WANGSHEMBU MWOT 7:30 - OTSAO BAIBEL (BSI)

³⁰ “Zangpua anyi kaikya füima, Sinai haxnu faokha to pünsamua ma chuakya wünle makhange Mosa hato kaxtaimix lai.

WANGSHEMBU MWOT 7:30 ပူးပေါင်းရင်းမြစ်များ

WANGSHEMBU MWOT 7:35

“Mosa a Israel khünaknue chilaxle awütkya mix tuita changkya. Hwome atüi: ‘Kwom thakma apün ang tamchu kaxfün fa angkya nang owae achanglaxpu?’ Pünsa mwa angkya wünchua ma laikya kaxtaimixe fongle, apün ang tamchu khosün ang Zange tsanle apaokya mix a Mosa changkya.

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

WANGSHEMBU MWOT 7:32

‘Ku a hünzom putong Abraham, Isak, Jakop hwom Zang changpu.’ Mosa zale abün laxle hu ang chichwom le akhux.

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

LAIPAO 3:6

Zang-e akax: “Ku a hünpa hwom Zang, Abraham, Isak hia Jakop hwom Zang changle.” Ijama Mosa-e Zang thünza to hu ang za ilaxle chix thün khom.

WANGSHEMBU MWOT 7:17

“Zange Abraham ang tsaosaxkya angai angkya hanpakma hanpak ngangle hüikya zuma, Ijip nok to hwom khünak huak huanuma tsale hüi.

MARK 12:26

Ikoxlechu ziünkyabu bama, hwom anaole zoüi le, Mosa lai ma, fum ma wün chuakya khama akax ngokya khama, Zange chix ang: ‘Ku Abraham Zang, Isak Zang tamchu Jakop Zang changpu’, le thüikya kha hünzome ele ma ano hexnyi?

DANEL 3:27

Wangchasabu, Gowarnorbu, ifang angkya Gowarnorbu, ilaxle mama nguakax-wangkhobu pangwüi ibu wünkha to chishunkya mixsün azom to hu ang asox. Hwom mun shunkya man chitüi, hwom nyizabu chishun, ilaxle hwom tsangtsa ma wünzak mikya ngaxchu chitüi.

MÜNCHUAK-TSAI 66:12

Nange kwom zanpabue kwom to nak ang tom; wün hia tinu-mualyemkya akaile kwomle, ikoxlechu athaxpi nange kwom a chaza angkya chitüikya chifün hato apüidaoa.

TSAITONG-KAXTONG 4:20

Ikoxle hünzom a Ijip nok to lekya okham-wün chak tokya chix azünkya changle. Anyixkya lailaile chix khünaknu ang lax ang chixe ikhatokya alaipu.

LAIPAO 7:7

Okhie wanghompa füi ija zangwün apüi pongma Mosa zanglao 80 ilaxle Arun zanglao a 83 le changkya.

GALATIA 4:25

Arabia angkya Sinai haxnu tsyen to ajongle tüikya Hagar a Jerusalem hanpakchu changle; chemthüikoxle ija a masu masabu füi da ang ngokya tingsho tuita changle.

KAXHO MÜIKYA LUK 20:37

“Mosa-e fum ma wünchua le ngokya kha bama akax pongma Abraham Zang, Isak Zang üntoxle Jakop Zang le lünkyae zidaokyabu chatle zo angkya atsingsho le ahole.

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

1 WANGHOMBU 19:8

Elija zo ilaxle sax-lingle chang. Ija süt-e chix ang Otsao Haxnu Sinai alople nyix 40 aham angkya janzüi kox.

TSAITONG-KAXTONG 33:16

Hwom haxtok a amüimüie awangle tüi ang tomkox, Jowanpa müikya mohimane, Owae fum-mua tokhange zangwün laxpuix. Ibu mohiman a Jusep homjen hato naxnguikox, Chemthüikoxle hotüi-honao hwom khama chix a lompa changle.

WANGSHEMBU MWOT 7:31

Chixe ngünle laxkya zuma Mosa abüt, ilaxle süsoxlaxle hu angle chix ija pünsamua zui to hüi. Ijama chixe Jowanpa kaxzing atat: