WANGSHEMBU MWOT 7:55 - OTSAO BAIBEL (BSI)

⁵⁵ Ikoxle Stefen, Otsao Chasae awang laxle zangkho chito hukoxle Zang fuazang ngün üntoxle Jisu a Zang tsaxchi ma ajongle ngün.

WANGSHEMBU MWOT 7:55 ပူးပေါင်းရင်းမြစ်များ

MARK 16:19

Hwom füi ile akax füima, Jowanpa Jisu zangkangting to dün, ilaxle Jowanpa tsaxchi ma athung.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

WANGSHEMBU MWOT 6:10

Ikoxlechu Chasae Stefen ang hwon-je huanuma koxkoxle chixe zangwünkya zuma hwome chix ang chisu khato le aza ang chitho.

WANGSHEMBU MWOT 6:8

Stefen, Zange okhonguile mohimankya üntoxle chasa zong chongkya füikya mixsün tuita changkya. Chixe khünaknu khato khomtsikya hia ohünotün mwotbu mokle aho.

WANGSHEMBU MWOT 6:5

Wangshembue ija kax wünle alaikya khoma noknusa wüi mongmüi; idaile hwome mongong ma zukya tamchu Otsao Chasae awangkya Stefen kam, üntoxle Filip, Prokoras, Nikonor, Timon, Parmenas, ilaxle Jehudi zanglom laxkya Antiok nok Nikula, hwom bibi kam.

IBRI 8:1

Kwome wünle hüikya kaxmik pangnu a: Otsao Chongwang ngwotnui ma Zang tsaxchi ma thungle kem ang Nguakho tuita tüile.

WANGSHEMBU MWOT 2:4

Hwom pangnu Otsao Chasae awang, ilaxle Chasae akax ang tomkya ningle mixnok kax ma akax ang süt.

JUHAN 12:41

Isaia-e ija kax Jisu fuazang ngünlaxle chix bama akaxpu.

MÜNCHUAK-TSAI 109:31

chemthüikoxle chixe chitüi-chinang khünakbu kho-awale ilaxle hwom azik-amüt angkya bama tsaitsuak-kaxtsuak laxle ngokyabu chak tokya hwom khosünle kople.

WANGSHEMBU MWOT 6:3

Idaile tüi-hi-naohom, Otsao Chasa hia hwon-je e awangle tüile le atsingshokya mix hünzomkha angkya mixsün anüt zünlax, ilaxle kwome hwom ija ngun-syen twon angkya mwot to süt ang tomüi.

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

EZEKEL 11:23

Ifüima ija fixfaxkya zangngaie tingnu dantox ilaxle handünchi ma tüikya haxhua to pao.

EZEKEL 10:4

Zünmokbu ding angkya Jowanpa womle tüikya wünnyan ajong ilaxle Zangshwom-Hom fülom to achex. Ipongma Zangshwom-Hom a wünkhute awang, ilaxle hom mongkha a wünzung to nyanle tüikya.

MIKNGÜN-OHÜN 21:11

Ija tingnu a Zang fuazangkyae nyanle tüikya. Ija tingnu a thalix long jaspar ningle nyanle tamchu kristel lailaile tsaotha le tüikya.

2 PITAR 1:17

“Ija a kue mongkünkya Ku Sasün changle; chix füi ku mongzom müipu!”, le pangnu thakma akhokya fuazang tokhange kaxzing laile, Zange chix achuak achen pongma kwom ikhama tüikya.

WANGSHEMBU MWOT 4:8

Pitar-e Otsao Chasae awang laxle hwom kax to lanle thüi: “Hünzom, khünaknu lompabu tamchu apu-apahom,

JUHAN 14:3

Tamchu ku paolaxle ngwotnui achwon füima, ku tamchatle nguiüi, ilaxle ma hato hünzom laxlax tox angkya changle; ija khoma ku ojongto ngo angkya hex, hünzomchu ikhato ngo angkya changle.

EZEKEL 10:18

Ifüima Jowanpa womle tüikya wünnyan zangzunge Zangshwom-Hom fülom danle tox ilaxle ibu zünmokbu khangkho to thung ang ngui.

EZEKEL 3:23

Ikhoma ku haxsha to laile pao, ilaxle ikhato kue Jowanpa fuazang ngün, ija a kue Kebar Shuanu ta ma tamngün daokya ningle tüikya. Kue thün haxchi to ahole akhux,

JUHAN 11:41

Ikoxle hwome long apao; ijama Jisu-e dingchi to hulaxle thüi: “Apa, nange ku kax atat koxle kue nang ang münchong fapu.