WANGSHEMBU MWOT 4:29 - OTSAO BAIBEL (BSI)

²⁹ Idaile athax, O Jowanpa, hwome kwom to aza-anakya awan kop hüi üntoxle kwom nang dabu ang chem zazyenkya chitüi le nang kaxho apuk angkya mongchyen koxhüi.

WANGSHEMBU MWOT 4:29 ပူးပေါင်းရင်းမြစ်များ

WANGSHEMBU MWOT 4:13

Pitar hia Juhan nyi mongchongkya ngünlaxle hokhi a man-ngünkya chemchu chitüikya nyi le awanlaxle nguawangbu pangwüi abüt. Okhi a Jisu füi ngokya nyi changpu le hwome tsingle lax.

WANGSHEMBU MWOT 14:3

Pol hia Barnaba nyi ikhato hatdang obibi hex nui. Okhie owa thuachu chizale Jowanpa Jisu bama zangwün. Jowanpa-e kaxkhi ang khomtsikya hia ohünotün mwotbu mok angkya zong koxlaxle hokhie chix chingcha bama zangwünkya otsingtsing changpu le aho.

FILIPI 1:14

Üntoxle ku kun to ngokya makhange Khrista ma tüi-hi-naohom süchong tukux ang Jowanpa hanpakma mongao ojao chitüikya mongong fale, ikhoma kaxho apukkya zuma hwom ang mong süchong süchongle chongle.

WANGSHEMBU MWOT 4:31

Otue hwome zangjop ashukpuix, hwom asoxle ngokya kha sile alox. Hwom pangnu wüi Otsao Chasae awang ilaxle zazyenkya chemchu chitüi le Zang kaxho apuk ang süt.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

WANGSHEMBU MWOT 28:31

Ile mongchong laxle tamchu owaechu chipoxle, chixe Zang Wangting bama hwon-ano üntoxle Jowanpa Jisu Khrista bama apua.

WANGSHEMBU MWOT 19:8

Pol sinagok to dong, ilaxle lyetkua azom ojao chizale khünaknu hama zangwün ilaxle Zang Wangting bama chix akaxle ngokya bama otsingtsing changpu le chixe kaxkhi fa.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 9:27

Iponge Barnaba chix to fong ang hüi ilaxle chix wangshembu hato apüi. Sol-e Damaska panja ma Jowanpa apongkya üntoxle Jowanpa-e chix füi akaxkyabu pangwüi chixe hwom hama thutle wün. Damaska to Sol-e mongchyen füi Jisu mün ma hwon-anokya bamachu wüi chixe hwom hama wün.

1 THESALONIKA 2:2

Kwom Thesalonika to hünzom hato nguiüi thoto Filipi ma kwom to chisumüile tamchu ahai le chemle hwondao laxpuix, ija hünzome awan ngopu. Ile kwom zan to kale mokkyabu tüihu koxlechu, chix makhange hüikya Kaxho Müikya hünzom hama wün ang kwom Zange kwom ang mongchyen fapu.

WANGSHEMBU MWOT 4:21

Nguawangbue tamtaile aza ilaxle hokhi danle apao. Hwome hokhi sikangünkya “ikhoma changpu”, le thüi angkya olom chiatak, chemthüikoxle ile changkya ngünlaxle khünaknue Zang mün achuakle ngo.

DANEL 9:18

Kwom to apahüi, O Zang; kwom to huhüi ilaxle kwom sikngünle ngokya ilaxle nang mün lünle ngokya tingnu thama ngünle laxhüi. Kwome nang to joppu, kwome sukya mwot mokdaoale münchang ikoxle nang a chingchae awangle tüikya khokho ma.

EZEKEL 2:6

“Ikoxlechu, ziün angkya khünak nang, hwome tütale wüi akaxkoxle chu hwom thua za angkya oli münchang. Hwome nang ajao-ahaile changüi; ija a tuita twonsi zyem khato ozün ma ngokya ningle changüi. Ikoxlechu, alün-aloxle tüikya khünak ibu thua tamchu hwom zangwün thoto nang za-ngo angkya oli münchang.

WANGSHEMBU MWOT 26:26

Wanghompa Agripa! Nange ibu zangwün komle awan ngokya daile kue nang hama ngaitho le wünpu. Nang miksho ma ibu zangwün pyenkya müntüile ongpu, chemthüikoxle ija a zuile onuk ozong to changkya münchang.

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

MANGSOP 5:1

Texle ataklax, O Jowanpa, kwom to chemle pang changdao puix. Kwom to hulax, ilaxle kwom thünzak ngünlax.

MANGSOP 3:50

Zangkangting tokhange hulaxle Jowanpae kwom ngünle machang tanto.

ISAIA 63:15

Jowanpa, otsao hia fuazang ma nang ngole tüikya zangkangting tokhange kwom to huhüi. Nange huanuma kwom tuitexkya omaün? Nang tsak-zong a omaün? Nang mongkün hia chingcha a omaün? Kwom chie-chisele taxchang.

ISAIA 58:1

Jowanpae thüi: “Tsuakkya pongle hünzom akhong kox! Ku khünaknu Israel nok hama hwom ochaxbu apuale laxkox!

WANGSHEMBU MWOT 9:28

Ifüima Sol-e hwom füi tomwüi saxmokle Jerusalem pangnu khato wüi zangwün ang ojao chizale Jisu mün ma hwon-anole aham.

2 KORIN 3:12

Ija monghom tüikya khoma, kwome mongchyen füi zangwünpu.

1 KORIN 14:13

Idaile chitsingkya kax ma zangwünkya mixe, chix zangwün tai angkya hanpakma zangjop angkya changle.