WANGSHEMBU MWOT 7:47 - OTSAO BAIBEL (BSI)

⁴⁷ Ikoxlechu chix shwom angkya Hom tuita zing ang dankya a Solomon changkya.

WANGSHEMBU MWOT 7:47 ပူးပေါင်းရင်းမြစ်များ

1 WANGHOMBU 8:20

“Ilaxle athax Jowanpae chix kaxtsao thom. Kue Israel ma apa man ma wanghompa mantswon ang kop, ilaxle Jowanpa Israel nok Zang to shwom angkya hanpakma Zangshwom-Hom zaile alaidaoa.

2 SAMUEL 7:13

Ku hanpakma Zangshwom-Hom zing angkya a chix tix changüi. Kue thüipu, chix wangting a othuithuima ngoüi.

2 PUKAX-PANGAO 3:1

Solomon hopa, wanghompa Dawid-e Zangshwom-Hom ajong angkya homting to achale wüi humele tox. Ija onui a Jerusalem angkya Moriah Haxnu ma, Dawid füi Jowanpa apongkya kha ma changkya. Ikha a Jebu sün Araunah-e chix tsaxnaknui ang laxle ngokya kha.

1 PUKAX-PANGAO 17:1

Ipong Dawid a chix homlo ma ngole tüikya. Nyixta chixe ajepa Nathan se ang apaole thüi: “Ku ikhato sedar pün füi zaikya hom ma ngopu, ikoxle Jowanpa Tsaotsüt Suak a tuita Nyihom ma thomtüi!”

1 WANGHOMBU 5:1

Tair nok wanghompa Hiram a jento Dawid füi zuikhui ang ngole hüi. Chemtue chixe wanghompa Dawid man ma chix sasün Solomon wanghom ang achangkya kax atatpuix, chixe chix hato tsaipong-kaxtaimix awün.

1 WANGHOMBU 6:1

Israel noke Ijip haxtok dantox füima zanglao 480 lükya to, Israel nok thakma Solomon-e apünkya zanglao ali sütpongma, lyetnu kua anyi, Zip lyetnu ma, Solomon-e Zangshwom-Hom ma mwot owang wang.