WANGSHEMBU MWOT 24:24 - OTSAO BAIBEL (BSI)

²⁴ Nyixta anyi füima Felik kakonu Drusila, owa Jehudi cha changpuix, she füi ngui. Chixe Pol apüi ang tom ilaxle chixe chix füi Khrista to mongongkya bama wünkya apa.

WANGSHEMBU MWOT 24:24 ပူးပေါင်းရင်းမြစ်များ

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

GALATIA 2:16

Ikoxlechu khünak tuita Zang zongto sukya ang achang angkya a Jisu Khrista tokya mongong makhange tix changle. Wanlome alomlom mokkya tokhange tix le otuechu münchang, ija keme awan ngopu. Wanlom ma tüikya lwot tokya makhange le chichang homtoxle kem mongong makhange Zang zongto sukya ang achang angkya kuxma kemechu wüi Jisu Khrista to ongpu. Chemthüikoxle wanlome alomlom pangwüi lwot tokya makhange ochaxbu Zang zongto sukya ang münachang tox.

MIKNGÜN-OHÜN 14:12

Opange Zang kaxtombu kax ma lax üntoxle Jisu tokya mongong ma shingmongle ngopuix, ibu Zang khünakbu hanpakma ikhama adu angkya lomle.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

1 JUHAN 5:1

Jisu Khrista to Messaiah changpu le ongkya mix a Zang susa changle; üntoxle Hopa to mongkünkya mixe Hosa tochu mongkünle.

GALATIA 3:2

Ku hama ija apuahu: Hünzome Zang Chasa, wanlom lwot tokya makhange koppia hia Kaxho Müikya atatlaxle ija to ongkya makhange koppuix?

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

WANGSHEMBU MWOT 26:22

Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

WANGSHEMBU MWOT 16:31

Okhie lan: “Jowanpa Jisu to onglax, jangthüiba nang ilaxle nang homkha pangwüi azangüi.”

KAXHO MÜIKYA LUK 23:8

Jisu ngünkya zuma Herod mong huanuma müi, chemthüikoxle chixe chix mo wünkya atatle ngo laxle, amipong tokhange wüi ngünse le sung. Jisu-e ohünotün mwot mokkya ngün ang kopüi le chixe thüt.

KAXHO MÜIKYA LUK 19:3

Chixe Jisu owahex ang ngünse tsu, ikoxlechu chix mixmox daile khünake tukle Jisu ngün ang chitho.

MARK 6:20

Chemthüikoxle Herod-e, chix thaikya chitüikya otsao khünak tuita changpule awanlaxle chaza üntoxle sünle thom; ilaxle chix ang Juhan kax atat-tatba huanuma khangkho sam. Ile changkoxlechu chixe Juhan kax apase le tsu.

WANGSHEMBU MWOT 24:25

Ikoxle Pol-e künmüi mongmüikya, malailai to akumathumkya tamchu hüile ngokya kaxfün nyix bama wünkya thoto Felik aban ilaxle thüi: “Athax nang pao ang tsuaküi, kue hanpak atakkya zuma kue nang chatle seüihex.”