WANGSHEMBU MWOT 28:28 - OTSAO BAIBEL (BSI)

²⁸ Ilaxle Pol-e chix kax ashukle thüi: “athax a khosün angkya Zang Kaxho Müikya mixnokbu hato paodaoale hünzome awanlax. Hwome ija to apa angkya changle!”

WANGSHEMBU MWOT 28:28 ပူးပေါင်းရင်းမြစ်များ

WANGSHEMBU MWOT 22:21

Jowanpa-e ku ang thüi: ‘Paokox, chemthüikoxle kue nang ochu to mixnokbu hato apaoüi.’”

KAXHO MÜIKYA LUK 3:6

Khünak noke Zang khosün ngünüi!’”

WANGSHEMBU MWOT 18:6

Otue hwome chix mwot abax üntoxle chix ang kaxma thüipuix, chixe ma nyi angkya khui hong üntoxle kaxza zongle akax: “Hünzom max-sam koxle, hünzome ma to alüile jualax. Ija bama ku hünlix münchang. Athax makhange ku mixnokbu hato paoüi.”

WANGSHEMBU MWOT 15:17

Mama khünak noke Jowanpa lomüi, ku hanpak ang nyakkya, mixnokbu pange wüi.

WANGSHEMBU MWOT 15:14

Chix kux ang hwom kha angkya khünaknu zün ang pongwang ma Zange mixnokbu waikya bama Simon-e athax wünle fadaoa.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

WANGSHEMBU MWOT 11:18

Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

ROM NOK HATO ZAKYA POL LAIZA 4:11

Chix khwonzüt zom a chixe Zang to mongongkya khoma, chixe khwon mazüt tanto wüi, Zange chix otsao khünak le laxkya münwan aho ang zingpu, idaile chixe khwonzütkya a ofüito tix changle.

ISAIA 52:10

Jowanpae chix otsao tsak-zong twonüi; chixe chix khünaknu khosünüi, ilaxle ija zangfang pangnusae ngünle laxüi.

ROM NOK HATO ZAKYA POL LAIZA 11:11

Ifüima atüi: Jehudi khünakbu asuakya zuma, hwom olithu ang nguakpia? Ile ojao münchang! Chemthüikoxle hwome ochax lyen, ilaxle hwom nüfux naxdong ang mixnokbu hato khosün apüi.

WANGSHEMBU MWOT 13:38

Idaile kutüi-kunaohom, hünzom pangnue wüi awanle koplax, Jisu Khrista makhangetix ochax thailak ataküile kaxho hünzom hato apuk-apua angkya atsingshokya kax changle;

WANGSHEMBU MWOT 13:26

“Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

WANGSHEMBU MWOT 2:14

Ifüima wangshembu mama bün anyi füi tomle Pitar ajong, ilaxle khünaknu füi azaxle akax ang süt: “Kem Jehudi khünakbu, ilaxle Jerusalem ma ngokya hünzom pangnu, ija büthüipuix kue hünzom hama apua fang, ku kax apahüi.

EZEKEL 36:32

Israel khünaknu, kue ibu ile mokkya a hünzom hanpak ang mokkya münchangle hünzome awankoxle müisele thütpu. Hünzome mokle ngokya bama hünzom ang thünzak hia mongmakya naxtüi le texpu. Ija kax, Jowanpa Khüthak Zang, kue akaxpu.”

MANGSOP 3:26

Idaile thuakjokle tan angkya a kem zongto amüikya changle—kem khosün bama chix thatan angkya a—

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

WANGSHEMBU MWOT 4:10

hünzome pünsak ma takle langkya mix owa Zange chatle azangle zo ang tompuix, ija Nazareth nok Jisu mün ma tüikya zong makhange owüiole müilaxle ija mixsün hünzom thüntho ma ajong ang tsuakpu, le hünzom pangnue tamchu Israel khünak noke wüi awan angkya oli changle.

WANGSHEMBU MWOT 9:15

Jowanpa-e chix ang thüi: “Paokox! Chemthüikoxle kue chix ku mwot mok ang kamdaoa. Chixe ku mün mixnokbu hia hwom wanghombu hato tsingang tomüi.

WANGSHEMBU MWOT 28:29

Pol-e ija kax akax füima, Jehudi khünakbu tata füi kax ma alanle fan.