WANGSHEMBU MWOT 27:2 - OTSAO BAIBEL (BSI)

² Adramitin makhange Asia chaxwan tokya tinu khua zaknui to ka ang achwonle ngokya khua ma ngale achex. Thesalonika tokya Mesidonia sün tuita Aristarkas chuwüi kwom füi tomle tüikya.

WANGSHEMBU MWOT 27:2 ပူးပေါင်းရင်းမြစ်များ

WANGSHEMBU MWOT 19:29

Ija mwop ngaikyae tingnu pangkha towüi u. Hwome Pol füi tomle aham ngokya Gaia hia Aristarkas, Mesidonia tokya nyi kop ilaxle hokhi lax üntoxle tingnu ma noknu nguazua nui to akhangle asox.

FILEMON 1:24

Ilailaile ku mwottho ma üitho Mark, Aristarkas, Dema hia Luk hwomechu salam fale.

KOLOSI 4:10

Aristarkas, owa ku füi tomle kun ma tüipuix, chixe hünzom hato salam akatle, ilailaile Barnaba honao Mark-echu wüi salam akatle. (Chix hünzom hato namhüi thünba, Mark wünpwonle pongkop hüio le adangle fakya kax hünzome ami wüi kople thomdaoa).

WANGSHEMBU MWOT 28:16

Kwome Rom alopkya zuma, Rom sotkarie, Pol boma nyetmix lanlan laxlaxle, chix süisüi le ngo ang dan.

WANGSHEMBU MWOT 28:12

Kwom Sairaka tingnu to nguilaxle ikhato nyix azom nuile tox.

WANGSHEMBU MWOT 28:10

Ofüima hwome kwom ang hingho chaktwon huanuma kox, üntoxle otue kwom khua ma pao ang laipuix izumachu kwome tinu mongto wünham lom ma laxlili hwome khua ma shole fa.

WANGSHEMBU MWOT 28:2

Ikha tokya nokpubu kwom füi ipong müile asyen. Iponge zangwatle zangkong koxle hwome wüntak laxle kwom bibi wünpwonle kop.

WANGSHEMBU MWOT 21:5

Ikoxle hwom füi nui angkya kwom hanpak ashukle hüikya füi tomle, kwom achex ilaxle amikya kwom lom tangchuale le. Sheko lüka hia naosom hwom pangwüi kwom füi tomtomle tingnu akaile azui. Kwom pangwüie fa ma chikux athong üntoxle zangjop.

WANGSHEMBU MWOT 19:19

Khunhing twonle ngokya khünakbuechu wüi ma laipexbu apüi ilaxle noknue ngünle ibu zokle ashun. Hwome zokkya lai ibu otha athüt koxle jat punyi bün tha bang.

WANGSHEMBU MWOT 17:1

Okhi Amfipolis hia Apolonia akaile Jehudi nok sinagok tüikya Thesalonika to ngui.

WANGSHEMBU MWOT 16:17

“Ibu a Taitax Zang dabu changpu! Hwome hünzom hama hünzom khosün angkya olom apuale!”, le kaxzex nga le she-e Pol kwom man to.

WANGSHEMBU MWOT 2:9

Kwom a Parthia tokya, Medi nok hia Elam tokya; üntoxle Jehudi hia Kapadosia tokya; üntoxle Pontas hia Asia tokya;

KAXHO MÜIKYA LUK 8:22

Nyixta Jisu chix wangshembu füi khua ma ngalaxle thüi: “Kem jinu tale tachi to lehax.” Ikoxle hwom achex.