WANGSHEMBU MWOT 25:10 - OTSAO BAIBEL (BSI)

¹⁰ Pol-e lan: “Kaxfün angkya wanghom khwa thüntho ma ku ajongle ngopu. Kue Jehudi khünakbu bama thaikya mwot chemchu mamok, ija nange sümüile tsinglax ngopu.

WANGSHEMBU MWOT 25:10 ပူးပေါင်းရင်းမြစ်များ

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

WANGSHEMBU MWOT 28:18

Hwome ku ma kaxtikle anolaxle, ku ma mik maxtang le oma mokkya chemchu chitüikya khoma hwome ku dansele tsu.

WANGSHEMBU MWOT 26:31

üntoxle achale paolaxle hwome tata füi zangwün: “Chix mik maxtang chichangba kun ma shole thomtang le ija mixsün ma thaikya müntüi.”

WANGSHEMBU MWOT 25:25

Ikoxlechu ija khoma chix langdao le kaxfün koxtang chixe oma mokkya kue münatak ilaxle chix jaojaoe ija zangwün wanghom hato paokox le thüikya khoma kue pao ang koxpu.

MATHI 27:18

Jehudi nok pünpa-chongwangbue Jisu Khrista a chix ang owüiole koxdaoa le tsing; chemthüikoxle hwome chix to miktsak.

WANGSHEMBU MWOT 25:17

Otue hwom ikhato hüipuix, ifüima kue ifüi nyix wüi kaxfün khwa ma thung laxle ija mixsün apüi angkya kaxkox.

WANGSHEMBU MWOT 25:6

Hwom füi tomle Festas nyix achyet chichangba nyix bün Jerusalem ma nui, ifüima Kaisaria to ngui. Ofüinyix chix kaxfün angkya nui khwa ma thung, ilaxle Pol apüi angkya kaxkox.

WANGSHEMBU MWOT 23:29

Ikoxle tomtatale chix langtang üntoxle kun ma shotang chix ma thaikya kue münatak tsuak; chix ma kaxhux fekya bama hwom wanlom bama atüi-atua ano koxtix müikya lima tüile.

MATHI 27:19

Pilat kaxfün tüntong ma thungle tüiponge, chix kakonue chix hato kaxho tuita ahüi: “Ija otsao khünak to nange chemlechu taxmok; chemthüikoxle awün wünmang chito chix bama ku ang tüle sikngün daoa.”