WANGSHEMBU MWOT 26:5 - OTSAO BAIBEL (BSI)

⁵ Hwome kaxkhi fa ang jangtsuba, ku pongwang tokhange wüi kwom zanglom ma shingmongle tüikya farisi othom khato ngokya changpu. Ija hwome jento awan ngopu.

WANGSHEMBU MWOT 26:5 ပူးပေါင်းရင်းမြစ်များ

WANGSHEMBU MWOT 23:6

Otue Pol-e othom khama züizüi a sadukibu changa üntoxle mamabu a farisibu changa le ngünpuix, chixe nguawangbu füi azaxle akax: “Kutüi kunaohom! Ku anu apa hwomchu wüi farisi changkya daile ku chuwüi farisi changle. Kue zidaokya chatle azangle zoüi le ongkya khoma ikhama ku tsetwon angkya laipu!”

WANGSHEMBU MWOT 22:3

“Ku a Jehudi khünak, Silisia angkya Tarsas ma puxkya changle, ikoxlechu ija Jerusalem ma Gamaliel chitong ma lainao tuita ningle tsongle hüikya mix changpu. Bangkya kem pupa wanlom to angkya bama kue thutle awan kopkya changpu, ilaxle anyix hünzom ningle kuechu wüi tsuakkya apongle ma tsün Zang mwottho to koxle thomkya mix changpu.

WANGSHEMBU MWOT 24:5

Chix a onok tingtui adün ngokya za-adünkya mix changa le kwome awan ang kople; chixe zangfang pangnu khato wüi Jehudi khünakbu bama wuk alaile, ilaxlechu chix a Nazarait othom khama lompa changle.

WANGSHEMBU MWOT 22:5

Nguakhobu hia nguawangbue ija ku kax changtomta kox-a le kaxkhi fa ang tsuaküi. Damaska ma ngokya Jehudi khünakbu hato zakya hwom angkya laiza füi, ibu khünakbu koplaxle janbüi füi khak üntoxle sikangün ang Jerusalem to laxlaxle chat angkya hanpakmale ku Damaska to paokya changpu.

WANGSHEMBU MWOT 24:14

Changpu: hwome thaile le thüikya olom ma kue kwom pupa hwom Zang to shwomkoxa. Ile Mosa Wanlom ma hia ajebu Lai ma zakya pangnu to kuechu wüi ongpu.

WANGSHEMBU MWOT 15:5

Ikoxlechu Farisi le nyakkya othom kha angkya züizüi mongong mixbu ajong üntoxle thüi: “Hwome khwonzüt zom kai angkya wüi changüi üntoxle Mosa wanlom to angkya akax angkya wüi changle.”