WANGSHEMBU MWOT 28:31 - OTSAO BAIBEL (BSI)

³¹ Ile mongchong laxle tamchu owaechu chipoxle, chixe Zang Wangting bama hwon-ano üntoxle Jowanpa Jisu Khrista bama apua.

WANGSHEMBU MWOT 28:31 ပူးပေါင်းရင်းမြစ်များ

WANGSHEMBU MWOT 4:29

Idaile athax, O Jowanpa, hwome kwom to aza-anakya awan kop hüi üntoxle kwom nang dabu ang chem zazyenkya chitüi le nang kaxho apuk angkya mongchyen koxhüi.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

MATHI 4:23

Ifüima Jisu-e Galili chaxwan nok khatokya sinagokbu to anwot-ano, zangkangting bama Kaxho Müikya apuk-apua ilaxlechu kaklakbu amüile aham.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

FILIPI 1:14

Üntoxle ku kun to ngokya makhange Khrista ma tüi-hi-naohom süchong tukux ang Jowanpa hanpakma mongao ojao chitüikya mongong fale, ikhoma kaxho apukkya zuma hwom ang mong süchong süchongle chongle.

WANGSHEMBU MWOT 20:25

“Zang Wangting bama apuk-apua ang ku hünzom khato ahamle ngopu. Ikoxle athax a hünzom opupuechu ku sün chatle ngün ang münkopüi le kue awanle.

WANGSHEMBU MWOT 8:12

Ikoxle otue hwome Zang Wangting hia Jisu Khrista mün bama Kaxho Müikya Filip makhange atatle laxpuix, hwom sheko lüka pangwüi tima bapti.

WANGSHEMBU MWOT 4:31

Otue hwome zangjop ashukpuix, hwom asoxle ngokya kha sile alox. Hwom pangnu wüi Otsao Chasae awang ilaxle zazyenkya chemchu chitüi le Zang kaxho apuk ang süt.

WANGSHEMBU MWOT 5:42

Ilaxle nyixfole Zangshwom-Hom hia khünak homkhabu to hwome Messaiah, tuita Jisu Khrista bama Kaxho Müikya anwot-anole apuk-apua.

2 TIMOTHI 2:9

Kaxho Müikya apukkya khoma, kue sikngün apong ilaxle mütkop daokya mix tukuxle ku khale thom. Ikoxchu Zang kax a kople chithom,

WANGSHEMBU MWOT 23:11

Ofüi ja Pol zuima Jowanpa ajong üntoxle akax: “Taxza! Nange ija Jerusalem ma ku bama kaxkhi fadaoa, ilaxle nange Rom tingnu machu fa angkya changle.”

KAXHO MÜIKYA LUK 8:1

Ifüima aluile chihomle, Jisu tinglong hia tingkhuabu to Zang Wangting bama Kaxho Müikya apukle aham.

MARK 1:14

Juhan kun to shokya füima, Jisu Galili to ngui ilaxle Zang Wangting bama Kaxho Müikya apuk.

WANGSHEMBU MWOT 1:3

Chix ozün ma tüile le mongaokya chitüi tang chix zi füima nyix punyi bama obi thomthom ma hexle hwom hato ngai. Hwome chix ngün, ilaxle chixe hwom füi Zang Wangting bama zangwün.

WANGSHEMBU MWOT 28:30

Ile Pol zanglao anyi chixe omün koxlaxle thomkya hom ma ngo, ilaxle chix wai ang nguikyabu pangnu wüi chixe wünpwonle kop.