WANGSHEMBU MWOT 24:5 - OTSAO BAIBEL (BSI)

⁵ Chix a onok tingtui adün ngokya za-adünkya mix changa le kwome awan ang kople; chixe zangfang pangnu khato wüi Jehudi khünakbu bama wuk alaile, ilaxlechu chix a Nazarait othom khama lompa changle.

WANGSHEMBU MWOT 24:5 ပူးပေါင်းရင်းမြစ်များ

WANGSHEMBU MWOT 28:22

Ikoxlechu nang tutex kwome nang makhange atatle laxse tsupu, chemthüikoxle nang hakkya othom mo pangnu khato wüi omale wünkya kwome awanle ngole.”

WANGSHEMBU MWOT 24:14

Changpu: hwome thaile le thüikya olom ma kue kwom pupa hwom Zang to shwomkoxa. Ile Mosa Wanlom ma hia ajebu Lai ma zakya pangnu to kuechu wüi ongpu.

WANGSHEMBU MWOT 26:5

Hwome kaxkhi fa ang jangtsuba, ku pongwang tokhange wüi kwom zanglom ma shingmongle tüikya farisi othom khato ngokya changpu. Ija hwome jento awan ngopu.

WANGSHEMBU MWOT 15:5

Ikoxlechu Farisi le nyakkya othom kha angkya züizüi mongong mixbu ajong üntoxle thüi: “Hwome khwonzüt zom kai angkya wüi changüi üntoxle Mosa wanlom to angkya akax angkya wüi changle.”

1 KORIN 4:13

otue kwom to adix-adapuix, kwome kaxmüi makhange lanle. Athax kwom a ija chaxwannu thuakthuak nui tamchu awüt daokya jali oma-oshix boma mama chem angchu münchang!

WANGSHEMBU MWOT 21:28

Hwome akhongle thüi: “Israel khünaknu! Kwom to asunhüi! Kem Israel khünaknu hia Mosa Wanlom tamchu ija Zangshwom-Hom füi opüipüi pangnu hama apua-ano le pangnu khato aham ngokya mixsün a ija changle. Ilaxle athax tomning chixe mixnok Ija Zang shwomnui to apüikya makhange ija Otsao Nui chitsaokya ang achangdaoa!”

WANGSHEMBU MWOT 5:17

Ofüima Nguakho hia ikhama tüikya sadukibu khama mün tüikyabu, opang chix füikyabu changkya hex, hwom mongto wünchua dong le wangshem nyi to miktsak; idaile hokhi ang sikngün fa angkya wüi changpu le hwome zangwün tsuak.

KAXHO MÜIKYA LUK 23:2

Ikha to hwome chix ma kaxfele akax: “‘Chongwang süi taxtha üntoxle Ku Messaiah, wanghom changpu’ le akaxle chix jaojaoe khünaknu chichangkya lom to jikle pao ngokya, ija mixsün kwome koppu.”

1 PITAR 2:19

Jowanpa tutex bama khangka hingkya füi olom ma chihüi koxlechu mae apongkya sikngün adule jangtüi thüiningle, ija khoma Zange adukya mix to mohimanüi.

1 KORIN 11:19

(Chem mongaoüi, otsingtsing ma sukyabu atsingsho le ngaile aho ang hünzom ile ahak ahan angkya jao changle).

WANGSHEMBU MWOT 22:22

Ija kax akaxkya kople khünaknue Pol zangwün to apale ngo; ifüima hwom azaxle akhong: “Chix lumpan akaidao! Chix ozün ma ngofang münchang!”

WANGSHEMBU MWOT 6:13

Stefen khohang le akax angkya khünakbuchu wüi hwome laxlax le ngui. Hwome thüi: “Ija mixsüne ojento kem Zangshwom Hom hia Mosa Wanlom mo amale wünle.

KAXHO MÜIKYA LUK 23:25

Tuwuk alaikya hia mix langkya khoma kun ma shole thomkya mixsün chixe dan, ilaxle hwom mongtsutsu ma mok angkya Jisu a owüiole hwom chak to kox.

KAXHO MÜIKYA LUK 23:19

(Barabba a tingnu ma tuwuk alaikya hia mix langkya khoma kun ma hakle thomkya mix changkya).

KAXHO MÜIKYA LUK 23:5

Ikoxle hwome tamtaile atsang: “Chixe anwot-anokya makhange Jehudi chaxwan pangnu khato wüi tuwuk alai le. Chixe Galili makhange owang wanglaxle athax ikha alopüna.”

MATHI 10:25

Lai nao tuita nwotmix ningle tamchu da tuita hopunu ningle achang angkya mongtex sha angkya oli changle. Homkha ma akhokya ang Belzebul le jangnyakba, homkha angkya khünakbu ang tamtaikya mün oma fa angkya changle.

MATHI 2:23

Ikhato hwom Nazareth le nyakkya tingsho ma hom-hax zaile anok. “Chix ang Nazareth nok le nyaküi”, le tüikya Jowanpa kax kotok to ngai.

AMOS 7:10

Bethel angkya nguapa Amaziah-e ifüima wanghompa Jeroboam hato ija kax hole thüi: “Khünaknu khato Amos-e nang zan to ka angkya olom zingle ngole. Chix zangwün makhange onok amüt angkya changle.

JEREMIA 38:4

Ifüima nguak-wangkhobu wanghompa hato ngui ilaxle thüi: “Ija khünak ang lang koxle müiüi. Ija ningle zangwünkya füi chixe tingnu angkya süpahibu ang mong ahikle, ilaxle tingnu ma danle toxkya pangnusa füi chixe ile mokle. Chixe khünaknu to fong ang münazong; chixe hwom mongthomzün angkya tata thütle.”

ESTAR 3:8

Ikhoma Haman-e wanghompa füi akax: “Nang chaxwan zangfang angkya wangtsak ting pangnu khato chiakle tuita jat-li tüile. Hwome mix füi ajüikya wanlombu twonle. Tamtai lechu hwome kem chaxwan angkya wanlombu kax ma münlax, ikhoma ibu ngo ang tomkya ma nang ang olüi chemchu müntüi.

JEREMIA 37:13

Ikoxle chemtue kue Benjamin Zünkai alople changpuix, ikhama süpahi lompa ang ngokya alixachong, Shelemiah sasün, Hananiah susüne ku azak ilaxle thüi: “Nange ija Babilon nok hato tok ahokya changpu!”

MARK 1:24

Chixe thüi: “Kwom tata danhüi, nang füi kwom ang chem mwot tüikya, nang Nazareth nok Jisu? Nang ikhato kwom amüt ang hüipia? Nang owa hex kue awanle: Nang a Zang tokya Otsao changpu!”

WANGSHEMBU MWOT 24:4

Kue hanpak aluile okuilo le laxkya tokhange nang mong ngwom ang tomse müntsu, ikoxle nange chingcha üntoxle kue amoxle wünkya kwom zangwün to mongkoxle shong apahüi le texpu.

WANGSHEMBU MWOT 25:7

Pol nguikya zuma, Jerusalem tokhange nguikya Jehudi khünakbu chix akhople ajong ilaxle thüi: “Ija khünake mwotma huanuma wüi mokdaoa.” Ikoxlechu ibu kaxfyet bama hwome ngaitho le kaxkhi fa ang chitho.