WANGSHEMBU MWOT 5:41 - OTSAO BAIBEL (BSI)

⁴¹ Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

WANGSHEMBU MWOT 5:41 ပူးပေါင်းရင်းမြစ်များ

JAKOP 1:2

Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

KAXHO MÜIKYA LUK 6:22

“Otue Khünak Hosa khoma khünake hünzom thua anuüihex, chilaxle awütüihex, adaüihex, kaxma lili akaxüihex! izuma hünzom mohiman.

FILIPI 1:29

Tamchu chix to ongkya makhange tata le chichangle chix hanpakma sikngün apongkya tokhangechu wüi, hünzom ang Khrista thotha angkya shomüi fadaoa.

JUHAN 15:21

Ikoxlechu hünzom a ku kux changkya khoma, hwome hünzom to ibu pangwüi mokpu. Chemthüikoxle hwome ku tsanle ajokya mix chitsing.

2 KORIN 12:10

Idaile Khrista khoma sikngün angkya to ku mongmüipu. Naxsho naxnailax chichangba naxajao naxahailax chichangba laxli ma khütlechu naxchitüi lax; zothuple hia sikangün lechu naxchangkox; chemthüikoxle otue kue ma tsakzong komle amütüihex, izuma Khrista tsakzong kuma tüiüi.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

ROM NOK HATO ZAKYA POL LAIZA 5:3

Ilaxle sikngün pongmachu kwom mongmüipu, chemthüikoxle sikngünkyae adu angkya olom sümüile awan ang tsuakpu;

IBRI 10:34

Da ang kople thomkyabu sikngün hünzome ahanle lax, üntoxle hünzom mwot-kat komle azik-amüt pongma hünzome pwonla atungle adule hüi, chemthüikoxle oshuk chitüi le ngo angkya oli athaxchu hünzome koplaxle tüile le hünzome awan.

ISAIA 65:14

Hwome mongmüi laxle tsai ngaoüi, ikoxlechu hünzom a mong makya füi sopüi.

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

WANGSHEMBU MWOT 5:21

Wangshem nyie ija kax ma lax, ilaxle swomsae wüi Zangshwom-Hom to donglaxle anwot-ano ang süt. Nguakho hia chix füikyabue Jehudi nok mixpa tüichong pangnu nguawang katzua lax nyakle asox; ilaxle hwome wangshem nyi hwom hato apüi angkya hanpakma kople thomkya kun nyetmixbu hato kaxkox.

WANGSHEMBU MWOT 21:13

Ikoxlechu Pol-e lan: “Büthüipu! Hünzome ile sople ku mong mix ahikle hi? Jerusalem ma khak angkya ning chem, Jowanpa Jisu kuxma ku zi angkya ngaxchu achwonle tüile.”

3 JUHAN 1:7

Chemthüikoxle hwom a chiongkyabu angkya fongkya chemchu chilax homtoxle Khrista thotha angkya mwot to achexle paokyabu changle.