WANGSHEMBU MWOT 3:1 - OTSAO BAIBEL (BSI)

¹ Nyixta tsomfüi zangjop tue Pitar hia Juhan nyi Zangshwom-Hom to ngui.

WANGSHEMBU MWOT 3:1 ပူးပေါင်းရင်းမြစ်များ

MÜNCHUAK-TSAI 55:17

Swome, tungtoe, üntoxle zangnake ku kaxthup-ngaotün hia awaokya chix hato dongle, ilaxle chixe ku kaxzing atatlaxüi.

WANGSHEMBU MWOT 10:3

Nyixta tsomfüi azom baji shen changkya, Chixe mikngün ohün tuita ngün. Ijama chixe Zang kaxtaimix nguikya atsingsho le ngün ilaxle chixe mün lünle nyak: “Kornelia.”

WANGSHEMBU MWOT 4:13

Pitar hia Juhan nyi mongchongkya ngünlaxle hokhi a man-ngünkya chemchu chitüikya nyi le awanlaxle nguawangbu pangwüi abüt. Okhi a Jisu füi ngokya nyi changpu le hwome tsingle lax.

KAXHO MÜIKYA LUK 1:10

Ile chixe ongan müikya so zokle zangshwom ngotan ma khünaknu othome homtho to zangjople tan ngo.

WANGSHEMBU MWOT 5:25

Ipongkhae khünak tuita nguawang ngwotnui to nguilaxle hwom ang thüi: “Apalax! Hünzome kun ma shole toxkya khünak nyi a ipongkhae Zangshwom-Hom ma tüile; hokhie khünaknu hama anwot-ano ngole.”

KAXHO MÜIKYA LUK 24:53

Ilaxle hwome hanpakbu Zang mün achuakle Zangshwom-Hom ma alyet.

WANGSHEMBU MWOT 8:14

Samaria tokyabue Zang kax pongle kopdaoa ta le Jerusalem tokhange wangshembue atat; idaile hwome ibu hato Pitar hia Juhan nyi tsanle akat.

DANEL 6:10

Chemtue Danel-e ija kaxtom laiza to wanghompa-e sohi shingle changdaoa le awan ang koppuix, chix hom to chat. Chix hom homdingkho angkya nui ma Jerusalem chito thale thangmikbu tüikya. Ikhato chixe mokzaikya ningle, thangmik ibu daple koplaxle chixe hanpak to othom azom pong ma chikux thongle Zang to zangjop.

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

JUHAN 21:7

Wangshembu khama owa to Jisu-e mongkün puix, chixe Pitar ang thüi: “Ija a Jowanpa changpu.” Ikoxle ija a Jowanpa changpu le atatkya zuma, Simon Pitar-e nyi lax (chemthüikoxle chix ipongma ohua ma asukya), ilaxle ti khato füt.

KAXHO MÜIKYA LUK 22:8

Jisu-e ija kax füi Pitar hia Juhan nyi achale tomle apao: “Keme sax angkya Kaitox Pangpwon fong achwon thün!”

MATHI 26:37

Chixe ma füi tomle Pitar hia Zebedi sasün nyi kop. Chix hato tüle künmax mongshankya hüi.

MATHI 17:1

Nyix azok füima Jisu-e chix füito Pitar, Jakop hia Juhan hwom koplaxle haxnukho to hwom tata süile dong.

DANEL 9:21

Kue zangjople ngopongma, Gabriel, owa kue othopongkya mikngün-ohün ma ngünle laxkya hex, chix a ku ngokya nui to pile ju. Ija a hansong ma tö koxle changkya tukha changkya.

WANGSHEMBU MWOT 10:30

Kornelia-e thüi: “Ipongkhae shongnyix nyix azom thoto ku azom baji shene hom ma tsomfüi zangjop hanpak laxle ngokya. Tüle nyankya nyiza awunlaxle ku thüntho ma mixsün tuita ajong,

1 WANGHOMBU 18:36

Tsomfüi tö koxtu wama ajepa Elija tö-tsap hato hüi ilaxle zangjop: “O Jowanpa, Abraham Zang, Isak Zang, Jakop Zang! Athaxpi nang a Israel nok Zang changpu ilaxle ku a nang dapa changpu tamchu ibu mwot pangwüi kaxtom ma mokle hüikya changpule angaikox.

LAIPAO 29:39

Swome tuita hansonge tuita le tö laxkox.

GALATIA 2:9

Jakop, Pitar üntoxle Juhan, hwom opang lompabu ningle ngopuix, hwome, Zang tokhange ku ang ija mwot koxle thomkya tsingle lax; ikhoma, kwom pangnu wüi üitho tuita ang achangle aho ang hwome Barnaba kukhi füi chak apong. Barnaba kukhie mixnokbu khato ilaxle hwome a Jehudi nokbu khato le Jowanpa mwottho ma süt angkya kwom mong notom.

HUAKE LAIPEX 28:4

Tuita a anopningle töüi ilaxle ata mix a hansong ma töüi.

MATHI 27:45

Tungto shene khonta azom zangfang pangnu khato haxshix zangnak.

KAXHO MÜIKYA LUK 18:10

“Hanpak tuita ma mixhuak anyi Zangshwom hom to zangjop ang dong; tuita a Farisi khünak üntoxle ata mix a süisai mixle changkya.

WANGSHEMBU MWOT 3:3

Otue chixe Pitar hia Juhan nyi nguiüi ngünle lax, chixe hokhi ma ngun ju.

WANGSHEMBU MWOT 3:4

Okhie chix to tangthole hu ilaxle Pitar-e thüi: “Kukhi to hulax!”