WANGSHEMBU MWOT 26:13 - OTSAO BAIBEL (BSI)

¹³ Ija a lom fawa to tüipongma tungto shene changkya, O Wanghompa! Zanghan füingaxchu sütsexkya wünnyan tuitae ku ilaxle ku füi tomle tüikya khünakbu akhople nyankya kue ngün.

WANGSHEMBU MWOT 26:13 ပူးပေါင်းရင်းမြစ်များ

MATHI 17:2

Hwome hule ngopongma wüi Jisu sün lüile hüi; chix thün zanghan ningle nyan, ilaxle chix nyizabu a tüle nyanle tse.

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

MIKNGÜN-OHÜN 1:16

Chix a tsaxchi chak ma lyettsi anüt koplaxle tüikya, ilaxle nongnong-naxkya changlo chix wikha makhange lai. Chix thün a tungto senyan ningle nyanle tüikya.

WANGSHEMBU MWOT 22:6

“Ile ku ahamle Damaska kop-hax khakha ma tüipongma, tungto shene, ding tokya wünnyane allele ku akhople nyan.

WANGSHEMBU MWOT 9:3

Chix Damaska to paoüi lom to, ija tingsho hato namle tüipongma, allele ding tokya wünnyane chix akhople nyan.

ISAIA 30:26

Lyetnu a zanghan tukux nyanle tüiüi, ilaxle zanghan a jao angkya to othom anüte nüile, nyix anüt mongma nyakkya senyan zong ta ma asüilaxle nyankya ningle nyanüi. Jowanpae chix khünakbu to maklaxle tüikya to lople amüikya zuma ija ile changüi.

ISAIA 24:23

Lyetnu a nakle paoüi, ilaxle zanghane nyankya zakle maxüi, chemthüikoxle Jowanpa Khüthak Zang a wanghom ang changüi. Chixe Jerusalem ma Zaion Haxnu dingma apün-awangle changüi, ilaxle khünaknu lompabue chix fuazangkya ngün ang kopüi.

WANGSHEMBU MWOT 22:9

Ku füi tomle tüikya khünakbue wünnyan ngün üntoxle ku füi akax ngokya kaxzing chiatat.

WANGSHEMBU MWOT 26:12

Nguakhobu angkya laiza hia kaxtom koplaxle ku Damaska to paokya ija mwot hanpakma changkya.

WANGSHEMBU MWOT 26:14

Kwom pangnu wüi hax to nguak, üntoxle kue ku füi Ibri kax ma akaxkya ile atat: “Sol! Sol! Nange ku zo büthüikoxle thup ngopu? Kiajun to ho puixle nang thomzünle laxüi.”