WANGSHEMBU MWOT 24:14 - OTSAO BAIBEL (BSI)

¹⁴ Changpu: hwome thaile le thüikya olom ma kue kwom pupa hwom Zang to shwomkoxa. Ile Mosa Wanlom ma hia ajebu Lai ma zakya pangnu to kuechu wüi ongpu.

WANGSHEMBU MWOT 24:14 ပူးပေါင်းရင်းမြစ်များ

WANGSHEMBU MWOT 9:2

üntoxle Jowanpa-e ahokya lom tokyabu owawa jangbang thüiba, chixe hwom sheko lüka pangnu kop ilaxle Jerusalem to laxlaxle chat ang tsuak angkya bama, Damaska tokya Jehudi nok sinagokbu ma akhokyabu hato, chix owa hex tamchu chixe chem mok angkya zong koplaxle nguipuix, ibu apuale süntsing münwan fakya laiza jule kop.

ROM NOK HATO ZAKYA POL LAIZA 3:21

Ikoxle athax a Zange khünak chix füi muamüi angkya olom a ngaile ahodaoa, ilaxle ija ma wanlom füi saxmok angkya chemchu müntüi. Wanlom üntoxle ajebue ija to hwom kaxkhi fale changkox a le thüile!

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

WANGSHEMBU MWOT 3:13

Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao.

WANGSHEMBU MWOT 26:22

Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

WANGSHEMBU MWOT 24:5

Chix a onok tingtui adün ngokya za-adünkya mix changa le kwome awan ang kople; chixe zangfang pangnu khato wüi Jehudi khünakbu bama wuk alaile, ilaxlechu chix a Nazarait othom khama lompa changle.

2 TIMOTHI 1:3

Ku putong hwome mokle hüikya ningle khangka hingle kue Zang owa thothapuix, kue chix ang münchong fapu. Zangnak zangngai ku zangjop ma hünzom texle atak pongma kue chix to münchong fapu.

WANGSHEMBU MWOT 26:27

Wanghompa Agripa! Nange ajebu kax to ongchahex? Kue texpu nange ongle ngoüna!”

MIKNGÜN-OHÜN 19:10

Chix shwom ang ku chix chitong ma akhux, ikoxle chixe ku ang thüi: “Nange ile taxchang! Kuchu wüi hünzom füi tamchu hüntüi hünnaohom, opange Jisu-e angaikya otsingtsing ma shingmongle koplaxle tüipuix, hwom lailaikya da tuita changle. Zang shwomkox! “Chemthüikoxle Jisu-e angaikya otsingtsing a cheme ajebu mong ma zangwün puix ija changpu.”

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

TITA 3:10

Ahak ahankya alaikya mix ang othom anyi tukux ma kaxkhün laxkox, ifüima chix füi saxmok angkya mwot chemchu müntüi.

GALATIA 5:20

chapa shwomkya; khunkya; achax-azankya; anu-ahaikya; tuwuk-lajat; miktsak-khangsyen; küntsik-mongma; atsi-alakya; jenu-shipa;

1 KORIN 11:19

(Chem mongaoüi, otsingtsing ma sukyabu atsingsho le ngaile aho ang hünzom ile ahak ahan angkya jao changle).

WANGSHEMBU MWOT 26:6

Kwom putong hwom ang Zange tsaokya to onglaxle sungle ngokya khoma athax ku ikhama tsetwon ang ajongle thompu.

WANGSHEMBU MWOT 24:22

Ifüima Felik, owa hama Jowanpa lomtang müile apuale thomdao laxpuix, chixe tse atwonkya zangwün ashuk ang kox. Chixe hwom ang thüi: “Süpahi-Lompa Laisias ngui ningle tix, hünzom tsetwon zangwün kue wünle tsuaküihex.”

WANGSHEMBU MWOT 22:14

Chixe thüi: ‘Chix mongtex tsing angkya chix otsao da ngün angkya üntoxle chix tun makhange akaxkya chix kaxzing atat angkya hanpakma kem pupa hwom Zange nang zünle kopdaoa.

WANGSHEMBU MWOT 19:9

Ikoxlechu hwom khama züizüi mongkhüikyabu tüikya ilaxle ibue mong chiongtsuak. Ilaxle khünaknu thüntho ma hwome Jowanpa lomtang bama kaxma thüi. Ikhoma Pol-e ibu dantoxlaxle Jisu wangshembu chix füito laxlax tox; üntoxle Tairanas khünaknu pünzün wangsaikya homnu ma chixe nyixfo to khünaknu füi zangwün ma aswot.

WANGSHEMBU MWOT 13:15

Mosa wanlom angkya hia ajebu lai angkya e üntoxle sinagok angkya alixachonge hokhi hato kaxhole thüi: “tüinao nyi, hünkhi ma zong adün angkya kax chemchem jangtüi thüiningle kwome, khünaknu füi hünkhi tam namakaxbae le textüia.”

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

WANGSHEMBU MWOT 7:32

‘Ku a hünzom putong Abraham, Isak, Jakop hwom Zang changpu.’ Mosa zale abün laxle hu ang chichwom le akhux.

WANGSHEMBU MWOT 5:30

Hünzome pünsak ma takle langkya füima, kwom pupa hwom Zange ija Jisu chatle azang ang tompu.

JUHAN 1:45

Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”

KAXHO MÜIKYA LUK 24:44

Ifüima chixe hwom ang thüi: “Mosa Wanlom üntoxle ajebu Lai hia Achuak Tsai ma ku bama chempangle zale tüilaxpuix, ibu ngai angkya oli changle le kue ibu zangwün bama ku hünzom füi tomle tüipongma wüi akaxdaoa.”

KAXHO MÜIKYA LUK 24:27

Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.

KAXHO MÜIKYA LUK 16:29

“Ikoxle Abrahame thüi: ‘Hwom hama apua ang Mosa hia ajebu Lai tüile; hwome ibu kax ma naxlaxkox a.’ Chatlechu chixe thüi: ‘Münchang Apa Abraham, itatae mwot münthapüi.

KAXHO MÜIKYA LUK 16:16

“Juhan nguikya kople Mosa Wanlom hia ajebu chakza mwot ma hüile wüi tüikya; ipongma Zang Wangting bama Kaxho Müikya apuk ilaxle ikha to pangnu wüi atinle nop.

KAXHO MÜIKYA LUK 1:70

Kaipong ma wüi chix otsao ajebu, makhange tsaokya tüikya;

MATHI 22:40

Mosa wanlom komkaile tamchu ajepabu kax bakle ija wanlom anyi ma tix athongle tüile.”

MATHI 10:32

“Owawae noknu thüntho ma chix ku kux hex le jangngai thüiba, zangkangting to ngokya Apa pomtho ma kuechu chix pongle kop angkya changle.

MATHI 7:12

“Ijadaile ma to mixe chemle hwonkya ma zongma müipuix ija ningle hünzomechu wüi hwom ang mokle laxkox.

MIKA 4:2

ilaxle hwom khünakbue thüiüi, “Oman, kempi Jowanpa haxkho to donghax, Israel nok Zang Zangshwom-Hom to. Keme chem naxmokse thütpuix ija chixe kem hama anwot-anole faüi; chixe zünle kopdaokya lomtang ma kem ahamüi. Chemthüikoxle Jowanpa hwon-nwot a Jerusalem tokhange hüile; Zaion makhange chixe chix khünaknu füi zangwünle.”

AMOS 8:14

Opange Samaria angkya chapabu, Dan angkya baozang mün ma chichangba ‘Bersheba angkya baozang mün ma’ tsaosaxlaxle changpuix, hwom a nguakle paoüi ilaxle tamchatle chizole changüi.”

MÜNCHUAK-TSAI 119:46

Nang kaxtombu kue wanghombu hato tsing ang tomüi ilaxle ku ojao münazaküi.

1 PUKAX-PANGAO 29:18

Kwom putong Abraham, Isak, hia Jakop, hwom Khüthak Zang, nang khünaknu mong khama iningkya haxjop-zangkhom jento janzüi tüikya füi ngo ang tomkox ilaxle jento nang to mongong tüikya füi ngo ang tomkox.

LAIPAO 3:15

Zang-e chatle chu Mosa ang thüi: “Nange Israel khünaknu ang ile thüikox, ‘Hünpu-hünpa Abraham, Isak hia Jakop hwom Jowanpae tsanle akatpu’, ija a jento ku mün, ilaxle tsüntsün to ija a ku homjen changpu.

WANGSHEMBU MWOT 19:23

Ija tuke Jowanpa lomtang bama Efisia ma khamkhitle wuk lai.

WANGSHEMBU MWOT 15:5

Ikoxlechu Farisi le nyakkya othom kha angkya züizüi mongong mixbu ajong üntoxle thüi: “Hwome khwonzüt zom kai angkya wüi changüi üntoxle Mosa wanlom to angkya akax angkya wüi changle.”

WANGSHEMBU MWOT 25:8

Ikoxle Pol-e ma khosele akax: “Kue Jehudi wanlom zongtochu chichangba Zangshwom-Hom bamachu, chichangba Roman wanghom bamachu thaikya mwot chemchu mamok.”

WANGSHEMBU MWOT 26:4

“Jehudi khünak noke wüi ku naosom tokhange chemle ngole hüikya hex komle awan ngopu. Owang tokhange wüi ku tsün kwom chaxwan to hia Jerusalem ma chemle ngole hüipuix hwome awanle ngopu.

WANGSHEMBU MWOT 28:22

Ikoxlechu nang tutex kwome nang makhange atatle laxse tsupu, chemthüikoxle nang hakkya othom mo pangnu khato wüi omale wünkya kwome awanle ngole.”

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.