WANGSHEMBU MWOT 4:27 - OTSAO BAIBEL (BSI)

²⁷ Ilailaile Hünsa Jisu, owa nange Messaiah ang achang, chix zan to ka ang Herod hia Pontias Pilat nyi mixnokbu hia Israel khünakbu füi tomlaxle ija tingnu ma asox.

WANGSHEMBU MWOT 4:27 ပူးပေါင်းရင်းမြစ်များ

MATHI 27:2

Hwome chix to janbüi füi kha, ilaxle paole Gowarnor Pilat ang kox.

WANGSHEMBU MWOT 4:30

Khünaknu kak-lak amüi ang nang chak thuikox, ilaxle nange Messaiah ang zingkya Jisu mün ma khomtsikya hia ohünotün mwotbu mok ang tomhüi.”

KAXHO MÜIKYA LUK 9:22

Chixe ilechu wüi thüi: “Khünak Hosa sik huanuma ngün angkya jao, üntoxle mixpa tüichongbue, nguapa akhokyabue ilaxle Wanlom nwotmixbue chix chilaxle awütüi. Chix langüi ikoxlechu nyix azom lekya to chatle azangle zoüi.”

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

WANGSHEMBU MWOT 2:27

nange ku chasa zik chaxwan to chitox koxle; chialekya nang da ku, shanle sikngün ang nange münfaüi.

JUHAN 19:34

Ikoxlechu süpahibu kha angkya mixsün tuitae chix chak angkya pax Jisu samba ma tsunle anop; ija füi tomle aji hia ti jenle lai.

JUHAN 18:28

Huazunge hwome Jisu Kaifa hom angkya Wanghom khwa to pao; ilaxle hwome nak chilyen homle Kaitox Pangpwon sax tsuak angkya kuxma, pünpa-chongwangbu a wanghom ngwotnui to chidong.

JUHAN 10:36

Ku bama, ku a chaxwannu to Apae tsanle ngui ang tompu. Jangchang thüikoxle, kue ‘Ku a Zang Hosa changpu’ le thüikya khoma, ija a Zang ajaokya kax changpu le ku ang chemle thüipu?

JUHAN 1:11

Chix a ma khünaknu hato hüi, ikoxlechu ma khünaknue chix pongle chikop.

KAXHO MÜIKYA LUK 22:63

Jisu nyele ngokyabue chix ajao ahai ilaxle chix to huanuma fit.

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

KAXHO MÜIKYA LUK 1:35

Kaxtaimixe lan: “Otsao Chasa nang ma nguiüi, ilaxle Zang tsakzong e nang to oüi. Ikhoma ija otsao nao ang Zang Hosa le nyaküi.

MARK 15:31

Ile nguapa akhokyabue tamchu wanlom nwotmixbue chix chanyile thüi: “Chixe mixkho a sün ang tho ikoxle makho a sün ang müntho;

MARK 10:33

Chixe thüi: “Hulax, kem a Jerusalem to dongpu; ikhato Khünak Hosa Nguakhobu hia wanlom nwotmixbu chak to fünle koxüi. Hwome chix lang angkya kax tsuakle faüi ilaxle mixnokbu chak to koxüi;

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

MATHI 21:28

“Athax hünzome chemle texpu? Hanpak tuita ma mixpa tuita ang sasün lükasa anyi tüikya. Tüichongpa hato hüilaxle chixe akax, ‘Kusa, anyix pi zangmo ang kathün.’

MATHI 14:1

Ipongma Galili apün le ngokya wanghompa Herod-e Jisu bama fuale wünkya zing atat.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

ISAIA 53:3

Kwome chix ajao ilaxle chilaxle awüt; chixe sikngünkya hia tsütle kakkya adu. Owaechu chix thün to hu ang chitho — chix chemchu chichangkya ningle keme chix ahai.

ISAIA 49:7

Israel nok otsao Zang hia khosünpae thüile zudakle mong amaxle ahai thomkya mix füi, owa to chaxwannu noke mongkünle tüipuix ilaxle owa apün-adakyabu dapa changpuix: “Hünzom dankya wanghompa-e ngünle laxüi ilaxle hwom chathua zakya aho ang ajongüi; wangchasae chu ija ngünüi, ilaxle hwom a nang tong to puile akhuxüi.” Ija a Jowanpae chix dapa zünle kopkya khoma changüi; Israel nok otsao Zang-e chix kaxtsao thomle.

MÜNCHUAK-TSAI 45:7

achangchang to nange mongkün ikoxle chichangchang thua nang anu. Ikhokhoma Zang, nang Jowan-e, nang kamle kop ilaxle mama-mama wanghombu thakto süchongchongkya mongmüi nang ang thokle kox.

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

MÜNCHUAK-TSAI 2:2

Hwom wanghombue alünle ajong, pünpa-chongwangbue Jowanpa zan to ka, chixe zünle thomkya wanghom zongto opüipüi mok.

JOB LAIPEX 25:4

Zang miksho ma owawa otsao hia tsaothale tüitsuak angcha?

JOB LAIPEX 15:14

Otsingtomtata ma khünak tuita tsaothale changtsuak ang chami? Khünak tuita Zang füi tawüi sukya mix tüichami?

JOB LAIPEX 14:4

Khünak chitsaokya ningle, tütali chitsaokya makhange, tütuechu tsaokya oli tam-ngaiüi münchang.

ISAIA 37:26

“Ibu pangwüi kue kaiwüi ile chang angkya tsuakle thompule atat laxmami? Athax kue ija ile chang ang tompu. Zyakople thomkya tingnubu tingtakle ama laxle oma-oshix athünkya nui ang achang angkya nang ang kue tsak-zong koxpu.

MATHI 14:3

Herod-e honao wangchanu Herodia füikya zangwün khoma Juhan a koplaxle khale kun ma shole thomkya;

MATHI 14:6

Ikoxle Herod puxkya din shwomle nuikya nyix, Herodia sasün wangchasa noknu pomtho ma azüile aho; Herod ang mong tüle müi.

KAXHO MÜIKYA LUK 23:1

Khünaknu othom pangwüi ajong laxle Jisu Pilat hato pao.

JUHAN 18:29

Ikoxle Pilat mix hwom hato lai laxle atüi: “Hünzome ija mixsün ma kaxhux fekya chem bama changkya?”