WANGSHEMBU MWOT 27:1 - OTSAO BAIBEL (BSI)

¹ Kwom Itali to khua ma ka angkya zangwün tsuak füima, hwome Pol hia mama khünak züita, hwomchu wüi kun ma thomkyabu (Agastan othom) Roman süpahi othom khama hota thakma apünkya süapahi alixachong Julias chak to kox.

WANGSHEMBU MWOT 27:1 ပူးပေါင်းရင်းမြစ်များ

WANGSHEMBU MWOT 25:25

Ikoxlechu ija khoma chix langdao le kaxfün koxtang chixe oma mokkya kue münatak ilaxle chix jaojaoe ija zangwün wanghom hato paokox le thüikya khoma kue pao ang koxpu.

WANGSHEMBU MWOT 25:12

Chix chakta füi zangwün laxle Festas-e lan: “Nange Chongwangpa hato kax koxdaokya daile, nang chix hato wüi pao angkya changle.”

WANGSHEMBU MWOT 10:1

Kaisaria ma Kornelia le amünkya mixsün tuita tüikya; chix a Itali nok süpahi lompa changkya.

WANGSHEMBU MWOT 27:11

Ikoxle hota thakma apünkya süpahi alixachonge Pol kax ma laxtülüi khuachei mix hia hopunu nyi kax ma wüi lax.

WANGSHEMBU MWOT 18:2

Ikhato chixe chongwangpa Klaodia-e Jehudi khünak nok wüi Rom haxtok angkya paoüno le kax koxle thomkya khoma, hokakonu Prisila koplaxle chwonchwonle Itali tokya nguikya Akuila apong. Chix a Pontas ma puxkya mixsün tuita changkya. Pol-e hwom hom ngün ang pao

IBRI 13:24

Hünzom lompabu pangwüi ang tamchu Zang khünaknu nok ang kwom salam fakox. Itali tokya mongong mixbuechu hünzom hato hwom salam akatle.

WANGSHEMBU MWOT 28:16

Kwome Rom alopkya zuma, Rom sotkarie, Pol boma nyetmix lanlan laxlaxle, chix süisüi le ngo ang dan.

WANGSHEMBU MWOT 27:43

Ikoxlechu süpahi alixachonge Pol khosün kopse tsu. Ikhoma chixe mama süpahibue ile mok ang tungkya abax. Tikhüi mankyabu thoma akhüile ta ilaxle akhüi ang chithokyabu pünkhao hia khuakhaobu ma koplaxle azuile hüi angkya chixe kaxkox.

WANGSHEMBU MWOT 27:6

Ijong khama hota thakma apünkya süpahi alixachonge Itali to ka angkya Alekjendria nok khua tuita atak laxle kwom ija khua ma angat.

WANGSHEMBU MWOT 24:23

Chixe nyekya alixachong ang Pol nyele thom angkya ikoxlechu hidaole chix mongmong ma ngo ang kox angkya üntoxle chix zuikhuibue chemchem jali koxtwon angkya taxabaxkox le thüi.

WANGSHEMBU MWOT 23:17

Ifüima Pol-e alixachong tuita selaxle thüi: “Ija naosün süpahi lompa hato paokox; chix ang chix füi wün angkya zangwün oli tuita tüile.”

WANGSHEMBU MWOT 23:11

Ofüi ja Pol zuima Jowanpa ajong üntoxle akax: “Taxza! Nange ija Jerusalem ma ku bama kaxkhi fadaoa, ilaxle nange Rom tingnu machu fa angkya changle.”

WANGSHEMBU MWOT 22:26

Otue ija alixachonge ija kax atatpuix, chix süpahi lompa hato pao ilaxle atüi: “Nange chem hwonpu? Ija mixsün a Roman nokpu tuita changa!”

WANGSHEMBU MWOT 21:32

Ifüi tomle süpahi lompae süpahi alixachongbu hia zangjang süpahi züizüi laxlaxle khünaknu hato zikle ngui. Süpahibu füi chix nguikya ngünlaxle khünakbue Pol to fitkya zak.

WANGSHEMBU MWOT 19:21

Ibu chang füima Mesidonia hia Akaia chaxwan to ahamle ngopongma Jerusalem to chat angkya Pol mongto texle atak. Chixe thüi: “Ikhato pao füima kue Rom tingnuchu wüi ngün angkya changle.”

WANGSHEMBU MWOT 16:10

Pol-e ija mikngün ohün ngünkya füi shemle kwom Mesidonia to pao ang achwon, chemthüikoxle ikha tokya khünakbu hato kaxho apua ang Zange sekya changpu le kwome lax.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

KAXHO MÜIKYA LUK 23:47

Süpahi akhokyae, chempangle changpuix ibu ngünlaxle Zang mün achuakle thüi: “Otsingtsingma chix a sukya khünak wüi changdaoa.”

KAXHO MÜIKYA LUK 7:2

Ikha to Roman alixachong tuita ang chixe huanuma künkya da tuita tüikya; ija khünak zikoxlaxle kakle ngokya.

MATHI 27:54

Süpahi akhokya hia chix füi tomle Jisu nyele ngokya mama süpahibue bütix sikya hia idule changkyabu ngünlaxle abanlaxle thüi: “Chix a otsingtsing ma Zang Hosa wüi changdaoa!”

DANEL 4:35

Chixe chaxwan tok angkya khünaknu to chem angchu chilaxle hule; zangkangting tokya kaxtaimixbu hia chaxwannu angkya khünak pangwüi chix chak fang ma tüile. Chix mongtex füi apüile owachu ajong ang müntho chichangba chixe mwot to tsa ang müntho.

MANGSOP 3:27

Ilaxle ija thuakjokle adu ang awanle kop angkya a tsünzün ma tüipongkhae sümüi.

WANWÜNKAX 19:21

Khünaknue mok angkya mwotlom pangnuli zingle chu ano koxlax, ikoxle ija tsuakle fa angkya a Jowanpae tix.

MÜNCHUAK-TSAI 76:10

Khünak mongtsik makhange süchongchongle mix nang achuak-achen angkya ngai; zantam angkya azangkyabue nang pangpwonbu thomüi.

MÜNCHUAK-TSAI 33:11

Ikoxlechu chix katzua a othuithuima ngopu; chix mongtex ma oshuk tamchitüi.

PONGWANG LAIPEX 50:20

Hünzome ku to oma hwonkya ningle sütdaokoxle chu, Zang ija omüi lom to laxpu ilaxle athax tüikya ningle khünaknu a e-ang chithole pu-tsa ang tompu.

WANGSHEMBU MWOT 28:1

Kwom pangwüi kakax alople azang laxle tix ija shuazo ang Malta le nyakkya awan ang kop.