WANGSHEMBU MWOT 28:8 - OTSAO BAIBEL (BSI)

⁸ Pablias hopa khamle tamchu woktsüi le kakle lya ma jiple tüikya. Pol-e chix nui to dong ilaxle zangjople chix to chake twon ilaxle chix kak amüile kox.

WANGSHEMBU MWOT 28:8 ပူးပေါင်းရင်းမြစ်များ

WANGSHEMBU MWOT 9:40

Pitar-e hwom pangwüi homtho to alai, chikux athong ilaxle akhuxle zangjop; ifüima chix mang hato hüilaxle akax: “Tabitha, zolax!” She e mikzam ilaxle Pitar ngünkya zuma she azangle chat.

MARK 6:5

Chix chak füi twonle kakmixbu züita amüi koxkya boma chixe ikhama mama ohünotün mwot chemchu mok ang chimüi.

MARK 16:18

Hwome pu kople apüi koxchu chichangba tüta ningkya zik-hing lingkoxchu, ijae hwom to ikuxsa ngaxchu sikngün münfaüi. Kakmixbu to hwome chak füi twonle hwom kakbu amüi koxüi.”

MATHI 9:18

Chixe hwom hama ibu akaxle ngopongma alixachong tuita nguilaxle chix tong shwomle akax: “Ku sacha athax ile zile paoüna; ikoxlechu nang nguilaxle she to jangtwon thüiningle she azangle zo angkya changle.”

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

1 KORIN 12:9

Ija chasa tuitatae wüi tuita ang mongong hingho koxle, ilaxle mama mix ang kak amüi angkya hingho koxle.

MATHI 10:8

Kakmixbu amüikox; faikyabu amüikox; zidaokyabu azünkox; haxshix chasabu jwonle apaokox; hünzome amuale koppu, amuamua le laxkox.

MATHI 10:1

Ijama chixe chix wangshem bün anyi chix hato nyak; haxshix chasa jwon angkya; kaklak pangwüi amüi angkya; ibu tsakzong hwom ang kox.

KAXHO MÜIKYA LUK 13:13

Chixe chix chake she to twon, ija füi tomle she tangthole ajong ilaxle Zang mün achuak.

KAXHO MÜIKYA LUK 4:40

Zanghan düt füima, kakmix atüitüi ma zuikhuibu, küjo-küjekya kaklak füikya khünakbu Jisu hato apüi; chixe hwom pangnu towüi chake twon üntoxle pangnu kak wüi amüile fa.

MARK 7:32

Hwome chix hato naba mix tuita apüi. Chix a kaxchu müile chidongkya mix changkya. Khünakbue Jisu füi ija mixsün to chix chak füi sütwonfa le akax.

MARK 5:23

ilaxle onüi ang chingcha jule akax: “Ku sacha huanuma kakle tüile. She kakmüi laxle ozün ma naxngo, chingchajaja laxle nang chak füi she to twon ang shongnguifa!”

MATHI 12:13

Ifüima chixe ija chak faile kakkya mixsün füi akax: “Nang chak thuikox.” Ijama chixe thui ikoxle tüchi chak ningle ichi chakchu wüi otyatyale müi.

WANGSHEMBU MWOT 28:7

Imakhange otukuxchu chiatsaile le ija shuazo ma ngokya Pablias haxtokbu tüikya. Chixe hwom wünpwonle kop ilaxle nyix azom kwom chix hom ma mixwün ang ngo.

WANGSHEMBU MWOT 28:9

Ija ile changkya zuma, shuazo angkya kakmix mamabuchu wüi ngui ilaxle Pol-e hwom pangwüi kak amüile kox.