WANGSHEMBU MWOT 23:6 - OTSAO BAIBEL (BSI)

⁶ Otue Pol-e othom khama züizüi a sadukibu changa üntoxle mamabu a farisibu changa le ngünpuix, chixe nguawangbu füi azaxle akax: “Kutüi kunaohom! Ku anu apa hwomchu wüi farisi changkya daile ku chuwüi farisi changle. Kue zidaokya chatle azangle zoüi le ongkya khoma ikhama ku tsetwon angkya laipu!”

WANGSHEMBU MWOT 23:6 ပူးပေါင်းရင်းမြစ်များ

WANGSHEMBU MWOT 24:21

hwome kuma chem zia ama le thaikya atakpuix ibu naxwün fa.”

WANGSHEMBU MWOT 24:15

Hwome ongkya ningle, chitsaokya hia tsaokya pangnu wüi Jowanpa ma zidaokya chatle azangle zoüi le kuechu ongpu.

FILIPI 3:5

Ku pux füima hatdang süt tanto wüi kue khwonzüt zom kaipu. Ku a nuput ma wüi Israel khünak, Benjamin saxthom angkya, otsingtsing Ibri aji tsaotsao changle. Jehudi nok wanlom tokya olom tokhange hukoxlechu, ku a tuita farisi changle,

WANGSHEMBU MWOT 28:20

Ija khoma hünzom ngünse tamchu hünzom füi zangwünse texpu; chemthüikoxle Israel khünaknue sungle ngokya mixsün khoma ku chak ma ija jankap lang angkya laipu.”

MATHI 22:23

Ija nyixnyix wüi züita farisibu Jisu hato ngui. Hwom a khünak zidaokya chatle azangle münzo le thüikya othom.

WANGSHEMBU MWOT 22:5

Nguakhobu hia nguawangbue ija ku kax changtomta kox-a le kaxkhi fa ang tsuaküi. Damaska ma ngokya Jehudi khünakbu hato zakya hwom angkya laiza füi, ibu khünakbu koplaxle janbüi füi khak üntoxle sikangün ang Jerusalem to laxlaxle chat angkya hanpakmale ku Damaska to paokya changpu.

MATHI 10:16

“Apalax, shwon tham khato chun hosabu ningle kue hünzom tsanle apaopu. Pu ningle atsinglax, osu ningle nonai le tüilax.

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

WANGSHEMBU MWOT 22:3

“Ku a Jehudi khünak, Silisia angkya Tarsas ma puxkya changle, ikoxlechu ija Jerusalem ma Gamaliel chitong ma lainao tuita ningle tsongle hüikya mix changpu. Bangkya kem pupa wanlom to angkya bama kue thutle awan kopkya changpu, ilaxle anyix hünzom ningle kuechu wüi tsuakkya apongle ma tsün Zang mwottho to koxle thomkya mix changpu.

WANGSHEMBU MWOT 22:30

Ofüi nyix, Jehudi khünakbue chix ma chem tsaihux kaxhux fepuix le opaktik ang chix da ilaxle nguakhobu hia nguawangbu nyakle asox ilaxle Pol jolaxle hwom thüntho ma ajong.

WANGSHEMBU MWOT 23:1

Pol-e nguawangbu to tangthole hu ilaxle akax: “Kutüi kunaohom! Anyix kople Zang pomtho ma ku tsün bama ku khangka tsaotha le otya ma wüi tüitan.”

WANGSHEMBU MWOT 23:7

Chixe ija kax akaxkya füi shemle farisi hia sadukibu hyet ma süt, ilaxle hwom othom ahan.

WANGSHEMBU MWOT 23:15

Athax a hünzome tamchu nguawangbue Roman süpahi lompa hato chix bama anaolechu tsaitong kaxza sümüile awanle laxse tsupu, le atsing laxle, Pol hünzom hato ajohüi le kax koxkox. Ilaxle chixe ikha kopüi thoto wüi chix lang ang kwom atha anyemle ngoüi.”

WANGSHEMBU MWOT 23:20

Chixe lan: “Pol bama tsaitong kaxza sümüile awanle laxsele atsing laxle, Jehudi nok pünpa-chongwangbue ngainyix nang ma Nguawangbu hato Pol johüi le ju angkya azuadaoa.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

IBRI 6:19

Khosün tüile le ongkya ija monghom a kwom chasa hanpakma fakbüi tuita ningle otsak ozong hia mongong chongkya changle.