WANGSHEMBU MWOT 4:24 - OTSAO BAIBEL (BSI)

²⁴ Hwome ija atatkya zuma, hwom pangnu Zang to jopkya ma tom ilaxle zex: “O Jowanpa, nang a zangkangting, chaxwannu ilaxle Molo-Tinu ilaxle ibu ma atüitüi komle zingkya hopunu changle!

WANGSHEMBU MWOT 4:24 ပူးပေါင်းရင်းမြစ်များ

LAIPAO 20:11

Nyix azok mong ma Jowanpa, kue chaxwannu, zangding, tinu üntoxle ibu ma atüitüi pangwüi zingpu, üntoxle nyix anüt lükya to ku nazakpu. Idaile Jowanpa, kue Sabath nyix to mohiman laxle otsao ang achangpu.

JEREMIA 32:17

“Khüthak Jowan Zang, nange nang tsak-hi-zong chongkya makhange chaxwannu hia zangdingkho zingle alaipu; nang zongto huanuma tsakkya oli chemchu chitüi.

NEHEMIA 9:6

Ifüima Israel khünaknue ija zangjop jop: “nang a Jowanpa changpu, Jowanpa a nang tata wüi; zangdingkho hia ibu ma tüikya lyettsi-lyetsa pangnu nange zingpu. Nange chaxwan zangfang zing ilaxle ikhama atüitüi pangwüi nange zingpu; ibu pangnusa ang khüzün-zakdün nange fapu. Zangkho tokya tsak-zongbue nang tong to akhuxle shwomle.

2 WANGHOMBU 19:15

ilaxle zangjop: “O Jowanpa, Israel nok Zang, owa ozang füikya zünmok ding ma thungle tüipuix, Zang a nang tata wüi, nange tix chaxwannu wangtingbu thak ma apün-awangle ngopu. Nange ding-hi-hax zingle alaipu.

JEREMIA 20:13

Jowanpa hanpakma tsai ngaokox! Jowanpa achuak kox! Ochax khünakbu chak tokya hwom afangle thomkyabu chixe sünle.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

2 WANGHOMBU 19:19

Athax a, Jowanpa kwom Zang-e, nange kwom Asiria nok chak tokya khosünhüi, ilaxle chaxwannu angkya jat-libu noke Jowanpa, nangtix Zang changpule naxtsing.”

WANGSHEMBU MWOT 16:25

Awünningle tsüdangkhae Pol hia Sila nyie Zang achuakle zangjop ilaxle tsaingao le ngokya, ikoxle kople thomkya mamabue hokhi zing apale ngo.

WANGSHEMBU MWOT 4:23

Okhi dankya thuile hwom othom hato chat ilaxle Nguakho hia mixpa tüichongbue hokhi füi akaxkyabu hwom hama wün.

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.