WANGSHEMBU MWOT 26:22 - OTSAO BAIBEL (BSI)

²² Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

WANGSHEMBU MWOT 26:22 ပူးပေါင်းရင်းမြစ်များ

WANGSHEMBU MWOT 24:14

Changpu: hwome thaile le thüikya olom ma kue kwom pupa hwom Zang to shwomkoxa. Ile Mosa Wanlom ma hia ajebu Lai ma zakya pangnu to kuechu wüi ongpu.

JUHAN 5:46

Hünzome Mosa to jangong thüiningle ku tochu ongse, chemthüikoxle chixe zakya a ku bama zakya changpu.

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

KAXHO MÜIKYA LUK 24:44

Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”

KAXHO MÜIKYA LUK 24:27

Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

ROM NOK HATO ZAKYA POL LAIZA 3:21

Ikoxle athax a Zange khünak chix füi muamüi angkya olom a ngaile ahodaoa, ilaxle ija ma wanlom füi saxmok angkya chemchu müntüi. Wanlom üntoxle ajebue ija to hwom kaxkhi fale changkox a le thüile!

1 SAMUEL 7:12

Ifüima Samuel-e long tuita lax, ija Mizpah hia Shen nyi zo ma küi ilaxle thüi: “Jowanpae anyix alople kem to fongle hüidaoa”, ilaxle ijakha ang chixe “Fongkya Longnu”, le nyak.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

WANGSHEMBU MWOT 26:17

Israel khünak hia mixnok owa hato kue nang tomle apaoüihex, hwome nang to chakmok janlang ang münfaüi.

WANGSHEMBU MWOT 26:6

Kwom putong hwom ang Zange tsaokya to onglaxle sungle ngokya khoma athax ku ikhama tsetwon ang ajongle thompu.

JUHAN 5:39

“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle.

JUHAN 1:45

Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

KAXHO MÜIKYA LUK 24:46

Üntoxle chixe hwom ang thüi: “Khrista sikngün zolit angkya oli changle, üntoxle nyix azom lekya to chatle azangle zoüi,

MÜNCHUAK-TSAI 124:8

Kem hato ofong-otsox a ding-hi-hax zingkya Jowanpa tokhange tix hüipu.

MÜNCHUAK-TSAI 66:12

Nange kwom zanpabue kwom to nak ang tom; wün hia tinu-mualyemkya akaile kwomle, ikoxlechu athaxpi nange kwom a chaza angkya chitüikya chifün hato apüidaoa.

MÜNCHUAK-TSAI 18:47

Chixe ku ang zanpabu to lüt ang koxpu; chixe chaxwannu nok ku fang to ajopu,

IZRA 8:31

Ahawa Tilom dantoxle laxle Jerusalem to pao ang kwom achexkya a pongwang lükya lyetjang nyixbün anyi nyixkha changkya. Kwom Zang a kwom füi tüikya. Chixe kwom zanpabue ziakople hungokya chak tokya khosünle lomjang fole azui.

MIKNGÜN-OHÜN 20:12

Üntoxle chongwang tüntong thüntho ma mangbu, chongkya hixkya talailaile ajongkya kue ngün. Laipexbu dap, ilaxle mama laipexchu dap, ija a khüzün Laipex. Laipexbu ma chemle bangpuix, ija ningle hwome ma mwot füifüi to zidaokyabu ang kaxfün fa.

MIKNGÜN-OHÜN 11:18

Chaxwannu khünak ang, tüle mongtsike awang; nang mongtsik hanpak tamchu, omangbu kaxfün hanpak, nguile hüiünkoxle; nang thothakya ajebu, nang khünaknu pangnu; nang chathua zale tüikyabu, hixkya, chongkya pangwüi to, nang mohiman hanpak nguile hüile. Chaxwannu amütkyabu amüt angkya, hanpak nguile hüile.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.

MATHI 26:24

Khünak Hosa a Otsao Lai kax ma tüikya ningle zilaxüi, ikoxchu Khünak Hosa khohang angkya mix a maxsax! Ija khünak zongma chix a chipux kox wüi müise dai!”

KAXHO MÜIKYA LUK 16:28

Ikha to kutüi kunao hwom aga tüile. Chix chatlaxle hwom hato kax naxfa; ile chichang thüiba hwomchu wüi ija sikngün nui to hüiüi changa.’

WANGSHEMBU MWOT 13:29

Chix bama Otsao Lai ma zale tüikya ningle hwome komkaile chix to hwonkya füima, chix füito azuikyabue chix mang pünsak angkya ajo ilaxle zule tox.

1 KORIN 15:3

Kue kopkya, okhüzax ang laxlaxle kue hünzom hato taile fakya a: Otsao Lai ma zale tüikya ningle, Khrista kem ochax khoma zipu;

1 KORIN 15:4

Otsao Lai ma zale tüikya ningle chix akhün füima nyix azom lükya to chatle azangle zopu;