WANGSHEMBU MWOT 6:1 - OTSAO BAIBEL (BSI)

¹ Ifüima aluile chingo homle, Jisu man tokyabu sütsa-sütsale tsale hüikoxle, Grik kax ma wünkya Jehudi khünak mixwün nguikyabu hia Jerusalem ma ngokya Jehudi khünakbu bama hyet lai. Grik kax ma wünkya Jehudi khünakbu thome, nyixfole ahankya hwom süntom ngun, hwom kha angkya zomnubu ang chifakya bama hwom e-ma chilaxkya kax ngai.

WANGSHEMBU MWOT 6:1 ပူးပေါင်းရင်းမြစ်များ

WANGSHEMBU MWOT 4:35

ilaxle wangshembu chak to kox; ilaxle wangshembue ibu ngun pangnusa ang wüi mathüt mapanpan ahanle kox.

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

JAKOP 5:9

Kutüi kunaohom, hünzome tata mowün ama le taxtüi, ikoxle Zange hünzom ang kaxfün fakya müntüiüi. Kaxfünpa ngai ang a chwonle tüile.

WANGSHEMBU MWOT 9:39

Achwonlaxle Pitar a hokhi füi tomle ngui. Otue chixe ikha aloppuix, hwome chix homdingkho angkya nui to dün. Zomnubu pangwüi chix akhople asox üntoxle hwome sopngale she ozün ma tüitanto Dorka-e zingkya nyipong hia kutbu chix hato aho.

WANGSHEMBU MWOT 6:7

Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

FILIPI 3:5

Ku pux füima hatdang süt tanto wüi kue khwonzüt zom kaipu. Ku a nuput ma wüi Israel khünak, Benjamin saxthom angkya, otsingtsing Ibri aji tsaotsao changle. Jehudi nok wanlom tokya olom tokhange hukoxlechu, ku a tuita farisi changle,

WANGSHEMBU MWOT 11:20

Üntoxle Saipras hia Sirini tokya mongong mixbu züizüi Antiok alople, mixnokbu hato Jisu Khrista bama Kaxho Müikya apukle pao.

WANGSHEMBU MWOT 9:41

Pitar hüi ilaxle she ajong ang asun. Ifüima chixe Jisu wangshembu tamchu zomnubuchu wüi womle nyak ilaxle she chixe hwom ang ozün ma achatle kox.

WANGSHEMBU MWOT 9:29

Grik kax ma wünkya Jehudi nokbu füi chix kax machu alat, ikoxlechu hwome chix mik amüt ang azong.

WANGSHEMBU MWOT 5:14

Ikoxlechu khünaknu, Jowanpa to ongkyabu thom, sheko-lüka pangnu, hwom othom khato sühak-sühak le hakle hüi.

WANGSHEMBU MWOT 4:4

Ikoxlechu ija kaxho atatkyabu khama ija to ongkyabu tüle lai; üntoxle ongkya khünakbu mixhuak hajat aga tukux ang achangle tsa.

IBRI 13:1

Khristanbu ningle tata to künkak mongkün füi ngolax.

2 KORIN 11:22

Hwom Ibri khünakbu changpuix nyi? Kuchu wüi Ibri khünak changle. Hwom Israel khünak changpuix nyi? Kuchu wüi changle. Hwom Abraham sixli changpuix nyi? Kuchu wüi changle.

WANGSHEMBU MWOT 2:45

Hwome ma tuina hia ma ma atüitüi hang ilaxle ngun nok ang wüi mathüt mapanpan le ahanle kox.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

JEREMIA 30:19

Ikhama ngokya khünakbue achuakle tsai ngaoüi; hwom a mongmüile akhongüi. Ku chingcha makhange hwom mixhuak tsale hüiüi; ku mohimane hwom chuak-chongle changüi.

ISAIA 27:6

Hüi angkya hanpak ma Israel khünakbu, opang Jakop sixlibu changpuix, hwome pün tuita ningle tsingjule naxchang, ilaxle ibu asok laxle puale naxchang. Chaxwan tok a ibu pünziak füi ule naxchang.

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

MÜNCHUAK-TSAI 72:16

Haxtok ma saxziak okhonguile naxtüikox; haxhuabu a sütli-linglie awangle naxtüikox, Lebanon haxtok angkya pünziak-laimobu ninglea. Tingnubu khünak-mixsae awangle naxtüikox, kothofa to fume awangkya ninglea.

JAKOP 4:5

“Zange kem ma ngo ang tomkya chasa to Zange tüle akhüixle”, le thüikya Otsao Lai kax kaxbi ngaoba le taxlax.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

1 TIMOTHI 5:9

Zomnu tuita zangpua puzom mangui tanto owachu zomnu khato eangkya münchang. Ito bole, she a tamwüi aju-asomkya mix chang angkya oli,

1 KORIN 10:10

Hwom züizüie hwom mongma ahole za-aman üntoxle hwom langkya kaxtaimix chak to max; kem a ile chichangüi.

WANGSHEMBU MWOT 5:28

Chixe thüi: “Kwome ija mixsün mün ma anwot-ano le taxchango le kaxkox füima, hulax, hünkhie chem mokpuix! Hünkhie anwot-anokyae Jerusalem okhui apong daoa; ilaxle chix langkya bama zangwün hünzome kwom khangkho ma adütse le texkya chang!”

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

MÜNCHUAK-TSAI 110:3

Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.

JOB LAIPEX 31:16

Kue zasabu to münfongpule otuechu mün-angam; kue zomnubu thajao wünhai ma ngo ang matom.

JOB LAIPEX 29:13

Chifün jao chitüile ngokya khünakbue ku achuak; zomnubu kho awa angkya to kue asun.

TSAITONG-KAXTONG 26:12

“Zanglao azom foto bünfong, hünzom saxnua bün kha angkya nua tuipong, Liwi hwom ang ilaxle mixnok hia khaxsabu ang tamchu zomnubu ang laxkox. Ile chang koxle, pangnok-jating towüi hwomechu masütsüt atakle ngoüi. Chemtue hünzome ija mokle tsuak puix,

WANGSHEMBU MWOT 6:2

Ikoxle wangshembu bün anyie Jisu wangshembu othom pangnu wüi tomle se ilaxle thüi: “Ngun-syen paktik üima kwome Zang kax apuk angkya to mong chikoxle tox angkya olom münchang.

WANGSHEMBU MWOT 11:26

Chixe Sol atakkya zuma, chixe chix Antiok to laxlaxle apaüi. Zangpua atale hokhie tomtomle müimüithom khünakbu füi apong ilaxle othom hama anwot-ano. Jisu füito azuikyabu ang “Khristan” le Antiok ma nyakle wang.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

ROM NOK HATO ZAKYA POL LAIZA 12:7

Mok angkya olom ma jangchang, keme mok angkya wüi. Apua-ano angkya olom ma jangchang keme apua-ano angkya wüi changle.

1 TIMOTHI 5:3

Otsing tomta ma matata ngokya zomnubu to achuak achenle hukox.