WANGSHEMBU MWOT 28:2 - OTSAO BAIBEL (BSI)

² Ikha tokya nokpubu kwom füi ipong müile asyen. Iponge zangwatle zangkong koxle hwome wüntak laxle kwom bibi wünpwonle kop.

WANGSHEMBU MWOT 28:2 ပူးပေါင်းရင်းမြစ်များ

IBRI 13:2

Ma hom to nguikya mixwünbu wünpwon angkya taxalak. Ile mokkya tokhange chitsing homtoxle kaxtaimix wünpwon le pong kopkya khünak züizüi tüikya.

KOLOSI 3:11

Ikhoma mixnok hia Jehudi nok, khwonzüt zom twonkya hia chitwonkya, chemchu chitsuak chimankya nok, dinghüt khosom ngokya nok, dabu tamchu dan-pan thomkyabu le süipaikya chemchu müntüi, ikoxle Khrista pangnu, pangnu ma Khrista.

ROM NOK HATO ZAKYA POL LAIZA 1:14

Chemthüikoxle ku ma, tsuak mankya hia chitsuak chimankya nok hanpakma, ilaxle manngünkya hia chiman chingünkya pangnu hanpakma thashe tüile.

2 KORIN 11:27

Mwotmok angkya hia fuxtsüi huanuma apongle hüi; obi thomthom ma hexle ku chijip homle le; woknuak tilane ku tüle-tüle jemax hwonsam; süt, zui angkya nui hia nyiza chilax homtoxle ku obi thomthom ma hexle ngole hüi.

WANGSHEMBU MWOT 28:4

Ibu khünake Pol chak ma pu shale ngokya ngün, ilaxle tata füi zangwünle thüi: “Ija mixsün a mix mik amüt daokya mix changüi ilaxle tinu chak tokya chix azang koxlechu chix ozün ma ngo angkya zangpan ma müntüidao changa.”

1 KORIN 14:11

Ikoxlechu kax tsing ang chitsuak thüikoxle akaxkyapa zongto ku a mixnok changle ilaxle chixchu ku zongto mixnok changle.

MATHI 10:42

Üntoxle owae ijabu hixkya khama tuita ang ngax thüichu wangshem mün ma tihing peta alingkya mix jangtüi, otsingtsing ma kue hünzom ang thüipu, chixe otuechu ma hingho münamütüi.”

WANGSHEMBU MWOT 27:3

Ofüi nyix kwome Sidon alop. Julias-e Pol to chingchalaxle hozuibu hato paolaxle mongzom müile nazak ang dan.

LIWI 19:34

Israel khünake ma mix to chemle huse hex ile hwom tochu hukox ilaxle ma to chemle mongkünle tüipuix ilailaile hwom tochu mongkünkox. Noxta hünzom chuwüi Ijip nok to püntüi ang ngole toxdaokya changle.

ROM NOK HATO ZAKYA POL LAIZA 2:27

Zale thomkya wanlom koplaxle khwonzüt zom zingle wanlom amakya khoma, hwome tsangtsa khwonzüt zom chizing ikoxlechu wanlom kax ma laxle tüikya mixnokbue hünzom Jehudi khünakbu ajaoüi.

JUHAN 18:18

Zang tüle kongkya khoma, dabu hia apün-awangkyabu, wünhandix taklaxle ija ma hangle ngo. Pitar chuwüi hwom füi tomle wünzui ma hangle ajong ngo.

IZRA 10:9

Nyix azom mong ma, lyetjang aku ma nyixtsa lükya to, Judah hia Benjamin haxtok ma ngole tüikya khünaknu komle Jerusalem to ngui ilaxle Zangshwom-Hom tunthoma asox. Ipongma zang huanuma watle ngokya. Ija zangwat zangkong hia khütkhaxkya nguazua zangwün khoma khünaknu abünle anyon.

LIWI 19:18

Owawa to olüix khomkya taxtüi chichangba chix to anule taxngo, ikoxle ma tomzi to ma bütukuxle mongkünkox. Ku a Jowanpa hünzom Zang changpu.

WANGSHEMBU MWOT 28:3

Pol-e hakangsabu othop tuita apüile wünkha to tak. Ija hathop kha tokya wünkham thoto pusa tuita lailaxle chix chak ma tsütle kop.

ROM NOK HATO ZAKYA POL LAIZA 14:1

Mongong ma shonaikya mix hünzom khato pongle koplax, ikoxle chix huak mongtex bama chix füi kax ma alale taxchang.

ROM NOK HATO ZAKYA POL LAIZA 14:3

Pangnu li saxkya mixe chisaxkya mix thajao angkya münchang; Zange pongle kopdaokya daile suihing laihing tata saxkya mixe pangnu li saxlingkya mix bama kaxfün fa angkyachu münchang.