WANGSHEMBU MWOT 4:28 - OTSAO BAIBEL (BSI)

²⁸ Nange amibawüi nang tsakzong hia nang tutex makhange, chempang le changüihex, ibu athut-apan tsuakdaokya pangnu angaile mok ang hwom asox.

WANGSHEMBU MWOT 4:28 ပူးပေါင်းရင်းမြစ်များ

WANGSHEMBU MWOT 2:23

Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.

ISAIA 46:10

Chempang changle ngaipuix ibu bama kue pongwang tokhange wüi ajepu; chempangle chang angkya hex kaitanto wüi kue akax. Kue ajangkya mwot chichang homtoxle müile le kue thüipu, kue moküile mong ma texpupu kue moküi.

PONGWANG LAIPEX 50:20

Hünzome ku to oma hwonkya ningle sütdaokoxle chu, Zang ija omüi lom to laxpu ilaxle athax tüikya ningle khünaknu a e-ang chithole pu-tsa ang tompu.

MATHI 26:24

Khünak Hosa a Otsao Lai kax ma tüikya ningle zilaxüi, ikoxchu Khünak Hosa khohang angkya mix a maxsax! Ija khünak zongma chix a chipux kox wüi müise dai!”

WANGSHEMBU MWOT 3:18

Kaipong ma wüi ajebu tokhange Messaiah-e sikngün apong angkya hexle Zange aje ang koxle thomdaoa; üntoxle chixe ile otsingtsing ma changle hüi ang kox.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

IBRI 6:17

Opange chix kaxtsao kop angkya changlaxpuix, ibu ang Zange chix mongtex otuechu lüichüi angkya münchangle tsing ang koxse tsule; ikhoma chixe kaxtsao to tsaosaxkyae bopu.

EFISIA 1:11

Pangnuli Zang mwottho hia mongzang wünkya ma tix mokle hüipu; üntoxle pongwang tokhange wüi thomkya chix mongzangwün ma athong laxle, chix chaktung khomale Zange kem Khrista füikya notom ma chix khünaknu ang zünle kople.

KAXHO MÜIKYA LUK 22:22

Khünak Hosa a Zange naxchango le thüikya ningle zilaxüi, ikoxle owa makhange chix khohang laxpuix, chix a maxsax!”

MATHI 26:54

Ikoxle ile jangchang thüikoxle ile chang angkya hexo lekya Otsao Lai kax chemle kotok to ngaiüi?”

ISAIA 40:13

Chem mok angkya hex ija owawae Jowanpa füi akaxtsuak ang chami? Chix hama anwot-ano angkya chichangba zün angkya owa thoüi?

ISAIA 28:29

Je ibu pangwüi Jowanpa Khüthak Zang tokhange hüile. Zang-e zingkya mwot a je-mwotbu changle, ilaxle ibu jento oza laile tsuakle!

ISAIA 5:19

Hünzome thüile: “Jowanpae chixe moküihex-ole akax daokya nonokhaile naxmokdao, ikoxle tix kwome ija ngünle lax ang thoüi. Israel nok otsao Zang-e chix mwot mokle naxle-kox; chix mongto chemle texpuix, keme shong-huhax.”

WANWÜNKAX 21:30

Jowanpa nang füi apüile jangtüidao thüiningle, khünak je-hwon, khüzi anaxkya, mongtex zukya: ibu chem mwot angchu münchang.

MÜNCHUAK-TSAI 76:10

Khünak mongtsik makhange süchongchongle mix nang achuak-achen angkya ngai; zantam angkya azangkyabue nang pangpwonbu thomüi.

ISAIA 14:24

Jowanpa Khüthak Zang-e tsaotsütdaoa: “Kue chem moküile texpuix ija changüijao. Kue chem mok angkya mongzangwünle tsuakdaopuix ija tsuaküijao.

ISAIA 37:26

“Ibu pangwüi kue kaiwüi ile chang angkya tsuakle thompule atat laxmami? Athax kue ija ile chang ang tompu. Zyakople thomkya tingnubu tingtakle ama laxle oma-oshix athünkya nui ang achang angkya nang ang kue tsak-zong koxpu.