WANGSHEMBU MWOT 27:23 - OTSAO BAIBEL (BSI)

²³ Chemthüikoxle ku owa kuxhex ilaxle kue owa tongshwom le ngopuix, ija Zang kaxtaimixbu müja ku hato nguile,

WANGSHEMBU MWOT 27:23 ပူးပေါင်းရင်းမြစ်များ

WANGSHEMBU MWOT 23:11

Ofüi ja Pol zuima Jowanpa ajong üntoxle akax: “Taxza! Nange ija Jerusalem ma ku bama kaxkhi fadaoa, ilaxle nange Rom tingnu machu fa angkya changle.”

IBRI 1:14

Jangchangba kaxtaimixbu a chem? Hwom a Zang thothakya chasabu opange Zang khosün atak angkyabu hato tsanle apaopuix, ibu changpu.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

WANGSHEMBU MWOT 5:19

Ikoxle ija ja Jowanpa kaxtaimixe kun ka daple kox üntoxle wangshem nyi alai laxle hokhi ang thüi:

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

WANGSHEMBU MWOT 18:9

Jata Pol-e mikngün ohün ngün. Ijama Jowanpa-e chix ang thüi: “Taxza! Ikoxle Kaxho Müikya opuk opukle apukkox, tütle dan taxtox;

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

WANGSHEMBU MWOT 8:26

Jowanpa kaxtaimixe Filip füi akax: “Nang achwonlax üntoxle Jerusalem tokhange Gaza to lekya lom shuathongchi lom ma lelax.” (Ija lom a awütle thomdaokya lom changkya).

DANEL 6:22

Ku to chitsüt angkya hanpakma mailangbu tun hux ang Zang-e chix kaxtaimix tsanle ajole. Chixe ija a, ku ma oma chemchu chitüikya mix tamchu nang zongto oma chemchu chimokkya mixle tsing laxle ile mokpu.”

DANEL 6:16

Ikhoma wanghompa-e Danel a mailange awangle tüikya tswon khato tswonle awüt angkya kax kox. Chixe Danel ang thüi: “Nange owa to mongpak fünthole koxle shwomle ngopuix, ija nang Zang-e nang khosünle naxchangfa.”

ISAIA 44:21

Jowanpae thüi: “Israel, ija mong ma koplax; hünzom a ku da changpule mong ma koplax. Kue hünzom a ku da angle zingpu, ilaxle kue hünzom otuechu münalak.

MIKNGÜN-OHÜN 22:16

“Jisu, kue hünzom ang ibu tsingang tom angkya hanpakma kaxtaimix apaodaoa. Ku a Dawid sixli tokhange hüikya changle; ku a tüle nyankya swomsa lyettsi changle.”

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

2 TIMOTHI 2:24

Jowanpa da otuechu chiaheüi. Chix nok zongto wüi chingcha füi, tamchu müikya hia adukya füi tüi angkya oli changle.

2 TIMOTHI 1:3

Ku putong hwome mokle hüikya ningle khangka hingle kue Zang owa thothapuix, kue chix ang münchong fapu. Zangnak zangngai ku zangjop ma hünzom texle atak pongma kue chix to münchong fapu.

1 KORIN 6:20

chixe nang a otha koxlaxle shakdaoa. Idaile nang tsangtsa nange Zang fuazang angkya olom ma twonlax.

ROM NOK HATO ZAKYA POL LAIZA 6:22

Ikoxle athax a hünzom ochax tokya dandaoa ilaxle Zang dabu ang achangüna; ija khülüix to hünzome mongzom müikya atakle ilaxle oshuk ma oshuk chitüikya tsün khüzün ataküi.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

WANGSHEMBU MWOT 16:17

“Ibu a Taitax Zang dabu changpu! Hwome hünzom hama hünzom khosün angkya olom apuale!”, le kaxzex nga le she-e Pol kwom man to.

WANGSHEMBU MWOT 12:23

Ifüi tomle kaxtaimixe Herod to hongle anguak, chemthüikoxle chixe Zang chathua zakya chitüi. Chix a chonge sax ilaxle zi.

JUHAN 12:26

Owawae ku thothase jangtsuba, chix ku füito azui angkya changle; ikoxtix ku ojong khato ngoüihex, ikhato ku dachu ngoüi. Owae ku thotha laxpuix, Apae chix achuaküi.

MALAKI 3:17

Jowanpae thüi: “Hwom a ku khünaknu ang changüi. Chemtue kue moküihex, ija nyix a hwom ku mamixbu ang changüi. Ma thothale tüikya su-sa hwome honu-hopae chingchale tüikya ningle kue chu hwom to chingchakya tüiüi.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

DANEL 6:20

Chemtue chixe ijakha aloppuix, chixe künsum-mongtui le nyak: “Ozün ma tüikya Zang dapa, Danel! Mailangbu chak tokya nang, nange mongbakle koxle shwomle ngokya Zang-e nang khosünle tüilaxma?”

DANEL 3:28

Wanghompa-e thüi: “Shadrak, Meshak hia Abednego hwom Zang achuak kox! Chix thothale tamchu chix to mongongle ngokya mixsün ibu khosün ang Chixe chix kaxtaimix tsanle ajo. Changle hwome ku kax ma chilax ilaxle mama baozangbu tongshwom le münchangpu le hwome ma tsün maüi thua ngaxchu chizale hwom Zang to tata shomüile angam.

DANEL 3:26

Ikhoma Nebukadnezar a ija wün chuale ngokya fülom zuito nguilaxle akhongle nyak: “Shadrak, Meshak ilaxle Abednego! Hünzom! Akhokya Zang dabu! Laihüi!” Lebama wüi hwom laile hüi.

DANEL 3:17

Nang tsak-zong chak tokya kwom khosünle kop ang kwome shwomle ngokya Zang-e ija okham wünnu hia nang tsak-zong chak tokya kwom khosünle kop angkya tho angkya olom tüile jangchang, chixe naxsünkox.

EZEKEL 36:38

Anyix pünle ama thomkya tingnubu a, pangpwon tuk ma, tö ang kox ang apüikya chunbue Jerusalem awang pupule khünaknue awangle chang ang tomüi. Ifüima hwome ku a Jowanpa changpule awan ang kopüi.”

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

ISAIA 44:5

“Ta füima tale, khünaknue thüiüi: ‘Ku a Jowanpa kux changpu.’ Hwome a Israel khünaknu füi tuita ang achang ang nguiüi. Hwom pangnusae wüi ma suakto to ma Jowanpa mün zaüi ilaxle hwome hwom a Zang homkha khünak le nyaküi.”

TSAITAX-NGAONÜI 6:3

Ku mowünpa a ku kux changpu, ilaxle ku a chix kux changpu; chixe chix chunbu lili maipuabu tham to osüt asüt ang danle.

TSAITAX-NGAONÜI 2:16

Ku mongkün a ku kux, ku a chix kux. Chixe chix chunbu lili maipua tham to tux

MÜNCHUAK-TSAI 143:12

Ku tokya nang mongkün tokhange, ku zanpabu mik-amüt-hüi ilaxle ku to zothuple changkyabu pangwüi max ang tomkox, chemthüikoxle ku a nang dapa changle.

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

MÜNCHUAK-TSAI 116:16

Jowanpa, ku a nang dapa changle; anu lailaile kue chuwüi nang thothapu. Ozik-omüt tokya ku nange sünpu.

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

LAIPAO 19:5

Athax, hünzome ku kax ma laxle ku Tsaotsüt otya ma jangthom, hünzom a ku khünakbu ang changüi. Chaxwannu komle ku kux changpu; hünzom a kue zünle kopkya,