle Zang Wangting bama apukkox.”

KAXHO MÜIKYA LUK 9:2

Ilaxle Zang Wangting bama kaxho apuk ang hia kaklak amüi ang ibibi kaxtom füi hwom apao:

WANGSHEMBU MWOT 8:4

Afale paokya mongongmixbu pangnu khato wüi kaxho apuk le hwon-ano le pao.

WANGSHEMBU MWOT 19:5

Ija atatlaxle hwome Jowanpa Jisu mün ma bapti.