WANGSHEMBU MWOT 5:42 - OTSAO BAIBEL (BSI)

⁴² Ilaxle nyixfole Zangshwom-Hom hia khünak homkhabu to hwome Messaiah, tuita Jisu Khrista bama Kaxho Müikya anwot-anole apuk-apua.

WANGSHEMBU MWOT 5:42 ပူးပေါင်းရင်းမြစ်များ

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

WANGSHEMBU MWOT 20:20

Hünzom hato noktu ma hia kako ma apuk apuale tamchu anwot-ano le hüipongma hünzom to fongse a lükya olom ma kue otuechu hulanle chitoxkya hünzome awan ngopu.

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

WANGSHEMBU MWOT 8:35

Filip-e akax ang sütle Otsao Lai ofong ija makhange owang wanglaxle chix hama Jisu Khrista bama Kaxho Müikya apua.

KAXHO MÜIKYA LUK 21:37

Nyixfole chixe Zangshwom-Hom ma hwon-anole han ahom üntoxle jafole chix Olip le nyak kya haxhua to zang angai.

WANGSHEMBU MWOT 17:3

üntoxle Messaiah a sikngün apong angkya jao ilaxlechu anaole azangle zo angkya jao le apuale awan ang tom ilaxle Otsao Lai kax ma tüikya ile otsingtsing changpu le aho. Pol-e thüi: “Kue hünzom hama apua ngokya Jisu a ija Messaiah changle.”

WANGSHEMBU MWOT 9:20

Chix tangthole sinagok to ngui ilaxle Jisu bama hwon-ano ang süt. Chixe thüi: “Jisu ang Zang Hosa changle.”

WANGSHEMBU MWOT 4:29

Idaile athax, O Jowanpa, hwome kwom to aza-anakya awan kop hüi üntoxle kwom nang dabu ang chem zazyenkya chitüi le nang kaxho apuk angkya mongchyen koxhüi.

GALATIA 6:14

Ikoxlechu ku hanpakma pi Khrista pünsak bama tix tsaichong-kaxbongüi; chemthüikoxle chix pünsak makhange chaxwannu ku zongto omang, ilaxle chaxwannu zongto ku omang.

1 KORIN 2:2

Ipue ku hünzom füi ngopongma, Jisu Khrista üntoxle tamnüilechu chix pünsak ma zikya boma mama pangnu alakle awüt angkya ku mongto texdaoa.

WANGSHEMBU MWOT 17:18

Züizüi Epikurian üntoxle Stoik le nyakkya nwotmixbuechu chix füi kax ma alan. Züizüie thüi: “Chuja zaman mixe chem wünse le azongkya changkoxpu!” Mamabue thüi: “Chixe mixnok zangbu mo wünle ngokya ningle tüile.” Pol-e, Jisu üntoxle chix chatle azangle zokya mo wünle ngokoxle hwome ija akax.

WANGSHEMBU MWOT 11:20

Üntoxle Saipras hia Sirini tokya mongong mixbu züizüi Antiok alople, mixnokbu hato Jisu Khrista bama Kaxho Müikya apukle pao.

WANGSHEMBU MWOT 8:5

Filip Samaria angkya chongkya tingnu to ngui ilaxle ikhato khünaknu hama Messaiah bama apuk-apua.

WANGSHEMBU MWOT 4:20

Chemthüikoxle kwome ngündaokya hia atat daokya mo chiwün homle zak ang müntho.”

KAXHO MÜIKYA LUK 22:53

Nyixfole ku Zangshwom-Hom ma hünzom füi tomle ngopu, ikoxle ijaponge hünzome ku chikop. Ikoxle zangnak tsakzonge apünle ngoponge, ija hünzom hanpak changkoxpu.”

2 SAMUEL 6:22

ilaxle kue sisile ku a ongat-ongüi ningle ahao angkya changpu. Nange ku ang chem changkya le thütkoxlax, ikoxlechu shekobue ku to tüle achuak-achenle changüi!”

WANGSHEMBU MWOT 13:32

Ilaxle kwom ikhato hünzom hato Kaxho Müikya apuk ang nguipu.

GALATIA 1:16

Üntoxle mixnokbu khato chix bama Kaxho Müikya kue apuk-apua angkya hanpakma otue chixe ku hato Hosa ngaile aho ang mongtex azut tsuaklaxpuix, izuma ku zünkax-saikax lom ang owa hatochu chipao,