WANGSHEMBU MWOT 24:16 - OTSAO BAIBEL (BSI)

¹⁶ Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

WANGSHEMBU MWOT 24:16 ပူးပေါင်းရင်းမြစ်များ

WANGSHEMBU MWOT 23:1

Pol-e nguawangbu to tangthole hu ilaxle akax: “Kutüi kunaohom! Anyix kople Zang pomtho ma ku tsün bama ku khangka tsaotha le otya ma wüi tüitan.”

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

2 KORIN 4:2

Zakkop hia huxsa mwot komle kwome tokna to toxdaoa; kwome a mix dyen-nganle münmok, chichangba kwome Zang kax chichangkya ang münachang. Zang miksho ma kwome otsingtsing kaxho ngaitho le apukpu, ilaxle pangnusae wüi kwom to sule le naxhu le texpu.

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

ROM NOK HATO ZAKYA POL LAIZA 2:15

Hwom zanglom saikha makhange wanlom ma chemle tüipuix ija hwom mong ma zale thomkya ahole. Hwom khangka machu ija changkox a ahole, chemthüikoxle hwom mongjange tamtampong hwom khosele.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

TITA 1:15

Ma alüile tsaole ngokyabu zong to pangnu wüi otsao; ikoxlechu mongong chitüikya hia achax le ngokyabu zong to tsaokya chemchu müntüi, chemthüikoxle hwom khangka hia tutex tsaotha le chitüi.

1 KORIN 4:4

Ku khangka tsaotha le tüile, ikoxlechu ijae ku sukya mix changpu le ahoüi münchang. Ku bama kaxfün angkya a Jowanpa changle.

1 PITAR 3:16

Ikoxlechu ija kax to zingmüi ma tamchu chathua zakya füi lankox. Hünzom zanglom saikha müikya ngünlaxle, Khrista füito azuikyabu le hünzom ahai le ada pongma hwome thünzak kop angkya kuxma hünzom tutex tsaotha le thomlax.

1 PITAR 2:19

Jowanpa tutex bama khangka hingkya füi olom ma chihüi koxlechu mae apongkya sikngün adule jangtüi thüiningle, ija khoma Zange adukya mix to mohimanüi.

IBRI 13:18

Kwom hanpakma zangjople ngohüi. Kwome awanle ngopu, kwom khangka hingle tüile, chemthüikoxle chaliama kwome chem supuix ija mokse tsupu.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

2 TIMOTHI 1:3

Ku putong hwome mokle hüikya ningle khangka hingle kue Zang owa thothapuix, kue chix ang münchong fapu. Zangnak zangngai ku zangjop ma hünzom texle atak pongma kue chix to münchong fapu.

1 THESALONIKA 2:10

Hünzom mongongkyabu zongto kwom zanglom saikha tsaotha le tüikya, sukya ilaxle thaikya kha chitüi le tüikya changpu le kaxkhi ang hünzom changle ilaxle Zang chuwüi changle.

1 TIMOTHI 3:9

mongong ma ngaile ahokya otsingtsing to khangka füi shingmong le kün angkya changle.

1 TIMOTHI 1:19

Nang mongong shingmongle thomkox ilaxle khangka tsaotha le tüikox. Züizüi khünake hwom khangka kax ma chilax homtoxle hwom mongong oli thu ang koxle.

ROM NOK HATO ZAKYA POL LAIZA 9:1

Kue chem akaxpuix ija a otsing tomtata changle; Ku Khrista kux changle ilaxle ku münatse. Otsao Chasae awang laxle ngokya ku khangkaechu münatse lüwüi thüile.

1 KORIN 10:32

Jehudi nok wüi changlax chichangba mixnok wüi changlax chichangba Zang müimüithom wüi changlax, owawa angchu tingtui chiadün le ngolax.