WANGSHEMBU MWOT 3:19 - OTSAO BAIBEL (BSI)

¹⁹ Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

WANGSHEMBU MWOT 3:19 ပူးပေါင်းရင်းမြစ်များ

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

ISAIA 43:25

Ikoxchu tix, ku a hünzom ang ochax thailak koxkya Zang changpu, ilaxle kue ija a ku chem hex ikhoma mokpu. Kue ku zongto hünzom ochax kople münthom.

MATHI 18:3

ilaxle akax: “Mong ma koplax, hünzom ang mongnai laxle ija naosa ningle machang tanto, hünzome Zang Wangting to nop ang münkopüi.

MATHI 13:15

hwom ang khangkho samdaokoxle; hwom ang atat angkya na tütdaoa, ngün angkya hwom mik achik ngoüna. Ile chichang thüikoxle, hwome mik füi ngün ang those; ma nae atat ang those; ma kün-monge awan ang kopse; ilaxle hwom ku hato chatse; ikoxle kue hwom amüile fase, le Zange akax.’

MÜNCHUAK-TSAI 51:9

Ku ochax ngünle laxüia nang mik achikdao, ku chichang-chizang pangwüi fwotle amüt fahüi.

2 THESALONIKA 1:7

üntoxle sikngün apongkya ma hünzom ang hwom füi tomle nazak faüi. Zangkangting tokya Jowanpa Jisu Khrista tsakzong füikya chix kaxtaimixbu füi,

MANGSOP 3:40

Keme kem lomtangbu ajangle anohax ilaxle Jowanpa hato chat-hax.

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

2 PITAR 3:8

Ikoxlechu ku mongkün tüinaohom, hünzome oli tuita taxalak! Jowanpa miksho ma nyix tuita hia zanglao hajat tuita le malili müntüi; chix zongma monyi wüi tuita changle.

WANGSHEMBU MWOT 28:27

Chemthüikoxle ija khünakbu ang, mongkho jao mangui; hwome ma na zimdaoa, ilaxle hwom mik achikdaoa. Ile chichang thüikoxle, hwome ma mik füi ngünse; hwom nae atatse; hwom kün-monge awanse; ilaxle hwom ku hato chatse, üntoxle kue hwom amüise.’”

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

2 THESALONIKA 1:10

Ija a, chix khünaknu angkya fuazang kop ang üntoxle chix to ongkya chix khünakbu angkya achuak achenkya kop ang chix nguikya nyix nguiüi. Hünzom chuwüi hwom khama tüiüi, chemthüikoxle hwome akaxkya kaxho to hünzome ongdaoa.

WANGSHEMBU MWOT 11:18

Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

KAXHO MÜIKYA LUK 1:16

üntoxle chixe Israel khünak hwom Jowan Zang hato huanuma apüiüi.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

DANEL 9:13

Mosa Wanlom ma sikngün bama chempangle wünle tüipuix ija tukuxle kwom to sikangünpu. Ikoxle athaxchu, O Jowanpa kwom Zang, kwome kwom ochaxbu tokya mongchat chichangba nang otsingtsing olom tole changkya füi nang mong amüi ang kwome ojao chiazong.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

WANGSHEMBU MWOT 17:26

Mixhuak tuita makhange chixe khünaknu jat-hi-li pangwüi zing, ilaxle chaxwan tok pangnu khato wüi hwom ngo ang dan. Amiba wüi achale chixe hanpak hia hwom ngo angkya ziakam textya le othüt chixe kox.

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

WANGSHEMBU MWOT 3:21

Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle.

WANGSHEMBU MWOT 1:6

Otue wangshembu Jisu füi asoxpuix, hwome chix ma atüi: “Jowanpa, nange ipongkhae Israel ang chatle wangting tamkox angchami?”

JOEL 2:13

Nang mongtsik-mongma a nang mong ashixkya ma aholax; nang nyi-za akyetkya ija a chemchu münchang.” Jowanpa, hünzom Zang hato chatlax. Chix a chingcha hia jajae awangle tüikya Zang changle; chixe okuilole adule ilaxle chix tsaotsüt otia ma thomle; sik-chiangün homtoxle thaikya alak angkya hanpakma chix a jento achwon ngole.

MANGSOP 5:21

Kwome nang hato chat ang tomüi, Jowanpa! Kwom chat ang tomhüi! Kaitantokya kwom fuazang achatle fahüi.

JEREMIA 50:20

Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”

ISAIA 61:9

Chaxwannu nok khama hwom a fuale wünüi; Hwom ngünkya pangnusae awanle changüi Hwom a kue mohimankya khünaknu changle le.”

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 51:11

Nange opang khosünle koppuix hwome mongmüi-pwonlale Jerusalem alopüi, ilaxle mongmüi atungle tsaingaole akhongüi. Hwom a othuithuima mongmüi-pwonlale ngoüi, othuithuima mongtsik hia mongma füi atsai laxle a.

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

MÜNCHUAK-TSAI 103:12

Hannop füi handün chemtukuxle atsaile tüipuix, itukuxle atsaile chixe kem ochaxbu kem atsaile pao ang tom.

MÜNCHUAK-TSAI 51:13

Ifüima ochaxbu hama kue nang kaxtombu apuaüi, üntoxle hwom a nang hato chatle achatüi.

MIKNGÜN-OHÜN 21:4

Chixe hwom mik angkya mikfi, pangwüi fwotle faüi. Ikhato zikya, mongmakya, sop-juakya, okak-olak chemchu müntüiüi. Hozang lili komle maxdaoa.”

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

WANGSHEMBU MWOT 3:20

Ikoxle tix Jowanpa-e hünzom chasa ma azün angkya hanpak ahüiüi üntoxlechu ikoxtix chixe hünzom hanpakma Messaiah ang achangkya Jisu chix wüi hünzom hato ngui ang koxüi.

IBRI 4:1

Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.

KAXHO MÜIKYA LUK 22:57

Ikoxle Pitar-e atsele thüi: “Afex, kue chix owahex ngaxchu münawan!”