WANGSHEMBU MWOT 3:13 - OTSAO BAIBEL (BSI)

¹³ Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao.

WANGSHEMBU MWOT 3:13 ပူးပေါင်းရင်းမြစ်များ

WANGSHEMBU MWOT 7:32

‘Ku a hünzom putong Abraham, Isak, Jakop hwom Zang changpu.’ Mosa zale abün laxle hu ang chichwom le akhux.

MATHI 22:32

Zange thüile, ‘chix a, Abraham Zang, Isak Zang tamchu Jakop Zang changle.’ Idaile chix a omang Zang chichangle ozün Zang changle.”

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

JUHAN 19:15

Hwom akhongle thüi: “Chix langdao! Chix langdao! Chix a pünsak ma takle langdao!” Pilat-e hwom ang thüi: “Kue hünzom wanghom pünsak ma takle naxlang le hi?” Nguapa akhokyabue lan: “Kaisar boma kwom ang wanghom owachu müntüi!”

JUHAN 19:12

Ija atatlaxle Pilat-e chix dan angkya olom lom. Ikoxlechu Jehudi khünakbue akhongle thüi: “Nange ija khünak jangdan thüiba nangchu Kaisar zuikhui münchang! Owa malualua to wanghom ang achangpuix, ija khünak a chongwangpa Kaisar füi zong apankya changpu.”

JUHAN 18:40

Ikoxle anaolechu akhongle hwome lan: “Ija khünak chichangle Barabba mix danhüi.” (Ija Barabba a mixkux mixka pa-lole ngokya khünak changkya).

LAIPAO 3:6

Zang-e akax: “Ku a hünpa hwom Zang, Abraham, Isak hia Jakop hwom Zang changle.” Ijama Mosa-e Zang thünza to hu ang za ilaxle chix thün khom.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

WANGSHEMBU MWOT 22:14

Chixe thüi: ‘Chix mongtex tsing angkya chix otsao da ngün angkya üntoxle chix tun makhange akaxkya chix kaxzing atat angkya hanpakma kem pupa hwom Zange nang zünle kopdaoa.

JUHAN 12:16

Ipongma chix wangshembue ija chitsing; ikoxle Jisu fuazangle zo ang tomkya füima tix, ibu chix bama zale thomkya changa tamchu ibu hwome chix kux ang mokle fakya changdao laxle le tsingle lax.

JUHAN 7:39

Ikoxle chixe ija Otsao Chasa, chix to ongkyabue pongle kop ang kox angkya bama akaxkya changle; chemthüikoxle ipong wane Otsao Chasa mafa chemthüikoxle Jisu a fuazangle nwonle madün.

KAXHO MÜIKYA LUK 23:4

Ifüima Pilat-e nguakhobu hia khünaknu ang thüi: “Kue ija mixsün ma kaxfe ang asule thaikya kha chemchu münatak.”

MARK 15:11

Ikoxlechu chixe hwom ang Barabba mix danle naxfa ang nguapa akhokyabue khünaknu to chüi le ama.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

MATHI 27:2

Hwome chix to janbüi füi kha, ilaxle paole Gowarnor Pilat ang kox.

MATHI 20:19

Ilaxle hwome chix mixnokbu chak to owüiole koxüi; ibue chix chanyiüi, chietüi, ilaxle chix a pünsak ma takle langüi; ikoxlechu nyix azom lükya to chix chatle azangle zoüi.”

MATHI 11:27

“Apae ku ang pangnu li wüi fadaoa. Hopa boma Hosa owaechu müntsing tamchu Hosa hia chixe angaile ahose le mongtsukyabu boma Hopa owaechu müntsing.

LAIPAO 3:13

Ikoxle Mosa-e Zang ang thüi: “Israel khünaknu hato nguilaxle kue hwom ang ‘Hünpu-hünpa hwom Zang-e ku hünzom hato tomle akatpu’ le thüiüi, ikoxle hwome ku ma ‘Chix ang chemle amünpu?’ le jangatüiba kue hwom kax to chemle lanüi?”

LAIPAO 3:15

Zang-e chatle chu Mosa ang thüi: “Nange Israel khünaknu ang ile thüikox, ‘Hünpu-hünpa Abraham, Isak hia Jakop hwom Jowanpae tsanle akatpu’, ija a jento ku mün, ilaxle tsüntsün to ija a ku homjen changpu.

KAXHO MÜIKYA LUK 6:37

“Mix ang kaxfün taxfa, ikoxle Zange nang kax münfünüi; mix ajao ahaile taxchang, ikoxle Zange nang ajao ahaile münchangüi; mix ang thailak laxkox, ikoxle Zange nang ang thailak faüi.

JUHAN 19:11

Jisu-e chix kax to lan: “Thakchi tokhange Zange chifa thüikoxle ku zongto tüi angkya zong nang ma chemchu chitüise. Ikhoma, owae ku nang chak to fünle koxlaxpuix, amakya ochax chix ma tüile.”

WANGSHEMBU MWOT 3:12

Ibu khünaknu ngünkya zuma Pitar-e hwom ang thüi: “Israel khünaknu, ija mixsün faile ngokya amüikya ngünlaxle abütpia üntoxle kwom to ile akhingle büthüikoxle hupu? Ija mixsün aham ang koxkya a kwom tsakzong chichangba kwom tsaokya makhange changpu le hünzome texpia?

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

WANGSHEMBU MWOT 4:27

Ilailaile Hünsa Jisu, owa nange Messaiah ang achang, chix zan to ka ang Herod hia Pontias Pilat nyi mixnokbu hia Israel khünakbu füi tomlaxle ija tingnu ma asox.

WANGSHEMBU MWOT 4:30

Khünaknu kak-lak amüi ang nang chak thuikox, ilaxle nange Messaiah ang zingkya Jisu mün ma khomtsikya hia ohünotün mwotbu mok ang tomhüi.”

WANGSHEMBU MWOT 24:14

Changpu: hwome thaile le thüikya olom ma kue kwom pupa hwom Zang to shwomkoxa. Ile Mosa Wanlom ma hia ajebu Lai ma zakya pangnu to kuechu wüi ongpu.

ROM NOK HATO ZAKYA POL LAIZA 9:5

hwom a putong makhange hüikyabu changle, ilaxle khünak tuita ningle Khrista chuwüi hwom züjen angkya changle. Pangnu thakma apün-awangkya Zang jento achuakkox! Amen.

KAXHO MÜIKYA LUK 22:57

Ikoxle Pitar-e atsele thüi: “Afex, kue chix owahex ngaxchu münawan!”