WANGSHEMBU MWOT 3:15 - OTSAO BAIBEL (BSI)

¹⁵ Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle.

WANGSHEMBU MWOT 3:15 ပူးပေါင်းရင်းမြစ်များ

WANGSHEMBU MWOT 2:24

Ikoxlechu zidaokya chix Zange chatle azangle zo ang tom; chixe chix zikya sikngün chak tokya da, chemthüikoxle zike chix hakle thom ang tho angkya oli chichang.

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

WANGSHEMBU MWOT 2:32

Zange ija Jisu zidaokya chatle azündaoa, ilaxle kwom a pangnusa wüi ija otsingtsing bama kaxkhi fakyabu changpu.

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

JUHAN 5:26

Hopa chemle khüzün otong hex ija lailaile Hosachu wüi khüzün otong ang achangdaoa.

JUHAN 1:4

Ija Kax a khüzün otong changkya üntoxle ija khüzüne khünaknünsa hato zangngai apüi.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

JUHAN 17:2

Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

JUHAN 4:10

Jisu-e lanle she ang thüi: “Nange Zang hingho hia nang ma ‘Ku ang lingti laxhüi’, le jukya khünak jang awan laxba, nange chix ma mix ija ti juse ilaxle chixe nang ang khüzün ti fasedai.”

MIKNGÜN-OHÜN 22:1

Zang hia Chun Hosa chongwang tüntong makhange lailaxle tingnu angkya tingjang lomnu osungwa ma jenle jukya, kristel lailaile tüle ajik-ajep le tüikya,

JUHAN 10:28

Kue hwom ang oshuk chitüikya khüzün tsün koxpu, ilaxle hwom a tamchu chiziüi. Ku chak angkya hwom owaechu pale chipaoüi.

EFISIA 1:20

Kem ma mwot mokle ngokya ija akhokya tsakzong a, chixe Jisu Khrista azangle azwot ilaxle zangkangting to chix tsaxchi ma athung ang twonkya zong tuitata wüi changpu.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

KAXHO MÜIKYA LUK 24:48

Ijabu hanpakma kaxkhi ang hünzom changpu.

WANGSHEMBU MWOT 4:2

“Jisu zidaokya chatle azangle zokya changpu, ija ningle khünaknu zikoxchu chatle azangle zo angkya changle”, le ija wangshem nyie khünaknu hama anwot-ano ngokya khoma hwom ang huanuma mong puak.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.