WANGSHEMBU MWOT 4:30 - OTSAO BAIBEL (BSI)

³⁰ Khünaknu kak-lak amüi ang nang chak thuikox, ilaxle nange Messaiah ang zingkya Jisu mün ma khomtsikya hia ohünotün mwotbu mok ang tomhüi.”

WANGSHEMBU MWOT 4:30 ပူးပေါင်းရင်းမြစ်များ

WANGSHEMBU MWOT 4:27

Ilailaile Hünsa Jisu, owa nange Messaiah ang achang, chix zan to ka ang Herod hia Pontias Pilat nyi mixnokbu hia Israel khünakbu füi tomlaxle ija tingnu ma asox.

WANGSHEMBU MWOT 3:6

Pitar-e chix ang thüi: “Ku ma ngun ojao müntüi, ikoxlechu ku ma chem tüipuix ija kue nang ang fapu: Nazareth nok Jisu mün ma kue nang ajong üntoxle aham ang tompu!”

JEREMIA 15:15

Ifüima kue akax: “Jowanpa, nange awanpu. Ku texle ataklax ilaxle ku to fonglax. Ku zothuple changdaokyabu to kue olüix khomle chang ang tomhüi. Hwome ku lang ang tho angkya kuxmale nange hwom shanle taxchang. Kue zakkopkya a nang mün khoma kopkya changpule texle atak-hüi.

WANGSHEMBU MWOT 6:8

Stefen, Zange okhonguile mohimankya üntoxle chasa zong chongkya füikya mixsün tuita changkya. Chixe khünaknu khato khomtsikya hia ohünotün mwotbu mokle aho.

WANGSHEMBU MWOT 5:12

Khünakbue ngünle hwom khama khomtsikya hia ohünotün mwotbu wangshembue mokle aho. Solomon nya-o ma mongong mixbu müitom tuita ang asox.

WANGSHEMBU MWOT 3:16

Ija mixsün ang aham angkya zong a chix mün ma koxkya changle. Hünzome chem ngün üntoxle chem awanlaxpuix, ija a chix mün to ongkya makhange tsuakkya changle; hünzom pangnu thüntho ma chix ile amüi ang tomkya Jisu to mongongkya makhange changle.

WANGSHEMBU MWOT 2:43

Khünak nok wüi abütle wangshembu makhange khomtsikya hia ohünotün mwotbu mok.

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

TSAITONG-KAXTONG 4:34

Jowanpa hünzom Zang-e hünzom hanpakma Ijip nok to mokkya lailaile baozang owawae mama jat-li chak tokya alailaxle khünakbu chix khünak ang zingle dan ang mongchongkya baozang tütüichahex? Hünzom mikngün ma chixe chix tsak-zong chongkya twon; chixe kaknu-laknu hia zanhok alai, ohünotün mwotbu mok, ilaxle khompua-atsikle abütkyabu ngai ang tom.

LAIPAO 6:6

Ija daile Israel khünaknu ang, kue hwom ang thüile le thüikox, ‘Ku a Jowanpa changpu. Hünzom Ijip nok da ang achangle ngokya chak tokya kue danüi. Kue tüle tsak-zong füikya ku chak makhange hwom hato khomtsikya sikngün apüiüi ilaxle kue hünzom khosünüi.

WANGSHEMBU MWOT 4:10

hünzome pünsak ma takle langkya mix owa Zange chatle azangle zo ang tompuix, ija Nazareth nok Jisu mün ma tüikya zong makhange owüiole müilaxle ija mixsün hünzom thüntho ma ajong ang tsuakpu, le hünzom pangnue tamchu Israel khünak noke wüi awan angkya oli changle.

JUHAN 4:48

Ikoxle Jisu-e chix ang thüi: “Hünzome münwan hia ohünotün mwot chingün thüiningle otuechu ong angkya fang münchang.”

WANGSHEMBU MWOT 3:13

Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao.