WANGSHEMBU MWOT 4:36 - OTSAO BAIBEL (BSI)

³⁶ Ilaxle ikhama Jusep le amünkya Saipras shuazo to puxkya liwi sün tuita tüikya, owa ang wangshembue Barnaba (thüikoxle zong adünkya mix) le nyak;

WANGSHEMBU MWOT 4:36 ပူးပေါင်းရင်းမြစ်များ

GALATIA 2:13

Mama Jehudi nok tüinaobuechu Pitar füi tomlaxle koshwot mwot mok ang süt; ilaxle Barnaba-e to apüile hwom koshwot mwot khato mole le.

GALATIA 2:9

Jakop, Pitar üntoxle Juhan, hwom opang lompabu ningle ngopuix, hwome, Zang tokhange ku ang ija mwot koxle thomkya tsingle lax; ikhoma, kwom pangnu wüi üitho tuita ang achangle aho ang hwome Barnaba kukhi füi chak apong. Barnaba kukhie mixnokbu khato ilaxle hwome a Jehudi nokbu khato le Jowanpa mwottho ma süt angkya kwom mong notom.

GALATIA 2:1

Zangbün ali füima tix, Tita koplaxle Barnaba kukhi Jerusalem to tamchatle nguipu.

WANGSHEMBU MWOT 15:39

Ikhoma hokhi hidaole aling ala, ilaxle tata füi afan. Barnaba a Juhan Mark koplaxle Saipras to khua ma chat;

1 KORIN 9:6

Chichangba mokle ngun achaklaxo lükya a Barnaba kukhi lanwüi hexnyi?

WANGSHEMBU MWOT 21:16

Kaisaria angkya Jisu wangshem züita kwom füi tomle ka, üntoxle kwom wünthong ang lax angkya kha Nason hom to kwom apüi. Nason a ami pongto khange wüi Jisu wangshem tuita changkya.

WANGSHEMBU MWOT 15:37

Barnaba-e hokhi füito Mark le nyakkya Juhan chuwüi kopsele tsu.

WANGSHEMBU MWOT 12:25

Barnaba hia Sol nyi hokhi ang fakya mwot tsuak ilaxle hokhi füito Mark le nyakkya Juhan koplaxle Jerusalem to chat.

WANGSHEMBU MWOT 11:30

Hwome ile mok ilaxle ija ngun Barnaba hia Sol hokhi makhange Jerusalem müimüithom angkya mixpa tüichongbu hato akat.

WANGSHEMBU MWOT 15:12

Barnaba hia Pol nyie, hokhi makhange mixnokbu khato khomtsikya hia ohünotün mwotbu mok ang tomkya Zang mwottho kaxwün wangkya atatkya zuma noknusa wüi dangle hokhi zangwün to natha le apa.

WANGSHEMBU MWOT 15:2

Pol hia Barnaba nyie hwom füi khünzule kax ma alat üntoxle Ija bama ala; idaile Pol hia Barnaba nyi füi tomle Antiok angkyachu khünak züita zünle koplaxle wangshembu hia tüichong mixmüibu füi apongle zangwün azut ang Jerusalem to pao angkya oli changle le zangwün.

WANGSHEMBU MWOT 9:27

Iponge Barnaba chix to fong ang hüi ilaxle chix wangshembu hato apüi. Sol-e Damaska panja ma Jowanpa apongkya üntoxle Jowanpa-e chix füi akaxkyabu pangwüi chixe hwom hama thutle wün. Damaska to Sol-e mongchyen füi Jisu mün ma hwon-anokya bamachu wüi chixe hwom hama wün.

MARK 3:17

Zebedi sasün Jakop hia Juhan nyi (Jisu-e hokhi ang zangdung khünak le nyak);

WANGSHEMBU MWOT 13:1

Antiok angkya onok müimüithom khama züizüi ajebu tamchu nwot-mixbu tüikya. Hwom a: Barnaba, Simeon (mixnak le nyakkya), Lusia (Sirini tokya), Manahem (chongwangpa Herod füi tomle chongkya mix) üntoxle Sol.

WANGSHEMBU MWOT 13:2

Hwome Jowanpa thothale üntoxle chisax chilingle Zang shwom üntoxle jople ngoponge, Otsao Chasae hwom füi akax: “Oja mwot hanpakmale kue hokhi nyak daopuix, ija mwot mok ang Barnaba hia Sol nyi süikox.”

WANGSHEMBU MWOT 13:4

Ifüima Barnaba hia Sol nyie, Otsao Chasae tsankya ningle Silisia to ju ilaxle imakhange khua ma kale Saipras shuazo to ngui.

WANGSHEMBU MWOT 13:15

Mosa wanlom angkya hia ajebu lai angkya e üntoxle sinagok angkya alixachonge hokhi hato kaxhole thüi: “tüinao nyi, hünkhi ma zong adün angkya kax chemchem jangtüi thüiningle kwome, khünaknu füi hünkhi tam namakaxbae le textüia.”

WANGSHEMBU MWOT 21:3

Saipras atale ngünkya khato kwom ngui, üntoxle ija chaknong ma toxlaxle shuathongchi fole Siria to apüi, üntoxle khua angkya hün Tair ma athai angkya daile kwom ikhama thai.

WANGSHEMBU MWOT 27:4

Kwom ikha angkya achex ilaxle zangwine kwom füi asaole jepkya khoma, winjep chitüikyachi, Saipras shuazo zongma handün chikao makhange kwomle.

1 KORIN 14:3

Ikoxle Zang kax a apuk-apuakya mixe, hwom to fong ang, tamchu hwom zong adün ang, khünaknu füi akaxpu.

KOLOSI 4:10

Aristarkas, owa ku füi tomle kun ma tüipuix, chixe hünzom hato salam akatle, ilailaile Barnaba honao Mark-echu wüi salam akatle. (Chix hünzom hato namhüi thünba, Mark wünpwonle pongkop hüio le adangle fakya kax hünzome ami wüi kople thomdaoa).