WANGSHEMBU MWOT 4:1 - OTSAO BAIBEL (BSI)

¹ Nguawangbu hia zangshwom-hom nyetmixbu akhokya ilaxle saduki, le hwom hato hüiponge Pitar hia Juhan nyie khünaknu füi akaxle zangwün ngopongkha changkya.

WANGSHEMBU MWOT 4:1 ပူးပေါင်းရင်းမြစ်များ

KAXHO MÜIKYA LUK 22:4

Chix paolaxle, nguakhobu hia Zangshwom-Hom nyetmix alixachongbu füi, chixe hwom ang Jisu khohang angkya bama azua.

WANGSHEMBU MWOT 6:12

Ija ningle hwome khünaknu hia mixpa tüichongbu, ilaxlechu wanlom nwotmixbu to lüixle mwop ang tom. Hwom Stefen hato hüi ilaxle kop, ilaxle hwome thwomshing le nguawangbu hato pao.

WANGSHEMBU MWOT 5:26

Idaile Zangshwom-Hom nyetmix akhokyae chix khünakbu koplaxle ikhato pao ilaxle wangshem nyi chatle apüi. Bachutix zongzukle chichang, chemthüikoxle hwomchu wüi khünaknue long füi nakthup fa le za.

WANGSHEMBU MWOT 5:24

Otue Zangshwom-Hom nyetmix khama akhokya hia nguakhobue ija kax atat laxpuix, wangshem nyi to chempang thüikya changkoxpu le khosam.

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

WANGSHEMBU MWOT 4:6

Nguakho Anna hia Kaifa, Juhan hia Alekjendar tamchu zommix-zangmix homkha pangwüi asox.

JUHAN 18:3

Ikoxle Juda, chix füi tomle Roman süpahibu othom tuita tamchu nguapabu hia farisibue tsanle apaokya Zangshwom-Hom nyetmixbu züita koplaxle ija tsawat khato ngui. Hwom a chang hia paxbu koplaxle, wüntik hia wünnan thopbu füi tüikya.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

MATHI 27:41

Ija lailaile wanlom nwotmixbu hia nguakhobu tamchu mixpa tüichongbue chix wanjaile akax:

MATHI 27:20

Nguakhobu hia mixpa tüichongbue, Barabba danhüile thüi angkya ikoxle Jisu a lang hüile thüi angkya khünaknu angat.

MATHI 22:16

Ofüima hwome hwom wangshembu tamchu Herod othom kha angkya khünakbu züita Jisu hato tsanle apao. Hwom nguilaxle thüi: “Nwotmix, kwome nang a mixmüi changpule awanle; khünaknue tütale wüi thütkoxlax tamchu owa thuachu chizale, nange khünaknu hama Jowanpa bama otsingtsing anwot-anole le kwome awan ngopu; chemthüikoxle nange khünak chifün to chihu.

MATHI 16:12

Ifüima tix wangshembue, ju ang langkya twonkhax chichangle, farisi hia sadukibu hwon-nwot bama hwom khünzai angkya bama akaxpu le tsingle lax.

WANGSHEMBU MWOT 6:7

Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

KAXHO MÜIKYA LUK 20:1

Nyixta Jisu-e Zangshwom-Hom ma Kaxho Müikya bama hwon-ano le ngoponge, nguakhobu hia Wanlom tsingpabu, mixpa tüichongbu füi tomlaxle ngui.

WANGSHEMBU MWOT 5:17

Ofüima Nguakho hia ikhama tüikya sadukibu khama mün tüikyabu, opang chix füikyabu changkya hex, hwom mongto wünchua dong le wangshem nyi to miktsak; idaile hokhi ang sikngün fa angkya wüi changpu le hwome zangwün tsuak.