WANGSHEMBU MWOT 7:10 - OTSAO BAIBEL (BSI)

¹⁰ Zange chix sikngün pangnu tokya khosünle apüi. Otue Jusep, Ijip wanghompa Farao pomtho ma ajong, Zange chix ang wanghompa mongzom amüi angkya zong hia hwon-je kox. Farao-e Jusep a chix wangting hia chix homkha ma apün angkya mix ang achang.

WANGSHEMBU MWOT 7:10 ပူးပေါင်းရင်းမြစ်များ

WANWÜNKAX 3:4

Nange ile jangmok thüiningle, Zang hia khünak pangwüi nang füi mongmüiüi.

2 TIMOTHI 4:18

Üntoxle Jowanpa-e ku chisumüikya pangnu chak tokya azün ilaxle zangkangting wangting to chixe ku sünle kopüi. Fuazangkya a othuithuima chix kux wüi naxchang! Amen.

WANWÜNKAX 2:6

Je-hwon koxkya a Jowanpa tix changle; tsing-wankya hia man-ngünkya chix makhange tix hüile.

PONGWANG LAIPEX 48:16

Pangnu zikmüt-mangkho tokya ku azünle thomkya kaxtaimixe hwom to mohimanhüi! Ku mün tamchu apu Abraham hia apa Isak hwom mün ija naonyi makhange ngo ang tomkox! Hwom ang su-sabu tamchu sixlibu huanuma pu-tsale chang ang tomkox!”

MÜNCHUAK-TSAI 22:24

Chixe chitüi-chinang wünhaile müntox, hwom sikngün to chihule müntox; chixe hwom hato tok münaho, asunhüile hwome chix sekya zuma chixe lanle.”

PONGWANG LAIPEX 42:6

Jusep a Ijip haxtok ma Gowarnor ang ngolaxle chaxwannu angkya khünaknu ang saxjun hangle ngokya. Chix hotüi-honao hwom hüilaxle chix chitong ma akhuxle shwom.

MIKNGÜN-OHÜN 7:14

“Alixachong, nange wüi awan, kue münawan hex”, le kue lan. Chixe ku ang thüi: “Ibu khünakbu a tüle tülekya zothup chak tokya azangle hüikyabu changle. Hwome hwom nyiza solaxle Chun Hosa aji füi tsekya ang achangle.

MÜNCHUAK-TSAI 37:40

Chixe hwom to fongle üntoxle hwom azünle; chichang-chizangkya khünakbu chak tokya chixe hwom khosünle kople, chemthüikoxle khosün lomle hwom chix hato nguile.

WANWÜNKAX 16:7

Chemtue nang Jowanpa mong amüile changüihex, nange nang zanpabu ma zuikhui ang achang ang thoüi.

JAKOP 5:11

Hwome adu tsuakkya khoma keme hwom ang mohimanbu le nyakle. Job-e adukya bamachu hünzome atatdaoa, tamchu oshukma Jowanpa-e chix to mohimankyachu hünzome awanpu. Chemthüikoxle Jowanpa a chingcha hia jajae awang le tüile.

PONGWANG LAIPEX 44:18

Judah-e Jusep hato soxlaxle thüi: “Alixachong, chingchalaxle kue nangfüi bakle wün ang tomhüi. Ile thüiündai le ku füi taxpuakünfa; nang hex, wanghom hex, tuitata wüi jangwüi a.

PONGWANG LAIPEX 39:21

Ikoxlechu Jusep füi Jowanpa tüile ngokya daile ikhatochu Zang-e chix to mohiman. Kun nyele ngokya alixachong tuita chix füi tüle müi.

1 WANGHOMBU 8:50

Hwom ochax hia nang zongto alün-aloxle thaikya ibu pangwüi alakkox, ilaxle hwom zanpabue hwom to chingcha füi hume ang tomkox.

JEREMIA 39:12

“Paokox ilaxle Jeremia lomle atak-hüi ilaxle chix to müile humele changhüi. Chix to chakmok-janlangle taxchang, ikoxle chix hanpakma chix mongtsukyakya mokle laxkox.”