WANGSHEMBU MWOT 5:11 - OTSAO BAIBEL (BSI)

¹¹ Müimüithom pangnu ilaxle mamabuechu wüi, opange ija zing atat laxpuix huanuma zale khomtsi.

WANGSHEMBU MWOT 5:11 ပူးပေါင်းရင်းမြစ်များ

WANGSHEMBU MWOT 5:5

Ija kax atat tsuakkya füi tomle Anania nguakle zi; ilaxle ija ngünkya hia atatkyabu huanuma za.

IBRI 4:1

Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.

WANGSHEMBU MWOT 19:17

Efisia ma ngokya Jehudi khünakbu hia mixnok pangnue wüi ija zing atat ang kop; hwom pangnu wüi za ilaxle Jowanpa Jisu mün onüi towüi achuak achenle chang.

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

MÜNCHUAK-TSAI 89:7

Otsao nguawangbu tusox ma nang thua zapu; hwome pangwüi nang ngünlaxle abütle ajongpu.

IBRI 12:28

Idaile Zang ang münchong fahax, chemthüikoxle sile alox ang chithokya Wangting keme pongle koppu. Chixe pongle kopkya lima tamchu chix chathua zakya füi keme Zang shwomhax;

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

WANGSHEMBU MWOT 2:43

Khünak nok wüi abütle wangshembu makhange khomtsikya hia ohünotün mwotbu mok.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.