WANGSHEMBU MWOT 3:6 - OTSAO BAIBEL (BSI)

⁶ Pitar-e chix ang thüi: “Ku ma ngun ojao müntüi, ikoxlechu ku ma chem tüipuix ija kue nang ang fapu: Nazareth nok Jisu mün ma kue nang ajong üntoxle aham ang tompu!”

WANGSHEMBU MWOT 3:6 ပူးပေါင်းရင်းမြစ်များ

WANGSHEMBU MWOT 3:16

Ija mixsün ang aham angkya zong a chix mün ma koxkya changle. Hünzome chem ngün üntoxle chem awanlaxpuix, ija a chix mün to ongkya makhange tsuakkya changle; hünzom pangnu thüntho ma chix ile amüi ang tomkya Jisu to mongongkya makhange changle.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

WANGSHEMBU MWOT 4:10

hünzome pünsak ma takle langkya mix owa Zange chatle azangle zo ang tompuix, ija Nazareth nok Jisu mün ma tüikya zong makhange owüiole müilaxle ija mixsün hünzom thüntho ma ajong ang tsuakpu, le hünzom pangnue tamchu Israel khünak noke wüi awan angkya oli changle.

WANGSHEMBU MWOT 9:34

Pitar-e thüi: “Anania, Jisu Khrista-e nang amüile. Zolax ilaxle nang lya tswonlax.” Ima wüi thuile Anania zo.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

WANGSHEMBU MWOT 16:18

Obi nyix hex she-e ilele wüi chang. Ikhoma Pol-e ngwomle shulaxle aküile hu üntoxle ija haxshix chasa füi sale akax: “Jisu Khrista mün ma tüikya zong füi kue nang ang kaxtom fapu, nang ija mixcha angkya laiün!” Imawüi ija haxshix chasa she angkya laile pao.

MARK 16:17

Mongongkyabu ang ibu mok angkya tsakzong koxpu: Ku mün ma hwome haxshix chasabu jwonle apaoüi; chitsingkya kax ma hwome zangwünüi;

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

1 PITAR 4:10

Pangnusae wüi, malom-malom hinghobu twon ang mankya khünak tuita lailaile, Zang tokhange tamsüile kopkya hingho hünzome tata fün amüi ang twonkox.

WANGSHEMBU MWOT 4:7

Hwome Pitar hia Juhan nyi hwom thüntho ma ajong ang tsan, ilaxle hokhi ma atüi: “Hünkhie ija chafai mix chemle amüi thopu? Hünkhi ma chem zong tüipu?”

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

MATHI 10:9

Hünzom nyitsong thong to hun, syen chichangba ngun taxkop;

MATHI 7:22

Kaxfün nyix nguikya zuma, khünakbue ku ang thüiüi: ‘O Jowanpa, O Jowanpa! kwome nang mün ma münaje dai hia? Nang mün ma haxshix jwonle münapao dai hia?’ Nang mün ma kwome ohünotün mwotbu münmok dai hia?

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.

JUHAN 19:19

Pilat-e awan ang kox angkya hanpakma ile zakya tuita chix khangkho ma apütle kox: NAZARETH NOK JESU, JEHUDI NOK WANGHOM.

2 KORIN 8:12

Nange otukux tsuakpuix itukux mongtsu laxle jangmok thüiba, nang hingho füi Zang mongzom müikya tüiüi. Nang ma ngax chitüi khato koxüi changtüi angpu le Zange otuechu münthüt.

MARK 14:8

She-e chem thopuix ija mokpu; she-e ku mangzu angkya manguiba wüi ku tsangtsa to münga füi pale achwonpu.

1 KORIN 4:11

Ipongkhae kwom woknuak tilan ma ngole; kwome nyiza okyet-oshakbu laxle, kwom to fitmüi le, kwom ata jong tokya ata jongto le samle ahamle;

WANGSHEMBU MWOT 3:5

Ikoxle hokhi angkya ngun tükopüi jao le onglaxle chixe hokhi chito hu.

WANGSHEMBU MWOT 3:7

Ifüima chixe tsaxchi chak ma chix syetle ajong. Ima wüi thuile ija mixsün chikux mongle chafaikya müi;