WANGSHEMBU MWOT 7:46 - OTSAO BAIBEL (BSI)

⁴⁶ Chixe, Zange chix füi mongzom müikya lima mok; ilaxle Jakop Zang ang chix shwom angkya Hom tuita zingle kox ang chix ma danhüile ju.

WANGSHEMBU MWOT 7:46 ပူးပေါင်းရင်းမြစ်များ

WANGSHEMBU MWOT 13:22

Chix apao füima, Zange Dawid hwom wanghom ang achang. Ija a Zange chix bama akaxkya kax, ‘Ku mongtex ma shakya, kue atsantsan pangwüi mok angkya mix kue atakdaoa. Chix a Jesse sasün Dawid changpu.’

2 SAMUEL 6:21

Dawid-e lan: “Ku a Jowanpa achuakle azüi wüi. Jowanpa a, hünpa man ma, chix khünaknu Israel nok lompa ang ku kamle kopkya Zang changle. Ilaxle Jowanpa achuak ang ku ilele wüi azüi ngo angkya changpu,

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

MÜNCHUAK-TSAI 132:11

Jowanpae Dawid füi otsingtsing kaxtsao sax, ija tsaosüt hato chixe tok aho angkya chichang: “Nang sasün hwomkha angkya tuitae nang manma wanghompa ang achangle apünüi.

1 SAMUEL 15:28

Samuel-e chix ang thüi: “Jowanpae anyix nang chak angkya Israel nok wangting akyetle changdaoa ilaxle ija wangting a nang füi sümüikya khünak owawa chak to koxle changdaoa.

1 SAMUEL 13:14

Athaxpi nange apün-awangkya zaküi. Nange chix kax ma chilaxle changkya khoma Jowanpae chix mongtsukya khünak lom laxle ija mixsün ang chix khünaknu thak ma apün-awangle ang tomüi.”