WANGSHEMBU MWOT 7:35 - OTSAO BAIBEL (BSI)

³⁵ “Mosa a Israel khünaknue chilaxle awütkya mix tuita changkya. Hwome atüi: ‘Kwom thakma apün ang tamchu kaxfün fa angkya nang owae achanglaxpu?’ Pünsa mwa angkya wünchua ma laikya kaxtaimixe fongle, apün ang tamchu khosün ang Zange tsanle apaokya mix a Mosa changkya.

WANGSHEMBU MWOT 7:35 ပူးပေါင်းရင်းမြစ်များ

KAXHO MÜIKYA LUK 19:14

Ikoxle ikha tokya nokpubue chix to chilua ilaxle chix füima lüile kaxhomix achatle thüi: ‘Ija khünak kwom wanghom ang achang angkya to kwome münlua.’

MÜNCHUAK-TSAI 75:7

Zang tix kaxfünpa changle, züizüi omüt ang achangüi ilaxle züizüi a sukya ang achangüi.

HUAKE LAIPEX 20:16

ilaxle kwome chingcha jule Jowanpa hato fong angkya lomle chemle akhongpuix; chixe kwom sopkya atatlaxle chemle kaxtaimix kwom to fong ang tsanle ahüipuix; tamchu Ijip nok tokya laile pao angkya hanpakma chixe chemle kwom lom azuipuix, ibu pangwüi hünzome atatle ngopu. Athax kha kwom a Kadesh ma tüile. Ija a hünzom haxsüt longzipong ma tüikya tingnu tuita changle.

LAIPAO 14:19

Jowanpa kaxtaimix, owa Israel süpahibu tunthoma tüikya hex, ikha angkya achexle hwom tokfüi chito chat.

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

IBRI 2:2

Kaxtaimixbue kem pupabu ang fakya kaxho a otsingtsing changpu le ahodaoa, ilaxle opange ija chitoüihex chichangba kax ma chilaxle tüiüi hex, chixe kopüi.

KOLOSI 1:15

Khrista a mike ngünkya tuita mike chingünkya Zang ocha changpu. Chix a pongwang ole puxkya nao, chakzing pangnu thakma akhokya changpu.

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

WANGSHEMBU MWOT 7:30

“Zangpua anyi kaikya füima, Sinai haxnu faokha to pünsamua ma chuakya wünle makhange Mosa hato kaxtaimix lai.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

WANGSHEMBU MWOT 3:22

Chemthüikoxle Mosa-e thüile, ‘Chixe ku ahüikya ningle, hünzom a khünaknu kha angkya, Zang hünzom Jowanpa-e hünzom hato ajepa tuita ahüi angkya changle. Chixe apuakya pangnu kax ma hünzome lax angkya changle.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

JUHAN 19:15

Hwom akhongle thüi: “Chix langdao! Chix langdao! Chix a pünsak ma takle langdao!” Pilat-e hwom ang thüi: “Kue hünzom wanghom pünsak ma takle naxlang le hi?” Nguapa akhokyabue lan: “Kaisar boma kwom ang wanghom owachu müntüi!”

JUHAN 18:40

Ikoxle anaolechu akhongle hwome lan: “Ija khünak chichangle Barabba mix danhüi.” (Ija Barabba a mixkux mixka pa-lole ngokya khünak changkya).

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

MÜNCHUAK-TSAI 77:20

Mosa hia Arun nyi ma hünlit koxlaxle, Chunnyetpa tuita lailaile nange nang khünaknu lomzun.

1 SAMUEL 12:8

Chemtue Jakop hia hwom homkha Ijip nok to ka ilaxle Ijip noke hwom to afangle thompuix, hünzom putong hwome hwom to asun angkya hanpakma Jowanpa to nyakle akhong, ilaxle chixe imo wün ang Mosa hia Arun hokhi tsanle akat. Okhi makhange hwom a Ijip nok chak tokya sünle apüi ilaxle ija haxmik-longkho ma tingkop-haxzingle chang ang tom.

1 SAMUEL 10:27

Ikoxlechu laxli chitüikya khünakbue thüi: “Ija mixsüne kem ang chemfün amüile tsuaküi?” Hwome Sol ajao ilaxle chix hato hingho-najo chemchu chiapüi.

LAIPAO 33:2

Nang lom azüi ang kue kaxtaimix tuita ahüiüi, ilaxle kue Kanan nok, Amor nok, Hit nok, Peri nok, Hip nok ilaxlechu Jebu nok jwonle apaoüi.

LAIPAO 32:34

Athax nang chatlax, kue nang hama apua daokya chaxwan to hwom lomzunle paokox. Mong ma koplax, ku kaxtaimixe nang to nyele thomüi, ikoxle hwom ochax khoma kue hwom ang sikngün apong ang tom angkya hanpak nguile hüingole.”

LAIPAO 14:24

Anopningle swomsa ma Jowanpae thong lailaikya zangfwom hia wün makhange hwom to hu. Ija a abütle Ijip nok süpahibu ang chabüt-lasün ang tom.

LAIPAO 2:14

Ija mixsüne lan: “Nang a kukhi thakma apünkya mix ang tamchu kaxfün fa-angkya mix ang owae zing? Nange ku chuwüi Ijip sün langkya ningle langse tsupia?” Ifüima Mosa za ilaxle ajang: “Kue mix langkya noke atatdaoa.”

MARK 12:26

Ikoxlechu ziünkyabu bama, hwom anaole zoüi le, Mosa lai ma, fum ma wün chuakya khama akax ngokya khama, Zange chix ang: ‘Ku Abraham Zang, Isak Zang tamchu Jakop Zang changpu’, le thüikya kha hünzome ele ma ano hexnyi?