WANGSHEMBU MWOT 5:31 - OTSAO BAIBEL (BSI)

³¹ Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

WANGSHEMBU MWOT 5:31 ပူးပေါင်းရင်းမြစ်များ

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

WANGSHEMBU MWOT 11:18

Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

KAXHO MÜIKYA LUK 2:11

Anyix kha Dawid tingsho ma Jowanpa Khrista hünzom khosünpa puxle tüile!

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

1 JUHAN 4:14

Hopae Hosa chaxwannu to khosünpa ang ajokya changpu le kwome ngün ang kop ilaxle mix hama apuapu.

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

WANGSHEMBU MWOT 3:15

Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

JUD LAIZA 1:25

thüikoxle Zang tuita kem khosünpa ang, kem Jowanpa Jisu Khrista makhange, fuazangkya, achuak achenkya, tsakzong üntoxle apün-adakya, ami kaitokhange, athaxchu üntoxlechu oshuk tamchitüitox le naxchang! Amen.

2 PITAR 1:11

Chemthüikoxle iningle tix kem Jowanpa tamchu khosünpa Jisu Khrista oshuk chitüikya wangting to hünzom ngui ang tomüi.

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

MATHI 1:21

She-e sasün tuita puxüi; nange chix ang Jisu le amün angkya changle; chemthüikoxle chixe ma khünaknu hwom ochax tokya sünüi.”

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

1 PITAR 3:22

Zangkangting to donglaxle Zang tsaxchi kao ma thung üntoxle owae kaxtaimixbu tamchu zangkangting tsakzong thakma apün-adale ngopuix, Khrista chix chatle azangle zokya tokhange ijae tsuakle.

KOLOSI 1:14

chix a kem dan-pankya mix, thüikoxle kem ochaxbu thailak koxkya mix changpu.

FILIPI 3:20

Bachutix, kwom a zangkangting nokpu, ilaxle zangkangting tokya Jowanpa Jisu Khrista, kem khosünpa ngui angkya bama mongsungkya füi tanle ngowüi.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

2 KORIN 2:10

Otue hünzome owawa ang chixe mokdaokya ochax thailak falaxpuix, kuechu chix ang thailak fapu. Changle, kue thailak fa angkya oli chemchem jangtüi thüiba, hünzom lap kuxmale kue ija Khrista thüntho ma mokpu.

WANGSHEMBU MWOT 13:23

Chix kaxtsao ningle Zange Israel khosün mix ang achang angkya, Dawid homjen makhange hüi angkya mix a ija Jisu changkya.

WANGSHEMBU MWOT 4:11

Jisu a Otsao Lai ma ile akax ngokya mix tuita changle: ‘Zingpabue chilaxle awütkya long, tuita homkom-longnu ang achangle hüi.’

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

MARK 4:12

ikhoma; “Hwome tüle hukoxchu chitsingüi; tüle apakoxchu chiawan tsuaküi; Ile chichang thüikoxle, hwom mong Zang hato chatse; chixe hwom ang thailak koxkya tüise.”

MARK 2:10

Jangchangba, chaxwannu ma Khünak Hosa ma ochax thailak kox ang kya zong tüile le hünzom ang awan ang tomüi.

DANEL 9:25

Ija mong ma koplax ilaxle tsinglax: Zang-e Jerusalem tamchatle azünle zing angkya kaxtom koxkya füima Zang lompa nguikya kople, othom anüt lükya thom anüt kaile leüi. Jerusalem a tingjang lomnu hia shingmongkya zanhunuibu füi zingüi, ilaxle ija a othom anüt lükya zanglao puzom anyi ajongle ngoüi, ikoxle ija a thama tuk-kha changüi.

EZEKEL 37:25

Kue ku dapa Jakop ang koxkya haxtok ma hwom ngoüi, ija haxtok a hwom putong hwom ngole hüikya haxtok changle. Hwom ikhato othuithuima ngoüi, ija ningle hwom susabu hia hwomsix-hwomli pangwüi ile ngole hüiüi. Ku dapa Dawid lailaikya wanghompa tuitae jento hwom to apünle-awangle ngoüi.

EZEKEL 34:24

Jowanpa Khüthak Zang, ku a hwom Zang ang ngoüi, ilaxle ku dapa Dawid lailaikya wanghompa a hwom to apün-awangkya mix ang ngoüi. Ija kax kue akaxdaoa.

EZEKEL 17:24

Haxtok angkya pün pangwüie ku a Jowanpa changpule tikle laxüi. Tsuathakya pünnubu kue dak ilaxle pünsabu tsuale tsong ang tom. Pün ohingbu kue zile zan ang tom ilaxle pünzikbu ohing ang achang ang tom. Jowanpa kue ija akaxdaoa. Kue moküihex-ole akax daokya kue mok angkya changpu.”

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

ISAIA 45:21

Ngui laxle khwa ma hünzom tsetwon-zangwün apüilax; hwome tata ma tikshole naxlaxkox. Chempangle changüihex ija kaiwüi owae ajele thom? Chix khünaknu khosünkya Zang, ija Jowanpa ku münchang hexmi? Iboma mama baozang owachu müntüi.

ISAIA 43:11

“Jowanpa a ku tata wüi, hünzom khosün ang tho angkya ku tata wüi.

ISAIA 43:3

Chemthüikoxle Jowanpa hünzom Zang ku a, Israel nok otsao Zang, hünzom khosünkya mix changle. Hünzom khangkho sün angkya hanpakma kue Ijip nok dantoxdaoa; Kue Etheopia ilaxle Seba dantoxüi.

MÜNCHUAK-TSAI 89:24

Kue chix to mongkünüi ilaxle chix to kax ma laxle ngoüi; jento kue chixe lüt ang tomüi.

MÜNCHUAK-TSAI 89:19

Mikngün-ohün ma kaitanto wüi nange chialekya nang dapa füi akax: “Kue zangle wünkya süpahi to fongdaoa; kue khünaknu kha angkya kamle kopkya mix ang tüntong koxdaoa.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

2 PITAR 2:20

Ama angkya chaxwannu zong chak tokya, kem Jowanpa tamchu khosünpa Jisu Khrista tsingwankya makhange khünak paole azang ang tsuak; üntoxle ifüima ibue hwom chatle kop ilaxle hwom to lütle jangchangba, iningkya khünakbu oshuk, ami owang pongkya füi ngaxchu onüi ziama ang changle tüiüi.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

TITA 2:10

Itülüi, hwome hwom a othuithuima müile tamchu mongongle tüipule aho angkya changle, tamchu hwome mokkya pangnu lom ma khosünpa kem Zang bama anwot-anokya ang münchong apüikya lima ija ile moküi.

TITA 1:4

Oja tomkux mongong ma kusa tsingtsing hex, Tita, chix hato kue ija lai zapu. Hopa Zang hia kem khosünpa Khrista Jisu-e nang ang chingcha mongsom naxfa.

JUHAN 4:42

Ilaxle hwome ija mixcha ang thüi: “Athax kwomechu ongpu, nang kax khomale chichangle kwom tomtatae chix zangwün atat ang kopkya khoma, athaxpi chix a otsingtsing chaxwannu khosünpa changpu le kwome awan ang kople.”