WANGSHEMBU MWOT 26:10 - OTSAO BAIBEL (BSI)

¹⁰ Jerusalem ma kue mokkya a ija: Nguakhobu angkya laiza koplaxle, otsao khünakbu kun ma shole thomkya tata chichangle hwom langkya zumachu ku hwom langpabu chima sepu.

WANGSHEMBU MWOT 26:10 ပူးပေါင်းရင်းမြစ်များ

WANGSHEMBU MWOT 8:3

Ikoxlechu Sol-e müimüithom pün ang azong. Chix hom-hom to ngui ilaxle mongong mixbu sheko lüka pangwüi linle alai ilaxle hwom pangnusa wüi kun ma sho.

WANGSHEMBU MWOT 9:21

Chix kaxzing atatkyabu pangwüi abüt ilaxle tata ma atüi: “Ija mixsün a Jerusalem ma Jisu mün ma zangshwom ngokyabu lang-huakkya mix münchangkox hia? Üntoxle chix ikhato nguikyachu wüi nguakhobu hato iningkyabu koplaxle chat ang nguikya münchang hia?”

1 KORIN 15:9

Ku a wangshembu khama oshuk oza tix changlax a, ilaxle kue Zang müimüithom zothup daokya khoma, ku ang wangshem le nyak koxlechu chiasu.

WANGSHEMBU MWOT 9:26

Sol Jerusalem to chatlaxle Jisu füizuimixbu othom khato hak ang azong. Ibachu hwome chix to, chixchu wüi Jisu to ongkya mix tuita changpu le chiong, ilaxle hwom pangwüi chix thua za.

WANGSHEMBU MWOT 8:1

Ija nyix wüi Jerusalem angkya müimüithom khünaknue zothuple sikngün apong angkya owang wang. Wangshembu tata dantoxlaxle mongong mixbu pangwüi Jehudi hia Samaria chaxwan to afale pao.

WANGSHEMBU MWOT 7:58

üntoxle tingnu akaile alai laxle hwome chix long füi thuple lang. Sol le amünkya naosün tuita chitong ma nyehüio le hakhibue hwom nyiza tox.

MIKNGÜN-OHÜN 17:6

Ija mixcha a Zang khünaknu aji hia Jisu kax ma laxle tüikyabu langkya ajibu ling laxle tokkya kue ngün. Otue kue she ngünpuix, ku ang tüle jepa.

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

GALATIA 1:13

Kue Jehudi zanglom twonle ngopongma ku chemle ngokya hex. Chingcha jaojao chitüi le kue Zang müimüithom zo chemle thupkya hex ilaxle ija oli thule amüt ang ku zongbakle azongkya bama hünzom hama wündaoa.

WANGSHEMBU MWOT 9:41

Pitar hüi ilaxle she ajong ang asun. Ifüima chixe Jisu wangshembu tamchu zomnubuchu wüi womle nyak ilaxle she chixe hwom ang ozün ma achatle kox.

WANGSHEMBU MWOT 9:32

Pitar pangnu khato aham, ilaxle hanpak tuita ma chix Lidia ma tüikya Zang khünakbu wai ang ngui.

MÜNCHUAK-TSAI 16:3

Jowanpa to mongong tüikya khünakbu chemtukux ataxkya hex! Hwom füi ngo angkya a ku mongmüi akhokya changpu.