WANGSHEMBU MWOT 4:34 - OTSAO BAIBEL (BSI)

³⁴ Hwom othom khama tuita ngaxchu tuitaikya mix chitüi. Haxtok hia hom-pung tüikyabue ibu hang, ilaxle hangkya ma kopkya ngun apüi;

WANGSHEMBU MWOT 4:34 ပူးပေါင်းရင်းမြစ်များ

WANGSHEMBU MWOT 2:45

Hwome ma tuina hia ma ma atüitüi hang ilaxle ngun nok ang wüi mathüt mapanpan le ahanle kox.

KAXHO MÜIKYA LUK 16:9

Chatlechu wüi Jisu-e akaxle thüi: “Ijapue kue hünzom ang thüipu: Chaxwannu ngunsyen füi zuikop manlax, ikoxle otue ija ashuküihex, oshuk chitüikya hom to Zange nang pongle kopüi.

KAXHO MÜIKYA LUK 12:33

Hünzome ma ma atüitüi abakle hang laxle ngun ma zasabu ang laxkox. Hünzom hanpakma chibui angkya nyitsong lomlax, ilaxle chiashuk angkya, ahuxle chipao angkya üntoxle syake chisi angkya Zangkangting to oshuk chitüikya hünzom tuina athünlax.

KAXHO MÜIKYA LUK 22:35

Ifüima Jisu-e wangshembu ma atüi: “Kue hünzom okhüt, nyitsong, hia chisoxbu chikop homle apaokya tuke hünzom tütalimachu tuitai hexcha?” Hwome lan: “Litamachu kwom tuitaikya kha müntüi.”

MARK 10:21

Jisu-e chix to mongkün füi tangthole hu ilaxle chix ang thüi: “Nang oli tuitae ma angui; paolax, nang ma atüitüi pangnu hanglax, ilaxle chitüi chinangkyabu ang ahanle laxkox. Ile jangchangba nang zangkangting to tüle ahak aluale tüiüi; ilaxle oman, ku füito azuilax.”

MATHI 19:21

Jisu-e chix ang thüi: “Nang okhonguise jangtsu, paolax, nang ma atüitüi komle hang laxle ngun chitüi chinangbu ang ahanle laxkox, ikoxle zangkangting to nang hakpa ang achangüi; ilaxle oman, ku füito hüilax.”

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

1 TIMOTHI 6:19

Ilailaile tix hwome athax füichima ma hanpakma oja oshing mongkya chifün ang changüihex, ija tuina athün ang thoüi. Üntoxle hwome tsün oja otsingtsing tsün hex, ija kop ang thoüi.

WANGSHEMBU MWOT 4:37

chixe chix haxtok hang laxle kopkya ngun apüile wangshembu chak to kox.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

1 THESALONIKA 4:12

Iningle changkya tokhange hünzome chiongkya khoma hünzome chathua zakya ataküi, tamchu nange laxse lükya mwot-kat bama nange owawa to onglaxle ngo angkya münchang.

2 KORIN 8:14

ikoxlechu anyixkha hünzom ma okhonguile tüikya daile, chitüi chinangkyabu to fong angkya hünzom zongto asule tüile. Ilaxle hünzom ma chitüi chinang ikoxle hwom ma a tüile asu, iningle hwome hünzom to fong angkya changle. Ija a tata füi tomwüi azutle tomwüi atom ahanle saxlaxkya müikya olom changle.